mánadagur 31. mars 2008síða 23

23 [ Nr. 61 - 31. mars 2008 ] Alt gekk galið - Alt, sum kundi ganga galið, gekk galið í dag. Soleiðis segði Skála- venjarin John Petersen eftir stórtapið ímóti HB sunnudagin. Hansara menn hingu í fyrru 45 minuttirnar, men í seinna hálvleiki var útselt. - Fyrri hálvleikur var okay. Teir høvdu bóltin nógva meira allatíðina, men vit høvdu eisini onkra kjans. Í seinna hálvleiki gekk alt galið hjá okkum. John Petersen vónar, at lokalir spælarar, sum áður hava verið stuðlar á liðnum, vilja lata seg í gaggurnar aftur, nú hondbólturin er liðug- ur. - Eg kann ikki rokna við hesum spælarum, so leingi sum teir ikki hava víst seg á vøllinum, men eg vóni, at teir, sum kunnu styrkja okk- um liðið, vilja koma til venjing longu í næstu viku, segði John Peter- sen. Millum teir spælarar- nir, sum ikki hava verið við higartil í ár, eru Alex­andur Johansen, Pauli G. Hansen og Bárður Danielsen. Christian Høgni dagsins maður Í fyrra hálvleiki vóru tað verjuspælararnir hjá HB, sum syrgdu fyri málunum, men í seinna hálvleiki tóku álopsspælararnir stafett- ina. Christian Høgni Ja- cobsen skoraði trý mál og Andrew av Fløtum tvey – hann kundi iva- leyst fingið okkurt aft- urat. Christian Høgni var eftir dystin valdur til dagsins mann av HB-viðhaldsfjøldini. Einki mál hjá Blackpool Blackpool spældi um vikuskiftið ímóti Crystal Palace í næstbestu ensku fótbóltsdeildini – dysturin var á útivølli. Eini mál kom í dystinum, sum góðir 16.000 áskoðarar sóu. Fyrrverandi føroyski landsliðsspælarin Claus Bech Jørgensen spældi við allar 90 minuttirnar hjá Blackpool. Nú eru fimm dystir eftir at spæla, og Blackpool liggur sum nummar 16 av 24 liðum við 50 stigum. Hødd fekk javnleik Hødd hevur seinastu vikuna verið í Spania á venjingarlegu. Um vikuskiftið spældi Hødd venjingardyst ímóti Løv-Ham, og dysturin endaði við javnleiki 1-1. Málið hjá Hødd varð skotið av Kyle Ceris, sum tey í Hødd halda hevur verið besti spælarin á liðnum seinastu tíðina. Fyrsti landskappingardystur hjá Rógva Jacobsen og liðfeløgunum í Hødd verður komandi vikuskiftið. Í 2. hálvleiki ress­ að­ust offensivu landslið­sleikarnir hjá HB, og tá fór Skála fullkomuliga í upploysning HB-Skála Heri Simonsen heris@sosialurin.fo Við dystarbyrjan var einki, sum bendi á, at talan fór at verða um ein dag har teir appelsinlittu frá vestara armi av Skálafjørðinum fóru fullkomuliga í svart. Tað vóru góð fótbóltslíkindi í Gundadali ígjár, og fitt av HB og Skála-viðhaldsfólk- um vóru møtt til fyrsta dyst- in hjá báðum liðunum í For- muladeildini í ár. Somu lið møttust eisini í fyrsta dysti- num ífjør, men tá var leikt inni á Skála. Skálamenn vóru væl við fyrsta korterið, og longu í 3. minutti fingu teir eitt hornaspark, sum bleiv sent væl inn í brots- teigin, har skálamenn stút- aðu bóltin upp um málið. Løtu seinni hevði Óbi eina naska roynd, men Marcin Dawid í HB-málinum var vakin. Verjan gongur undan Men so vaknaði bjørnin úr stutta dvali sínum. Kári Nielsen bleiv fyrst hektaður inni í brotsteiginum hjá Skála, og var ivaleysur í, at hann átti at fáa brotsspark. Andrew av Fløtum, Rógvi Poulsen, Ólavur í Ólavs- stovu og Christian Høgni Jacobsen brendu uppá skift. Men tá tá teir offensivu leik- arnir ikki greiða sín arbeiðs- setning má verjan traðka til. Í 25. minutti leggur Emil Nolsøe Leifsson ein bólt hegnisliga inn til Mortan úr Hørg, sum hegnisliga stýrir bóltin í netið. 5 minuttir seinni fær Skála-verjan ikki ruddað burtur, og Hans á Lag fær beint bóltin í málið til 2-0. Christian Høgni Jacobsen og Jákup á Borg brendu stórar málmøguleik- ar eftir hetta, og bara HB- verjan hevði megnað at sett Skálaverjunu uppá pláss í 1. hálvleiki. Lítla løtan hjá Skála Skálamenn bjargað naskari roynd á strikuni í 47. minutti, og øll bíða bara eft- ir, at tað skal skrædna, men tað ger tað ikki, enn. Kári Nielsen ger eitt mistak, tann altíð skjóti og arbeiðs- sami Óbi fangar bóltin fer drønandi oman eftir vølli- num, og fær beint bóltin framvið Marcin Dawid til 2-1. Nú byrjaði at lukta av spenningi eina pinkalítla løtu, men skjótt var kókið tikið av grýtuni. Málið hjá Skála gav HB-liðnum, og tá serliga landsliðsleikarum tess eitt gúpp í dyntilin. Skála-viðhaldsfólk eru ikki meir enn byrjaði at fegnast um málið hjá Óbi, fyrr enn HB punkterar dyst- in við tveimum vøkrum málum hjá landsliðsleikar- unum Jákupi á Borg og Christian Høgna Jacobsen. Og vóru offensivu leik- arnir hjá HB kanska staddir í Turkihúsinum á Skála í 1. hálvleiki, so vóru teir staddir í Spælistovuni í 2. hálvleiki. Christian Høgni skýtur tvey aftrat, og Andrew av Fløtum fær eisini fínjusterað kanónina, og skorar til 6-1 og 8-1. Mennirnir hjá John Petersen fóru fullkomuliga í upploysning, og hevur venjarin eina stóra uppgávu fyri framman at fáa liðið á rættkjøl aftur. Hjá HB sær veruliga gott út, ungi argjamaðurin, Rógvi Poulsen er ein funnin (Argja)fressur hjá liðnum, og Christian Høgni hevur longu funnið stevið, sum hann stríddist við at finna í fyrru helvt ífjør. HB-Skála 8-1 (2-0): Verjan var besta álopið Skála HB HB vann lemjandi stórsigur á Skála í Gundadali sunnudagin