mánadagur 31. mars 2008síða 24

24 [ Nr. 61 - 31. mars 2008 ] Frem missir seks stig Danska 1. deildarfelagið Frem dettur niður á næstaftasta plássið, eftir at danska fótbóltssambandið hevur tikið seks stig frá teimum. Orsøkin til, at Frem missir seks stig, sum teir hava vunnið í kappingini, er, at teir hava fíggjarligar trupulleikar. Nú verður roknað við, at ein tvangsakkord skipan skal bjarga felagnum, men danska fótbóltssam­ bandið hevur gjørt av at revsa fíggjarliga óskilið. Frem vann í Skive Nú sluppu teir í Frem umsíðir at spæla ein dyst í donsku 1. deild í fótbólti. Kavi og frostur órógvaðu páskadystir nar, men í gjár bar til. Frem var á vitjan hjá Skive, og tað eydnaðist Frem at vinna dystin. Í hálvleikinum var støðan 2­1 til Frem, og í seinna hálvleiki økti Frem upp í 3­1. Atli Danielsen spældi við hjá Frem allar 90 minuttirnar. Sama søgan Í fjør hittust NSÍ og B71 tríggjar ferðir í lands­ kappingini. Allar tríggj­ ar ferðirnar vann NSÍ. Eisini í fjør var fyrsti dysturin í fyrsta umfari, og eisini ta ferðina vann NSÍ við einum máli. Úrslitið ta ferðina var 1­0, og málið skoraðu tilstundandi meistarar­ nir í tíðini, sum dómarin hevði lagt afturat. Um tølini verða nýtt sum grundarlag fyri metingini, so var B71 avrikið í Runavík betri í gjár, enn tað var í fjør. NSÍ og B71 hittust í 11. umfari, og tá vann NSÍ 3­0. Einasta ferðin, at tað eydnaðist B71 at skjóta mál ímóti NSÍ í fjør var, tá ið liðini hittust á Sandi í 20. umfari. NSÍ vann 3­1. Eli í búnanum Eli Hentze navnið var ikki á dómaraseðlinum sunnudagin. Tað var nýggj støða fyri B71 venjaran, sum í fjør var spælandi venjari. Eli Hentze, sum 1. septem­ ber verður 39 ár, hevur spælt við besta B71 liðnum, síðani hann var 16. ­ Eg var í spælarabún­ anum, og eg tori at siga, at eg var eins sveittur og móður sum spælarar­ nir. Talan er um nýggja støðu, og eg havi ikki ætlanir um at venda aft­ ur til at spæla. Beinini megna ikki meiri. Nú skal eg venja meg við henda leiklutin, men sjálvandi spæli eg nógv­ ar avleveringar og nógv­ ar støður inni í høvdin­ um, meðan eg hyggi at og royni at uppmuntra ungu og ágrýtnu spælar­ arnar, segði Eli Hentze eftir dystarlok í Runa­ vík. At Clayton bæði skor­ aði og síðani misnýtti møguleikan at javna til 2­2 við brotssparki, harmar B71 venjaran, sum kortini á ongan hátt var misnøgdur við Clayton ella nakr­ an annan av sínum monnum NSÍ-B71 Jóannes Hansen Eiga tað at vera teir ungu í Runavík, sum skulu manna FM liðið hjá NSÍ, ella skulu tað vera útlendingarnir, sum eiga fyrsta rætt. Hetta hevur tað verið nógv tosað um undan kappingarbyrjan, og tað er ikki so undarligt. NSÍ eigur nógvar ungar og evnaríkar spælarar, og NSÍ hevur í ár skaffað sær fleiri útlendskar spælarar. Bæði ungir spælarar og útlendskir spælarar vóru á liðnum hjá meistarunum ímóti B71, og hesa ferð vóru tað ungu menninir, sum vóru í miðdeplinum. Beinanvegin eftir steðgin smekkaði miðvallarin Bogi Løkin flatt langskot umvegis