fríggjadagur 28. mars 2008síða 26

26 FÓTBÓLTUR 2008 HB Havnar Bóltfelag Postsmoga 1333 FO-110 Tórshavn www.hb.fo STOVNAÐ 04.10.1904 FORMAÐUR Birgir Enghamar MEISTARAR (19) 1955, 1960, 1963, 1964, 1965, 1971, 1973, 1974, 1975, 1978, 1981, 1982, 1988, 1990, 1998, 2002, 2003, 2004, 2006 STEYPAVINNARAR (26) 1955, 1957, 1959, 1962, 1963, 1964, 1968, 1970, 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989, 1992, 1995, 1998, 2004 GREIPUVINNARAR (12) 1955, 1963, 1964, 1971, 1973, 1975, 1978, 1981, 1982, 1988, 1998, 2004 Í 1. DEILD (65 ár) 1942-1943, 1945- Í EUROPA (12) Meistarakappingin 1999/00, 2003/04, 2004/05, 2005/06 Steypavinnar 1993/94, 1996/97, 1997/98 UEFA Cup 1998/99 Intertoto 1995/96, 2000/01, 2001/02, 2006/07 MÁLVERJAR Áður spælt við Marcin DawiD VB/S Tróndur Vatnhamar B36 Thomas Juul Thomsen VERJULEIKARAR Bárður Mittelstein Mortan úr Hørg VB/S Hans á Lag Rasmus Nolsøe TB Fróði Benjaminsen B68, B36, Fram (ÍSL) Torkil Kollsker Janus M. Joensen Pætur Jørgensen Poul Thomas Dam MIÐVALLARAR Áður spælt við Kári Nielsen B71, Skála Jákup á Borg B36 Emil N. Leifsson Milan Kuljic VB/S Rógvi Poulsen Ólavur S. í Ólavsstovu ÁLEYPARAR Andrew av Fløtum Fremad Amager Christian Høgni Jacobsen NSÍ Hendrik Rubeksen GÍ, B68 Páll Mohr Joensen NSÍ TILGONGD Fróði Benjaminsen Janus M. Joensen Christian Høgni Jacobsen FRÁGONGD Vagnur Mohr Mortensen Svend F. Jacobsen B36 Tór-Ingar Akselsen 07 Vestur Johan E. R. Mouritesen TB Rókur av Fløtum Jespersen Fremad Amager Rógvi Jacobsen IL Hødd VENJARI Rúni Nolsøe HJÁLPARVENJARAR Frankie Jensen & Áki Johansen Takið hjá nýggja HB venjaranum verður millum nógvu væl kvalifiseraðu spælar- arnar at finna rætta liðið og syrgja fyri, at spælararnir vera uppsettir Púra óvæntað vann HB FM í 2006. Í fjør kiksaði tað orduliga, tí HB end­ aði á fjórða plássi. Tað kostaði Krzy­ stof Popczynski venjarasessin, at spælararnir tóktust hava mist fokus og vóru mettir eftir óvæntaða FM heitið. Nú er tað miðvallargeneralurin í fleiri enn tíggju ár, Rúni Nolsøe, sum hevur ábyrgdina av liðnum. Eftir uppflytingar úr næstbestu deildini við AB og B68 skal hann prógva, at hann er førur fyri at lyfta HB upp á tindin aftur. Fyritreytirnar tykjast at vera góð­ ar. HB hevur eina rúgvu av væl kvali­ fiseraðum spælarum, og tað er longu undan kappingarbyrjan greitt, at fleiri, sum høvdu verið kærkomnir styrkir á flestu Formula liðunum, mugu finna seg í at siga á beinkinum í HB og viðhvørt at spæla við næstbesta liðnum. Í venjingardystunum hevur ging­ ið sum eftir ánni. Av tíggju vinar­ dystum hava teir vunnið sjey, og tríggjar ferðir hevur úrslitið verið javnleikur. Seinastu árini hevur HB hildið seg til 4­3­3, men nýggi venjarin hevur sagt, at hann ynskir at vera fleksibul. Teir hava roynt seg við 4­ 4­2 og viðhvørt hava teir spælt 4­3­ 3, og aðrar ferðir hava teir skift und­ ir dystunum. At tilfarið er gott, verður eitt nú staðfest í, at teir báðir í fremstu røð eru landsliðsspælarar. Andrew av Fløtum og Christian Høgni Jacobsen tykjast vera fyrsta val. Í fjør varð Christian Høgni í nógvum ymiskum plássum, áðrenn hann fór til Runa­ víkar. Nú skal hann vera álopsspæl­ ari og einki annað. Hendrik Rubek­ sen er farin av venja fyri stuttum og kann saman við Páll M. Joensen vera boð upp á álopspláss. Tróndur Vatnhamar og Marcin Dawid kappast um plássið millum stólparnar. Fróði Benjaminsen er keyptur til at seta propp í miðverj­ una, Mortan úr Hørg er vongverji í høgru, og onnur boð upp á verju­ pláss eru veteranurin Hans á Lag, Rasmus Nolsøe og Poul Thomas Dam, sum í fjør beit seg fastan. Mill­ um yngru spælararnar, sum standa klárir, eru Bárður Mittelstein, Pætur Jørgensen og Torkil Kollsker. Janus M. Joensen er fyri stuttum síðani farin at venja, og hann kann seinni gerast ein møguleiki. Í veningardystunum hevur Ólavur í Ólavstovu víst, at hann kann gerast sentralur lyklaspælari saman við Kára Nielsen. Jákup á Borg tyk­ ist eiga plássið í høgru, og í vinstru kappast unglingaspælarin Rógvi Poulsen, sum er komin av Argjum, og Páll D. Joensen um eitt pláss. Aðrir, sum stríðast um miðvallar­ pláss, eru Milan Kuljic og Emil N. Leifsson. Møguleikarnir eru nógvir fyri upp­ stilling og spælskipan. Nú er tað upp til Rúna Nolsøe at finna røttu blandingina og ikki minst at fáa eyðkendu HB trongdina eftir at vinna fram í teimum, sum fáa høvi at fara á vøllin. Stuðulsspælarar fara at sita á beinkinum Spælara fyri spælara eigur HB helst sterkasta og breiðasta hópin í landinum. Spurningurin er, um tað í ár røkkur til at føra sigursvanda felagið upp á hægstu tindar