fríggjadagur 28. mars 2008síða 29

FÓTBÓLTUR 2008 29 Leikarnir í Víkingi gleða seg av sonn­ um at tørna út fyri nýggja, samanlagda felagið. Fyri evna­ ríka Andrias Lava Olsen verður hetta fyrsta kappingarárið í ovastu deildini Tvey gjørdust eitt undir nýggjum navni í Eysturoynni. LÍF-andin og GÍ-andin eru smeltaðir saman til ein nýggjan felagsanda. Søgan hjá Gøtu-Tróndi, og víkingaútgrevstirnir í Leirvík hava gjørt sítt til, at navnið á nýggja felagnum er upplagt. 19 uppskot kom inn, og eingin ivi var millum fólk, at “Víkingur” skuldi verða navnið. 30 uppskot komu inn til búmerkið, so áhugin fyri felag- num er stórur. Alt gult og grønt er rullað saman, og nú er tað sum í sanginum hjá Jákup Marner Anthon- iussen: “Blátt til allar vinir”. 5-6 leirvíkingar verða við til at mynda 1. liðshópin hjá Víkingi, ein av hesum er U-21 landsliðsleikarin Andrias á Lava Olsen, sum hevur leikt á besta liðnum hjá LÍF í 4 ár, øll í næstbestu deildini. LÍF hevur fylt nógv í uppvøkstrinum hjá Andriasi, pápin og 4 pápabeiggjar leiktu við besta liðnum hjá LÍF, og er tí ikki løg- ið, at beinini hava verið væl plant- að í barndómsfelagnum. Fyrsta dyst- in á besta liðnum fekk hann tá hann var 16 ár. Men nú býðst høvið at leika í Formuladeildini og hava heimbygdina við sær. Nógv seriøsari - Hetta er nógv seriøsari, enn eg eri vanur við frá 1. deild. Her verður ikki rúm fyri at slaka av. Onkrar royndir á U-21 landsliðnum hevur verið tað mest intensa, sum Andrias hevur verið við til at uppliva. Men nú er tað intensitetur fleri kvøld um vikuna. - Tað er stuttligt at verða partur av einum liði, sum hevur møguleika at verða heilt har frammi, har tað er stuttligt at verða. Vit stríðast allir á jøvnum føti fyri einum plássi á lið- num, eingin gøtumaður ella leirvík- ingur eigur framíhjárætt. Tað var eitt sindur skakandi fyri nýggja felagið, at brasilski Dido mátti stinga í sekkjin, vegna vænt- andi, góðkenda venjaraútbúgving. - Eg helt, sum nógv onnur her á leiðini, at tað mátti koma ein venjari uttani frá, sum hvørki var leirvíking- ur ella gøtumaður. Men aftaná, at Dido er farin má eg siga, at Anthon Skoradal ikki hevur gjørt tað verri, sum venjari. Hann hevur heldur gjørt tað betur, um nakað. Hópurin er 18 mans, og málsetn- ingurin hjá liðnum er at verða mill- um trý tey fremstu liðini í Formula- deildini. Liðið er mannað við nógv- um ungum og evnaríkum leikarum, og serliga trongt er um plássini á miðjuni, har Andrias eftir ætlan skal leika á høgra vongi. Kunnu venja eftir ættini At hava atgongd til vøllirnar í bæði Gøtu og Leirvík kann hava sínar fyri- munir. Er ættin ring í Gøtu ber til at fara til Leirvíkar at venja, og er ætt- in ring í Leirvík ber til at venja í Gøtu. Annars hava venjingarnar higartil verið í Gøtu. - Alt er forkunnugt og spennandi, og vit leikarar gleða okkum til rammurnar rundan um vøllin verða lidnar. Enn eru leirvíkingar ikki byrj- aðir at mynda fjepparafelagið “Ultras”, men Andrias er ivaleysur í, at leirvíkingar fara at møta í stór- um tali til dystir felagsins í Formula- deldini. Andrias fegnast eisini um, at sam- anleggingin fevnir um øll lið felag- sins. - Eg hevði ikki vilja verið við, um ikki samanleggingin ikki umfataði øll liðini. Skal Víkingur kunnu kapp- ast við NSÍ, KÍ, B36 og HB í teimum yngri deildunum, so er tað týdning- armikið, at ein hevur góðar árgangir allan vegin. Og ikki bara tríggir ella fýra, sum nú. Royndarvant Andrias hevur verið uttanlands og vant nakrar ferðir. Higartil hevur tal- an verið um spennandi upplivingar, men eingin sáttmáli er spurdur burt- ur úr uttanlandsferðum. Men nú Andrias er partur av einum Formula- hópi venur og leikar hann í einum hægri tempo, og tí skuldu møguleik- arnir at fingið sáttmála ikki verið verri nú. Men fyri fyrst ætlar Andrias at gera sítt til, at fyrsta kappingarárið hjá Víkingi verður minniligt. ---------------------------------------- Heri Simonsen heris@sosialurin.fo Metingin Samanleggingar kunnu virka bæði positivt og negativt. Men er undirtøkan, sum Víkingur havt fyrstu mánaðirnar, umboðandi fyri stuðli­ num, sum felagið fær, eigur potentialið avgjørt at røkka til eina støðuga plasering í ovaru hálvu. Samanleggingin gevur hartil eitt lið, sum er væl styrkt, ið mun til GÍ­liðið í fjør, og tí er ovara hálva avgjørt eitt realistiskt mál í ár. Alt er forkunnugt og spennandi Higartil hevur Andrias bert umboðað barndómsfelagið, LÍF. Nú er talan um Víking, og eins og liðfelagarnir er evnaríki leirvíkingurin spentur til stóru avbjóðingina