stólpan og í meskarnar aftanfyri Símun Rógva Hansen, sum enn eina ferð vísti, at hann er sannur brandur millum B71 stólparnar. Uppleggið átti ein av fremmandu monn­ unum Nenad Stankovic. So var 1­1, og NSÍ fekk nýtt mót í stríðnum fyri at vinna. Ein annar av ungu NSÍ spælarunum skoraði sigursmálið, og ein triði av ungu monnunum átti upp­ leggið: Øssur Dalbúð, sum beinanvegin eftir hvíldina var komin á vøllin fyri eitt sindur skaðadarvaða Dejan, sum úr góðari støðu í 1. hálvleiki hevði havt stólpa út roynd, skoraði sigursmál­ ið. Einar Hansen streyk ígjøgnum í vinstru, og Øssur Dalbúð, sum er ógvu­ liga svangur á besta liðnum at vísa, hvat hann megnar, rann ímóti fremra stólpa og stýrdi við høvdinum sera hegnisliga bóltin í málið. Stríddust væl NSÍ royndi beinanvegin at undirstrika, at tað vóru meist­ ararnir, ið vóru á heimavølli. Men sandoyingar vóru á ongan hátt skelkaðir. B71 pakkaði seg ikki niður, og tá ið teir fingu fatur á bóltinum, vóru teir – ikki minst Clayton, Wellington og Símun Hansen ­ beinleiðis og ágangandi. Í 12. minutti skoraðu teir fyrsta málið í ár. Innlegg úr høgru rakar armin á Óla Hansen, dóm­ arin peikar á ellivu metra blettin, og Clayton Soares var ósvikaliga tryggur. Lítla løtu undan leikloki fekk Clayton Soares nýggj­ an møguleika úr ellivu metrum. Dómarin bríkslaði, tí hann hevði sær, at Nenad Stankovic aftanífrá hevði sparkað Rasmus Nielsen inn á øklarnar. Clayton valdi at seta bóltin í sama stað, sum hann hevði gjørt í 1. hálvleiki. Hesa ferð var Tórður Thomsen við upp á tað og bjargaði, og so vann NSÍ, sum hevði havt leikliga yvirvág og góðar møguleik­ ar, uttan at teir høvdu verið støðugir og sannførandi. ­ Eg fari ikki at peika eft­ ir Clayton fyri tað, at hann misnýtti brotssparkið, sum – um bólturin fór í málið – kanska hevði borið við sær, at vit høvdu megnað javn­ leik og harvið eitt stig. Hann er ikki tann fyrsti, og hann verður neyvan tann seinasti, sum fer at misnýta brotsspark, staðfesti B71 venjarin, Eli Hentze, sum segði seg vera nøgdan við sínar menn: ­ Ferð og bóltførleiki vóru óstøðug, og tað er ikki so merkiligt, tí talan er um fyrsta umfar. Men hugburð­ urin var framúr. Allir arbeiddu hundrað prosent fyri søkini. Tað er neyðugt, uttan mun til hvat mótstøðu­ liðið er. Ikki minst tá ið talan er um meistararnar á útivølli. Teir eru samanspældir og eina tonn frammanfyri okk­ um, staðfesti Eli Hentze. NSÍ liðformaðurin, Óli Hansen, var væl nøgdur: ­ Í fjør var ofta talan um teprar sigrar, sum vórðu vunnir síðstu løtuna. Gongd­ in tykist halda fram. Í dag var um reppið, at vit mistu sigurin orsaka av brotsspark­ inum, men vit komu undan. Serliga hugaligt er tað, at tað vóru ungu menninir, sum stóðu fyri málunum. Tað ræður nógv um hjá okk­ um at menna teir. NSÍ-B71 2-1 (0-1): Ungu menninir í brennideplinum Føroyameistararnir vóru omaná, hóast B71 seint í dystinum kundu havt javna við brotssparki, sum teir tó misnýttu Mynd: Álvur Haraldsen B71 NSÍ