hósdagur 27. mars 2008síða 8

8 tíðindi Nr. 59 - 27. mars 2008 Prestvígsla Snorri Brend snorri@sosialurin.fo Dómkirkjan: - Álit á Gud, - tað er í øllum førum tað, sum altíð fer at liggja undir mínum prædikum, sigur Ann. Sunnudagin verður hon prestvígd í Dómkirkjuni, og fer tá at virka sum ein av prestunum við tær fýra kirkjurnar í Suðurstreymoy- ar Eystara Prestagjaldi – Dómkirkjuna og kirkjurnar í Hoyvík, Nólsoy og í Kald- bak. Ann byrjar í starvinum 1. apríl og verður í tí til hálvan august. Hetta er starvið hjá Marjun Lómaklett, sum er í longdum barnsburðarfar- loyvi. Høvuðsarbeiðið hjá nýggja prestinum verður sjálvandi við tær kirkjuligu tænasturnar, herundir præd- ikurnar. Og boðskapin í teimum er hon ikki eina løtu í iva um: - Vit kunnu altíð líta á, at hann tekur sær av okkum óansæð hvørji vit eru og í hvørjari støðu, vit eru í. Tað hevur sjálvur sagt, og tí er tað soleiðis, sigur 31 ára gamla Ann, og vísir til frá- søgnina um fótasporini í sandinum, sum greitt verður frá aðrastaðni á síðuni. Hon hevur lisið gudfrøði sum sjálvlesandi við Århus Universitet, er gift og er bú­sitandi á Tinghú­svegnum í Havn saman við manni og trimum døtrum. Prædikaði fyri dukkunum Nú­ Ann verður prestvígd sunnudagin, eru gudstæn- astan, kirkjan og andaliga lívið als ikki ókent fyri tann 31 ára gamla prestin. - Eg havi faktiskt altíð gingið í kirkju – og tað hev- ur mær dámt sera væl, greið- ir Ann frá. At hon skuldi gerast prest- ur ein dag, hevur hon droymt um, so langt hon kann minnast aftur í tíðina. Hon hevur í roynd og veru altíð vitað tað, og hev- ur somuleiðis í verki - og spæli! - víst, at hetta varð leiðin hon ætlaði at fylgja seinni í lívinum. - Ja, eg minnist at eg plagdi onkutíð at seta stólar upp heima við hú­s og spældi at teir vóru kirkju- beinkirnir. So prædikaði eg fyri dukkunum og ímyndaði mær soleiðis, at tær vóru kirkjufólkið. - Eg haldi, at tær lurtaðu væl eftir, sigur Ann við ein- um brosi. Dámar at prædika Tá hon sum tannáringur fór í 8. flokk í Kommunuskú­l- anum, var tað somuleiðis hetta starvið, sum lá henni fremst í huganum – og áhug- in fyri starvinum gjørdist ikki minni, tá hon síðani fór undir miðnámslesturin sum studentur í Hoydølum. Tá hon gekk í framhalds- deildini tók hon enn eina avgerð á leiðini fram ímóti starvinum, sum hon verður vígd til sunnudagin: Hon avgjørdi at fara í starvsvenj- ing hjá Kjartani Mørkøre sum tá var prestur í Vestur- kirkjuni. Hetta var ein sera áhuga- verd venjing fyri ta ungu Ann, tí hon samstundis kom at arbeiða saman við táver- andi biskupi, Hans J. Joen- sen og táverandi dómprósti, Petur Martin Rasmussen. - Teir høvdu helst ikki roynt áður at hava ein næm- ing í starvsvenjing – og ser- liga ikki eina unga kvinnu. Men teir tóku sera væl ímóti mær, minnist Ann afturá. Tá hon fór í studentaskú­la, slepti hon ikki endanum, men helt fram á somu leið, og hevði av og á andaktina, sum varð fyriskipað á skú­l- anum eina ferð um vikuna. - Eg veit ikki rættiliga hví, men mær hevur altíð dámt væl at prædika og at boða Guds orð, sjálvt um tað ikki beinleiðis liggur til mín, sigur hon, og avdú­kar í hesum viðfangi, at hon er eitt sindur smæðin av lyndi. Eitt lív í yvirflóð Hóast Ann fyrst verður prestvígd sunnudagin, hev- ur hon longu roynt seg sum talara fleiri ferðir. Hon hevði millum annað eina prædiku í Vesturkirkjuni í heyst, tá hon aftur var í starvsvenjing her – hesaferð í sambandi við pastoralsem- inari’ið. Hesa prædikuna dámdi fólki so mikið væl, at Sosialurin varð biðin um at prenta hesa í blaðnum. Á gudstænastuni í Dómkirkjuni sunnudagin verður 31 ára gamla Ann D. Hansen prestvígd. – Hjá Gudi hava vit øll eitt óendaligt virði. Vit kunnu altíð líta á, at hann tekur sær av okkum í øllum lívsins viðurskiftum, sigur nýggi presturin. Heilt frá tí hon var smágenta, hevur hon ætlað sær at gerast prestur. Nú gerst dreymurin umsíðir veruleiki Gud fer ongantíð Angela og Hannebal í Føroyahúsinum Komandi leygardag klokkan 15 fara barnavinarligu Angela og klovnurin Hannebal at undirhalda við barnatiltakið í Føroyahú­sinum í Keypmannahavn. Angela Petersen og Rú­ni Gaardlykke hava nógv ár á baki, og sjálvt um tey eru at síggja í føroyskum sjónvarpi hvørja viku við sendingini Krutl, so sæst tað eisini á netinum: www.olivant.fo/?page=svf. Meiri kann lesast á: www.myspace.com/foinvasion Argjalega í Nesvík Aftur í ár verður møguleiki hjá argjafólki at taka lut á Aftur í ár verður møguleiki hjá argjafólki at taka lut á Argjalegu í Nesvík. Legan verður vikuskiftið 11.-13. apríl. Ymist verður á skránni. Tríggir fyrilestrar verða hildnir, ein fríggjakvøldið og hinir leygarmorgun og seinnapartin leygardagin. Sólbjørg Símunarson fer at tosa um strongd, Martin Joensen lív sítt, og John Myllham- ar kemur at tosa og vísa myndir um vanlukkuna við sinnopsgassi, ið honum var fyri umborð á »Heldarstindi«. Frítíðaraktivitetur og veitslukvøld verða eisini á skránni. Tekning fer fram á tlf. 315870 ella á e-posti: alfredh@post.olivant.fo innan 6. apríl.