mikudagur 19. mars 2008síða 23

23 pssst! … hevur tú hoyrt? • mars 2008 Tá tú hevur viðgjørt húðina, er tað best, um húðin fær frið í nakrar tímar. Tí skalt tú helst ikki smyrja tær beint aftaná eina andlitsviðgerð. Um várið er dagsljósið annars ofta sera sterkt, og tí er best ikki at nýta ov nógv make-up um dagin. Reglan um at “less is more” er galdandi. Tá tú leggur eina lætta make-up, er vippubukkarin eitt hent amboð. Við at bukka eygnavippurnar síggja eyguni stór og opin út, og tá nýtist ikki so nógv mascara. GÓÐ RÁÐ Húðin fær eisini skaða av vársólini, sum er rættiliga sterk, nýt tí altíð eitt dagkrem við faktor. Tá tú leggur make- up, far so yvir ímóti vindeyganum og spegla tær, so tú sært hvussu tú sær út í dagsljósi. Várljósið er sera sterkt, so tað er skjótt at síggja ov smurd út. Um várið er ofta best at leggja eina heilt lætta og náttúrliga dagmake-up. Um kvøldið ber tó saktans til at gera meiri burturúr. Heimaspa: Makeup GÓÐ RÁÐ Vit minnast øll reyðu tablettirnar, sum vit fingu frá skúlatannlæknanum á sinni -og sum avgjørt eru undirmettar. Keyp eina dós av teimum og kanna tína tannbusting regluliga. Tú sparir nógvan pening í mun til dýru tannlæknarokningarnar. Heimaspa: Munnviðgerð Munnurin er neyvt tengdur at vælveru okkara. Tað er tí avgjørt ein partur, sum eigur at hava sítt fasta pláss í einum og hvørjum heimaspa. Tú kanst til dømis nýta 15 minuttir uppá vælveru í munninum, meðan tú bíðar eftir, at hárviðgerðin kann skolast úr hárinum aftur. Nýt eina góða tannbust, sum antin er bleyt ella medium. Er hon ov hørð, fer hon illa við emalju og tannholdi. Busta við rundum rørslum og gev tær góðar stundir til hvørja einstaka tonn. Minst eisini til at koma heilt afturum ta aftastu tonnina. Tanntráðurin verður ofta “gloymdur” í einum strongdum gerandisdegi. Men í tínum heimaspa hevur tú góða tíð at hjúkla um teg sjálva. Nýt høvið at reinsa væl og virðiliga ímillum allar tenninar. Ein tunguskavari er eitt hent amboð, eftirsum ein óhugnaliga stórur partur av bakteriunum í munninum eru á tunguni.