fríggjadagur 28. mars 2008síða 18

18 FÓTBÓLTUR 2008 Brellbitin er helst heimadysturin móti Eysturríki, men í aðrar mátar tykist skráin hjá føroyska landsliðnum í heyst ikki vera tann mest áhugaverda Við trimum eystureuropiskum mót­ støðuliðum í heyst verður talan neyvan um tað heilt stóru áskoðara­ fjøldina, sum føroyska landsliðið fer at draga at sær komandi landsliðs­ árið. Skal nakar dystur takast framum, so er einki at ivast í, at føroyski áskoðarin gleðir seg til oktober mánað, tá Eysturríki kemur á vitjan. Og ongan tíð betri, enn um maðurin við stýrisvølin tá framvegis eitur Josef Hickersberger. Sami Hickers­ berger, sum náttina til 13. september fyri 18 árum síðani fekk sekkin, eftir at Eysturríki hevði verið fyri størstu fótbóltseyðmýkingini í annars so stoltu fótóltssøguni hjá landinum. Eins væl og dysturin ta ferðina markeraði ein niðurtúr av teimum heilt stóru fyri eysturríkskan fótbólt, so var hetta eisini okkara stóra fóta­ traðk inn á altjóða pallin. Og hóast úrslitini fyri tað nógva vóru greið tap, so tænti dysturin sum støðu áminning til mótstøðuliðini um, at Føroyar ikki skuldu undirmetast alt ov nógv. Kring túsundáraskiftið gav før­ oyska fótbóltslandsliðið eisini fleiri slíkar áminningar. Hóast talan sjáld­ an gjørdist um sigrar, so fingu fleiri av mótstøðuliðum okkara at vita, at tey ikki skuldu taka nakað sum helst fyri givið móti okkara ellivu. Ein veruleiki, sum tó ikki hevur ver­ ið heilt so lættur at staðfesta sein­ astu tvey árini. Flogræðsla í Fraklandi Orsøkirnar til lakaru úrslitini eru fleiri. Men eitt ættarliðsskifti bland­ að við svartasta óhepni við skaðum eru helst týdningarmestu orsøkirnar í so máta. Nýggja landsliðsættarliðið er nú av álvara við at taka skap, men tað verður helst ikki her og nú, at før­ oyski áskoðarin sær úrslitið av ar­ beiðnum, sum er gjørt í so máta. Hinvegin eru ungu menninir nú tvey ár eldri, og statistiskt ber næstan til at siga við vissu, at skaðaóeydnan ikki verður tann sama komandi tvey árini, sum hon hevur verið. Tí var tað við ávísum spenningi, at sæð varð fram til lutakastið í fjør, men verður sæð burtur frá Eystur­ ríki, so var talan um eitt hampuliga lítið áhugavert lutakast. Serbia, Rumenia og Litava eru veldugar avbjóðingar ítróttarliga. Og kanska eru útlitini fyri onkrum stigi móti Litava ikki heilt eingi. Men eystureuropiskur fótbóltur er ikki tað, sum føroyskir fótbóltsfjepp­ arar geva størstan ans. Og hóast Frakland telur fleiri av fremstu spælarunum í heiminum, so man tað kennast hálvgum trivi­ elt, tá talan er um triðju undankapp­ ingina á rað, at Frakland er millum mótstøðulið okkara. Í so máta man størsti dramatikkurin helst snúgva seg um, hvørt Henry og hinar stjørn­ urnar yvir høvur hava hug at seta seg í eitt flogfar við kós móti lítla vøllinum í Vágum. Men tann 11. oktober verða eyg­ uni vend móti oyggjum okkara. Tað kann væl verða, at Eysturríki ikki longur er tað, sum landið eina ferð var í altjóða fótbóltshøpi. Og hvørki Hans Krankl ella Tony Polster gera longur um seg á europisku fótólts­ vøllunum. Men minniligi dagurin fyri 18 árum síðani er framvegis eitt stórt kapittul í altjóða fótbóltssøguni. Ikki bara hjá okkum sjálvum og eysturríkarum. Søguskrivingin ta ferðina er javnt stór við amerikanska sigurin á Onglandi í 1950. Og spurn­ ingurin hesa ferð er tí, um lítlu Før­ oyar megna at skriva enn ein part av altjóða fótbóltssøguni, tá Hickers­ berger og hansara menn aftur koma á vitjan. ---------------------------------------- Jákup Mørk jakup@sosialurin.fo Eysturlendsk heystarskrá Dystarskráin hjá føroyska liðnum sær soleiðis út: 6. september 2008 Serbia – Føroyar 10. september 2008 Føroyar – Rumenia 11. oktober 2008 Føroyar – Eysturríki 15. oktober 2008 Litava – Føroyar 10. juni 2009 Føroyar – Serbia 19. august 2009 Føroyar – Frakland 5. september 2009 Eysturríki – Føroyar 9. september 2009 Føroyar – Litava 10. oktober 2009 Frakland – Føroyar 14. oktober 2009 Rumenia – Føroyar FAKTA Soleiðis ímyndaði danski fótbóltsvenjarin og -teknarin, Ole Andersen, sær reaktiónirnar í Eysturríki, tá lutakastið til komandi HM- undankappingina fór fram í november mánaði í fjør