mánadagur 10. mars 2008síða 15

Nr. 49 - 10. mars 2008 15 nøvn Her er ein mynd av nøkrum av manningini á trolaranum Stella Argus. Myndin er helst tikin nakað eftir kríggið. Vit kenna okkurt av nøvn­ unum, men fleiri mangla. Her er tað sum vit vita, f.v.: 1. Tummas Thomassen (Kvívíks Tummas), skipari, 2. Hans Egholm, 3. ókendur (beiggi Wenzel Petersen, búði í Runavík?), 4. ókend­ ur, 5. Djóni Thomassen í Kvívík, 6. Arnold ?, 7. Valdemar ? (úr Nólsoy), 8. Eli ?, 9. ókendur (av Skarva­ nesi). Teksturin er skrivaður eftir upplýsingum frá Eli Petersen í Havn sum eigur myndina. Eli kundi hugsað sær at fingið tey røttu nøvn­ ini á monnunum og hvar teir eru frá. Tá vit hava fingið nøvnini upp á pláss, seta vit myndina aftur í blaðið við røttu nøvn­ unum. Um onkur kennir menninar, er viðkomandi vælkomin at ringja til á tel. 341844 ella 216135. Kennir onkur nøvnini? Dagurin 11. mars. Thala. Ókend ung genta, sum tíðliga í fornkirkjuni varð tikin av døgum fyri trúgv sína. Tøkk Øllum tykkum mongu, sum við gávum, blómum, fjarritum og á annan hátt gleddu okkum á silvurbrúdleypsdegnum, sum var hildin tann 15. des. 2007 vilja vit takkað hjartaliga. Eisini vilja vit takka tykkum sum árla á morgni sjálvan silvurbrúdleypsdagin tann 18. des. 2007, vaktu okkum við vøkrum sangi. Somuleiðis takka vit fyri alla hjálpina vit fingu bæði áðrenn, undir og eftir silvurbrúdleypið. Takk fyri øll somul. Bestu ynskir Poula og Andreas Sandá Vetrarnáttin tann vakra um vøtn og fjøll seg leggur fjallatindar vakrir stíga upp móti himnahálvinum mánin undan Kirkjubøreyni nú er komin mánalýsið um bygdina fevnur Áin gjøgnum dalin seg smoyggjur áarløkurin undan helluni við sjóðan kemur móti fossinum leiðin gongur á tromini ketta á vakt stendur Brúsandi fossur vakurleiki hesa nátt brúgvin um ánna bygd og bý bindur saman ljósið frá fossinum eitt vakurleika spæl av skaparans hond Sandá - hesa nátt eg ei gloymi. Steinbjørn Viggosson Olsen Mynd frá ”Realskúlaframsýningini 1916­66”, sum Jórunn Dánjalsdóttir skipaði fyri í Kommunuskúlanum í Havn í summar. Myndin er frá 1946 av fýra næmingum í einum millum­ skúlaflokki. Teir standa á toftunum av eingilskmannabarakkunum, ið høvdu staðið har sum Tórshavnar Kommunu­ skúli er í dag. Aftara rað f.v.: John Nolsøe, Vilhjálmur Mohr og Kári Hansen. Fremst: Marius Thomasen Um onkur hevur hug at ogna sær hesa mynd, er viðkomandi vælkomin at venda sær til Jórunn Dánjalsdóttir á telefon: 226024. Myndaeigari: Marita Arge Magnussen Millumskúlaflokkur í 1946