mánadagur 17. mars 2008síða 20

20 [ Nr. 54 - 17. mars 2008 ] Misjøvn byrjan hjá Mørkøre Kurt Mørkøre var, eftir nøkur ár í útlegd í Noregi, aftur í Føroyum og føroyskum fótbólti í farna kappingarárið. Leingi var líkt til, at hann skuldi vinna B36 upp aftur á ovastu rók í Formuladeildini, men fyrrverandi lands­ liðsleikarin stóð eftir við einum bronsuheiðursmerki, tá avtornaði. Kurt Mørkøre skal í hesum kappingarárinum standa á odda fyri norska Elnes­ vågen, sum spælur í triðbestu deildini í Noregi. Hetta er í økinum Nordmøre/ Romsdal. Fyrireikingarnar eru komnar væl áleiðis hjá klaksvíkinginum, men eftir úrslitunum í venjingardystunum at døma hevur ikki gingið serliga væl. Liðið hevur tapt allar fýra dystirnar, sum higartil eru leiktir. Triðbesta deildin í Noregi fer aftur av bakkastokki tann 21. apríl, og Elnesvågen skal royna at lyfta seg avgerandi fetið frá triðja plássinum, sum liðið endaði á í fjør. Avrikið var lítið sannførandi og fáir glottar vóru, tá Føroyar í gjár legði rygg til 3-0 ósigur í venjingardysti móti Íslandi. Jógvan Martin Olsen hevur framvegis bara roynt at tapt, meðan hann hevur staðið á odda fyri føroyska landsliðnum Fótbóltur Uni Holm Johannesen uni@sosialurin.fo – Eg eri ikki nøgdur við at tapa, um tað so verður við einum máli. Vit fara eftir sigrinum og ikki minni enn tað. Jógvan Martin Olsen, landsliðsvenjari, var sera bjartskygdur undan venjing­ ardystinum móti Íslandi í Kópavági í gjár. Íslending­ arnir ­ við einum undantaki ­ mannaðu liðið við leikar­ arum úr heimligu kapping­ ini. Vit kunnu framvegis bara staðfesta, at Jógvan Martin Olsen enn ikki hev­ ur roynt at fingið stig við føroyska landsliðnum, með­ an hann hevur staðið við ábyrgdini. Serliga í seinna hálvleiki var føroyska spælið lítið sannførandi, og so gjørdist sigurin hjá Ís­ landi óneyðuga stórur. Misnýta stóran møguleika Fleiri broytingar vóru á før­ oyska liðnum, samanborið við dystin niðri í Italia fyri nøkrum mánaðum síðan. Útisetarnir Súni Olsen, Jón Rói Jacobsen, Tem Hansen og Christian Holst vóru ikki við í føroyska ferða­ lagnum. Hetta gav møgu­ leikan til millum annað Óli Hansen í miðverjuni og Ingi Højsted á miðvøllinum. Mest óvæntað var helst, at Arnbjørn T. Hansen úr EB/ Streymi fekk plássið sum framherji saman við Rógva Jacobsen. Tað sást týðiliga á spæli­ num, at óroyndir leikarar nú vóru við í altjóða høpi. Fótbóltsspælið var ongantíð í hásæti og fáir veruligir nærdystir vóru. Eitt av høv­ uðsendamálunum við venj­ ingardystinum var at fáa verjuspælið at rigga, og tað eydnaðist. Ísland hevði onga veruliga atsókn á mál­ ið hjá Jákupi Mikkelsen. Tað hevði Arnbjørn T. Hansen hinvegin á íslendska málið, og hann burdi eisini sent Føroyar á sigurskós. Miðskeiðis í fyrra hálvleiki fekk Símun Samuelsen, sum stóð seg væl, nógv pláss, og við góðari sending spældi hann til framherjan. Einsamallur við málverjan tók hann ikki av, men sendi beint á málverjan. Føroyar megnaðu hesa løtuna at seta heimaliðið undir trýst. Ísland var meira á bólti­ num í fyrra hálvleiki, men hugflogið manglaði av álvara í framrættaða spæli­ num. Tað bilaði tó ikki í síðsta minuttinum undan hvíldini. Aron Einar Gunn­ arsson sendi inn úr høgru, har Jónas Guðni Sævarsson við høvdinum stýrdi bólti­ num fram við Jákup Mikkel­ sen. Neyvir íslendingar, sum løgdu seg á odda við teirra fyrsta málmøguleika­ num. Lítið sannførandi Um málið hjá heimaliðnum fekk avgerandi týdning á hugburðin hjá føroysku leikararunum skal verða ósagt, men tað tóktist, sum hetta hevði stóra ávirkan í seinna hálvleiki. Føroyar hevði ilt við at fáa fótin fyri seg, og vertirnir úr Íslandi fingu tamarhald á. Helgi Sigurðsson var einu ferðina eisini nær við at økja um leiðsluna, men framherjin skallaði beint framvið. Føroyska liðið hevði lítið at bjóða. Eitt langskot frá Atla Danielsen, sum Kjart­ an Sturluson ongar trupul­ leikar hevði við, var tað nærmasta, sum føroyingar­ nir komu einum útjavnandi máli. Innskiftingin av Bergi Midjord hjálpti eitt sindur, men havnarmaðurin fekk einki gjørt við, at Ísland økti um leiðsluna, tá 19 minuttir restaðu. Tað kundi Fróði Benjaminsen helst, tí toftamaðurin stýrdi sjálvur einum innleggi í egi mál. Løtu seinni var Tryggvi Guðmundsson ikki serliga væl ansaður í brotsteiginum, og hann hevði ongar trupulleikar við at staðfesta sigurin á 3­0 til íslending­ ar. Útvísingin av Rógva Jacobsen fimm minuttir fyri tíð staðfesti eitt føroyskt lið í upploysn. Klaksvíking­ urin tveitti seg í glíðandi takkling og harðliga sendi hann ein mótstøðumann í graslíkið. Einasti veruligi glottin á føroyskum liðnum var verju­ parturin í fyrra hálvleiki. Annars var spælið lítið sann­ førandi, og føroyingar høvdu væntað eitt væl betri úrslit, nú Ísland ­ við einum undantaki ­ var manna av leikarum úr heimligu kapp­ ingini. 3­0 til íslendingar og aftur ein ósigur til før­ oyska landsliðið. Fáir glottar Ísland - Føroyar 3-0 (1-0) 45.: 1-0, Jónas Guðni Sævarsson 71.: 2-0, Fróði Benjaminsen, sjálvmál 79.: 3-0, Tryggvi Guðmundsson Føroyar: Jákup Mikkelsen, KÍ - Johan Troest Davidsen, NSÍ, Fróði Benjaminsen, HB, Óli Hansen, NSÍ, Einar Hansen, NSÍ (81.: Mortan úr Hørg, HB) - Símun Samuelsen, Keflavík (67.: Bergur Midjord, B36), Ingi Højsted, B36 (81.: Kristoffur Jakobsen), Atli Danielsen, Frem, Christian Høgni Jacobsen, HB: (73.: Hjalgrím Elttør, NSÍ) - Rógvi Jacobsen, IL Hødd, Arnbjørn T. Hansen, EB/Streymur (73.: Rókur av Fløtum Jespersen, Fremad Amager) FAKTA Ingi Højsted og hinir á føroyska liðnum máttu ásannna, at sum dysturin leið gjørdust íslendingarnir alt meira flúgvandi enn føroysku spælararnir Mynd: Morgunblaðið