týsdagur 1. apríl 2008síða 14

14 tíðindi Nr. 62 - 1. apríl 2008 Eitt av málunum til býráðsfundin í Klaks­ vík er góðkenning av uppskotinum til sjálvbodnu saman­ leggingina millum Klaksvíkar kommunu og Svínoyar komm­ unu. Mett verður, at samanleggingin er ein fortreyt fyri at oynni skal verða lív lagað Kommunur Snorri Brend snorri@sosialurin.fo Klaksvík/Svínoy: - Nú verður tað veruleiki! Eftir at hava fyrireikað hetta so týðandi málið fyri svínoyingar, er nú komið hartil at sáttmálin skal góðkennast av býráðnum í Klaksvík. Hetta er so í øllum førum eitt av málunum á dags- skránni í kvøld, eftir at býráðið í juli mánaði í fjør tók ætlaðu samanleggingina til eftirtektar. Í desember mánaði í fjør staðfesti síðani bygdaráðið í Svínoy úrslitið av fólka- atkvøðuni millum bygdar- fólkið nakað framman- undan. Her varð stutt og greitt spurt, um fólk tóku undir við hesi ætlanini. Ikki óvæntað vísti ein greiður meiriluti av fólkinum á, at hetta var einasta gongda leiðin skal hesi útoyggj verða lív lagað í framtíðini. Síðani hevur verið arbeitt við at gera ein sáttmála um samanleggingina og fram- tíðar samstarvið. Hesin er síðani góðkendur í Inn- lendismálaráðnum, og verð- ur eftir ætlan samtyktur í Klaksvík í kvøld. Ferðing og tunnil Í fleiri ár hevur verið arbeitt við hesi ætlanini, sum nú verður veruleiki Eitt av teimum týðandi og átrokandi evnunum, og sum eisini er ein fortreyt fyri tættari tilknýti millum Klaksvík og Svínoy, er ferðasambandið til Svínoyar. Í fundunum millum partarnar hevur full semja verið um, at skal oynni verða lív lagað, so má henda farleiðin bøtast munandi, soleiðis at bæði akfør og fólk lættliga og fleiri ferðir dagliga kunnu ferðast til og frá oynni. Her hevur kommunustýrið í Svínoy ta greiðu støðu, at rætta loysnin fyri oynna er ein tunnil frá bygdini og yvir í Havnina, har ein ferjulega kundi verðið gjørd. Haðani er sigling- artíðin inn til Hvannasunds umleið 15 minuttir. - Ein slík farleið hevði gjørt tað møguligt hjá svín- oyingum og øðrum verða búgvandi í Svínoy og hava arbeiði inn á meginøkinum, og tað sama tann øvugta vegin. - Tað má gerast púra greitt fyri landsmyndugleikunum og øllum Føroya fólki, at verður arbeiðið upp á hesa farleið ikki byrjað sum skjótast, so hon kann takast í brúk um heilt fá ár, so fer støðan í Svínoy bara at versna, hava bæði komm- unustýrini áður víst á. Nú er so enn eitt stig tikið á hesi leiðini. Eftir er bert at vóna, at føgru orðini verða til veruleika. Í kvøld verður samstarvið veruleiki - Skal Svínoyggin bjargast, er neyðugt við betri og týttari ferðasambandi, halda borgarstjórarnir í Klaksvík og í Svínoy - vinstrumegin Steinbjørn O. Jacobsen í Klaksvík og høgrumegin starvsbróðir hansara í Svínoy Eyðun Jacobsen Mynd: klaksvik.fo Ikki 16, men 36 á muni Leygardagin hevði Føroya Pedagogfelag aðalfund sín á Hotel Føroyum. Eitt rættiliga stórt tal av pedagogum møttu til fundin, har eisini val av formanni var á skránni. Valið stóð millum verandi formann, Jarvin Feilberg Hansen (myndin) og avbjóðarin Maud Vang Hansen. Tá til stykkis kom fekk Jarvin 36 atkvøður fleiri enn Maud - 199 ímóti 163. Munurin var sostatt ikki 19 atkvøður, sum vit søgdu í blaðnum í gjár. Jarvin fer nú undir sítt triðja skeið sum formaður í Pedagog- felagnum. Longri kunning Sandur: Nú summarið stendur fyri framman hevur Kunningarstovan á Sandoynni tikið avgerð um at leingja um upplatingartíðirnar. Hesar verða broyttar soleiðis, at frá í dag verður opið frá kl. 9 til 12 og aftur frá 13 til 16 og soleiðis verður allar yrkadagar. Síðani 1. september í fjør hevur kunningarstovan bert havt opið gerandisdagar millum kl. 13-16, men nú summarið stendur fyri durum, so verður hetta broytt. Á bygdaráðsfundi í gjárkvøldið sam­ tykti Sunda komm­ una at taka upp vinarbýarsamstarv við norska kommunu. SamStarv Snorri Brend Sundalagið: Gongst sum ætlað verða Sunda komm- una í Føroyum og Rissa kommune í Noregi vinarbýir. Spurningurin um vinar- býarsamstarv var eitt av málunum á bygdaráðs- fundinum í gjárkvøldið. Tilmælið um samstarvið við norsku kommununa varð einmælt samtykt. Frammanundan hevði trivnaðarnevndin í komm- ununi viðgjørt málið. Her varð millum annað tosað um, hvørji samstarvsøki ið kundu verða áhugaverd fyri kommunurnar báðar. Fyri Sunda kommunu hevur tað sín týdning, at samstarvað verður við eitt øki, sum hevur líknandi for- treytir sum teirra kommuna. Sama stødd Hugsað varð í hesum sam- bandi um eina kommunu, sum var sett saman av fleiri bygdum ella býum og sum hevur eitt vinnugrundarlag, ið líktist teirra. Samband fekst síðani við Rissa kommune, ið liggur nærhendis Tróndheimi og hevur um 6000 íbúgvar. Eitt tað fyrsta stigið í sam- starvinum millum kommun- urnar báðar verður veruleiki seinni í hesum mánaðinum, tá umboð fyri norsku komm- ununa koma í Sundalagið at kunna seg um umstøð- urnar. Hetta hendir í samband við eina skúlabarnaferð til Føroya í summar, her heitt varð á kommununa um at verða teimum til hjálpar. Sundalagið fær norskan vinarbý Sundalagið verður vinarbýur við Rissa kommunu í Noregi