mikudagur 26. mars 2008síða 7

7 tíðindi Nr. 58 - 26. mars 2008 - Eg góðtaki undir ongum umstøðum at brúka 400 milliónir til skúlar, uttan at fíggingin av Sand- oyartunlinum er greið framman und- an, sigur Gerhard Lognberg SKÚLADEPIL Leo Poulsen leo@sosialurin.fo Tingfólk lata væl at ára­ lagnum í samgonguni, men uttanífrá kann tykjast, sum áralagið til tíðir meiri líkist einum rómapískara. Partvís eru samgongulim­ ir argir um, at fíggjarlógin ikki er komin fyri tingið enn, og í dag staðfesti Ger­ hard Lognberg, at semja langt frá er fingin um fígg­ ingar og raðfestingar av íløgunum. Í gjár bar Kristina Háfoss eitt uppskot niðan í tingið um Skúlamiðdepil í Markna­ gili, men sambært Gerhardi Lognberg skal hon og restin av samgonguni ikki rokna við hansara atkvøðu soleiðis uttan víðari. ­ Eg góðtaki undir ongum umstøðum at brúka 400 milliónir upp á eina skúla­ ætlan, uttan at fíggingin av Sandoyartunlinum er greið framman undan. Nú skal eingin misskilja meg, eg havi einki ímóti skúlum; teir skulu vit hava, og teir skulu vera góðir. Men tað ber ikki til bara at tveita eitt uppskot niðan í tingið fyri 400 milliónir, eg havi eina lóg um Sandoyartunnil, sum skal byrja í 2009, at halda meg til, og áðrenn tann fíggingin er fingin upp á pláss, atkvøði eg ikki fyri skúladeplinum, sigur Gerhard Lognberg. Brestur Hann slær sostatt fast, at áðrenn raðfestingin av íløg­ unum er fingin upp á pláss, og hann veit nakað ítøkiligt um fíggingina av Sandoyar­ tunlinum, fær samgongan ikki hansara atkvøðu í mál­ inum um Skúlamiðdepil í Marknagili. ­ Vit hava eitt skip, sum er í ólagi í heilum, og hartil fer tað fast í dokk hvørja ferð summarið nærkast, so vit eru meiri ella minni utt­ an samband í einar tríggjar mánaðir, vísir Gerhard Lognberg á. Sandoyartingmaðurin hevur alla tíðina verið sóla­ klárur í hesum málinum, og at hann ikki ætlar sær at vingla frameftir heldur, staðfesti hann fyri Sosialin­ um fyrrapartin í tinginum. ­ Samgongan skal ikki rokna við, at eg trýsti á grøna knøttin, uttan at Sand­ oyartunnilin er fingin upp á pláss, sigur Gerhard Logn­ berg. Hann heldur tað vera undarligt, at fólk eru á gosi um 600 milliónir til ein Sandoyartunnil, men at 400­500 milliónir til ein skúladepil ikki verða tiknar upp á tunguna. Men tað let­ ur hann sær ikki lynda, og hann fer at standa fast við sítt. ­ So tað kann saktast blíva ein brestur um hetta málið, men hann ætli eg mær at taka við stívum armi, sigur ein avgjørdur Gerhard Lognberg. Teir skulu vænta sær ein brest Gerhard Lognberg hevur sum politiskt aðalmál at fáa fast samband til Sandoynna, og er eisini til reiðar at taka ein brst um tað skal vera Næmingar seldu fisk Studentaskúlanæmingar úr tveimum miðnámsflokkum úr Vági komu í morgun til Havnar at selja fisk í Gongugøtuni. Endamálið var at savna pening inn til eina námsferð til Barcelona í oktober. Hýsa, kalvi, saltfiskur og lambakjøt úr Sumba vóru í sølubúðini hjá næmingunum úr Suðuroy. Mariann Mikkjalsdóttir og Winnie Heinesen úr 2.S vóru inni á gólvinum í Miðlahúsinum fyrrapartin fyri at gera vart við, at góður fiskur var at fáa frá klokkan 10 í Gongugøtuni og allan dagin. Tær báðar gjørdu vart við, at søluátakið var góðkent av Heilsufrøðiligu Starvsstovuni. Tað ganga á leið 30 næmingar í teimum báðum stundentaflokkunum í Vági. Landsstýrismála- nevndin hevur í morgun havt fund, og sambært forkvinnuni, Heidi Petersen, er nevndin nú í bíðistøðu KANNING Leo Poulsen leo@sosialurin.fo ­ Vit hava havt fund í morg­ un, har vit viðgjørdu málið um Tórbjørn Jacobsen, fiskimálaráðharra. Vit hava heitt á løgmann um at upp­ lýsa nevndina um, hvat hann nágreiniliga kannar, samstundis sum vit hava biðið hann halda nevndina kunnaða um málið leypandi, sigur Heidi Petersen. Tá ein niðurstøða er greið frá løgmanni, fer nevndin at taka støðu til, um hon fer víðari við málinum. ­ Okkara uppgáva er at kanna, um landskassin er verri fyri av partabrævasøl­ uni, og um tað eru skattlig viðurskifti í málinum, sum hugt eigur at verða nærri at, sigur Heidi Petersen, for­ kvinna í Landsstýrismála­ nevndini. Í bíðistøðu Heidi Petersen og restin av Landsstýrismálanevndini er í einari bíðistøðu í løtuni