mikudagur 26. mars 2008síða 21

21 vinnan Nr. 58 - 26. mars 2008 Tekur seg aftur Tann 94 ára gamli Mærsk Mc-Kinney Møller hevur valt at siga seg úr starvinum sum nevndarformaður í reiðarínum A.P. Møller, sum umsitur viðurskiftini hjá øllum teimum umleið 6.600, sum arbeiða umborð á skipum og oljupallum felagsins. Men hóast tann høga aldurin heldur Mærsk Mc-Kinney Møller fram sum formaður í sjey feløgum, og enn er einki likið út um, at hann umhugsar at siga seg úr nøkrum teirra á aðalfundinum 29. apríl. Mærsk Mc-Kinney Møller er 94 og formaður í sjey feløgum (Mynd: DR) Ein turrur William­ brunnur verður eitt bakkast fyri føroyska oljuleiting. Men ikki neyðturviliga nøkur katastrofa. Tí fleiri aðrir brunnar standa fyri framman báðumegin markið. Á bretskum øki verður tosað um stórar útbyggingarætlanir. Serstakt fokus er her á Rosebankkelduna skamt frá føroyska markinum Oljuanalysa Jan Müller jan@sosialurin.fo Tað er ikki hvønn dag, at Atlantsmótið, te. økið mill- um Føroyar og Hetland, sleppur á forsíðurnar í teim- um kendu og stóru olju- bløðunum. Tað hendi tó í farna mánað, tá stóra og vælrenomeraða blaðið ”Deepwater International” umrøddi virksemið vestan fyri Hetland. Blaðið um- røður verkætlanina, sum fleiri stór altjóða oljufeløg og bretska oljumálaráðið hava sett út í kortið, har endamálið er at finna eitt felags stev og samstarv soleiðis at farast kann undir at fáa tað nógva gassið í undirgrundini til høldar. Umframt tær tríggjar stóru oljukeldurnar, Foinaven, Schiehallion og Clair, so eru eisini gjørd nógv smærri gassfund millum Hetland og føroyska markið. Higar- til hevur tað ikki verið mett lønandi at fara undir at byggja tey út, serstakliga or- sakað av manglandi infra- strukturi í øllum økinum. Fyri at kunna framleiða gass á leiðum sum hesum er neyðugt við rørleiðing at flyta gassið til lands ella mugu aðrar loysnir so sum við framleiðslu á staðnum finnast. Tað er henda problema- tikkin, sum Deepwater International umrøður. Blaðið skrivar, at tað í løtuni verða gjørdar kann- ingar og metingar av, hvør er skilabesta og bíligasta loysnin skulu tey mongu gassfeltini og eisini eitt týð- andi oljufund sum Rosebank koyrast av bakkastokki og gerast framleiðandi felt. Stóra oljufelagið Total, sum stendur fyri gasskeldunum Laggan og Tormore er eitt av lyklafeløgunum í hesi spennadi ætlan. Eisini eru feløg sum BP, Dong, ExxonMobil, Chevron og Statoil við í hesum kanningum. Umrøtt verður hvat slag av framleiðslu- útbúnaði er best hóskandi til at kunna lata upp fyri bæði gass- og oljufram- leiðslu á hesum rættiliga fjarskotnu leiðum vestan fyri Hetland. Týdning fyri Føroyar eisini Tað er áhugavert at síggja, at altjóða oljublaðið Deep- water International, skrivar, at ein tann mest lovandi útbyggingarverkætlan vest- an fyri Shetland, er tann, sum liggur heilt upp at før- oyska markinum, nevniliga Rosebank økið, sum VINNAN í Sosialinum fleiri ferðir hevur umrøtt. Her verður eisini sagt, so- leiðis sum vit kunnu tulka tað, at um onnur felt verða funnin, kunnu tey bindast í Rosebank. Hetta ger, at smærri felt, sum fyrr ikki hava verið burðardygg at út- byggja, kunnu blíva áhuga- verd. Her kunnu felt á Før- oyaøkinum tí eisini verða áhugaverd í framtíðini. Tá Rosebank var funnið, segði m.a. Statoil í sínum tíðindaskrivi, at hetta kundi fáa positiva ávirkan á leit- ingina við Føroyar eisini. Somu feløg, sum eru við í Rosebank verkætlani, hava eisini loyvi 008 á Føroya- økinum, sum liggur heilt uppat Rosebank feltinum. Tey eru Chevron, Statoil, DONG og OMV. So tað kann óivað væl hugsast, at nú sannlíkindini eru størri og størri fyri, at Rosebankfeltið verður fult útbygt, og vit koma at síggja stóran framleiðslupall liggja heilt upp at føroyska markinum og framleiða olju, at hetta kemur at gera økið fram við føroyska markinum meira áhugavert. Bæði føroysku megin og bretsku megin markið. So tað er óivað ikki av ongum, at somu feløg sum eru við í Rosebank-verkætlanini, hava lagt seg á eitt stórt øki føroysku megin markið. Fleiri brunnar aftaná William Nú Willambrunnurin óivað skjótt er komin á mál, verð- ur spennandi at síggja, hvat víðari hendir á Føroyaøki- num. Vit vita, at 3. útbjóð- ingarumfar verður í ár, og at ENI skal bora ein brunn næsta ár. Umframt hetta, hevur Chevron áður sagt, at stór sannlíkindi eru fyri, at somu feløg, sum bora á Rosebankøkinum, fara at bora føroysku megin mark- ið, um ikki so langa tíð, kanska í 2008 ella 2009. Sambart keldum VINN- AN í Sosialinum hevur tos- að við so verða avmark- ingarbrunnar boraðir í vetur bæði á Cambo og Rosebank- fundunum, sum liggja tætt við markið. So hóast Williambrunnurin verður turrur, hvat vit enn einki vita um, so fer framhaldandi at vera borivirksemi báðu- megin markið. Fyri framtíð- ar føroyska oljuleiting er tað av ómetaliga stórum týdningi sigur ein kelda við blaðið. Atlantsmótið jaliga umrøðu í altjóða oljublað Kortið er frá blaðnum Petroleum Economist og vísir olju- og gassleiðirnar millum Hetland og føroyska markið. Brunnar verða boraðir á Cambo og Rosebankfundunum seinni í ár og tíðliga næsta ár. Møgulig avgerð um útbygging verður helst tikin í 09. Gassfeltini Tormore, Laggan, Torridon og Victory standa nú fyri tørni. Møguliga verða tey útbygd. Ein útbygging av Rosebank kann fáa stóran týdning fyri alla menningina her í framtíðini, og skamt fra Rosebank, inni á føroyska landgrunninum, er ætlanin at bora møguligan brunn møguliga í 08. Deepwater International, eitt av teimum mest seriøsu altjóða oljubløðunum umrøður spennandi framtíðina hjá økinum vestan fyri Hetland á forsíðu.