týsdagur 1. apríl 2008síða 15

Nr. 62 - 1. apríl 2008 15 Andlát og jarðarferðir nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Jonny Joensen, fyrrverandi fyristøðukvinna á Hotel Tórshavn, andaðist í Keypmannahavn leygar­ dagin, 67 ára gomul. Bønarhald verður á Hånd­ værkerhaven 49, Bispebjerg, týsdagin kl. 11. Jarðar­ ferðin verður úr Hósvíkar kirkju mikudagin kl. 14. Tey, ið vilja minnast Jonny, kunnu lata Hósvíkar kirkju eina gávu, konta í peningastovnunum. Kistan við Marjun Heimá fer av Lágargarði týs­ dagin kl. 18. Jarðarferðin verður úr Kirkjugarðs­ kapellinum mikudagin kl. 14. Tey, ið milja minnast Marjun, kunnu lata Zarepta eina gávu, konta í peningastovni. Mads Kristoffer Poulsen í Skopun andaðist á Røktarheiminum Áargarði á Sandi fríggjadagin, 92 ára gamal. Jarðaferðin verður úr Skopunar kirkju týsdagin klokkan 14. Sungið verður úr sálma­ bókini. Tey, ið vilja minnast Kristoffer, kunnu lata Skopunar kirkju eina peningagávu, konta í Føroya Banka. Sigurd Jacobsen, ættaður av Slættanesi, búsitandi í Vestmanna, andaðist á Landssjúkrshúsinum leyg­ ardagin, 77 ára gamal. Jarðarferðin verður týsdagin klokkan 13. Tey, ið vilja minnast Sigurd kunnu lata Missiónhúsinum í Vestmanna ein gávu, konta í Eik. Brynhild Johannessen, ættað úr Nólsoy, búsitandi í Tórshavn, andaðist á Lágargarði fríggjadagin, 87 ára gomul. Bønarhald verður á Lágargarði mánadagin kl. 18. Jarðarferðin verður úr Vesturkirkjuni týsdagin kl.13. Kistan við Sjúrður Hentze í Hovi fer úr kapellinum á Suðuroyar sjúkrahúsi týsdagin klokkan 17. Jarðar­ ferðin verður úr Hovs kirkju mikudagin klokkan 13. Sungið verður úr sálmabókini. Tey, ið vilja minanst Sjúrð kunnu lata eina gávu til Hovs kirkju. Konta í Suðuroyar Sparikassa. Andlát og jarðarferðir Sunnudagin 30. mars fylti Óli Breckmann 60 ár. Óli varð valdur á ting 7. novem­ ber í 1974, og hann var í meiri enn 33 ár markantur tingmaður og tikin úr leik­ um sum røðari, ið bæði undirhelt og undirbygdi. Óli er havnarmaður. Páp­ in, Ludvig Breckmann (1921­1974) vaks upp á krossinum millum Hoyvíks­ vegin og Jónas Broncksgøtu, og har búsettist hann saman við konuni Astrið (1929­ 2002), sum var ættað úr Vest­ manna. Foreldur hennara vóru Gunnar Dahl­Olsen, sýslumaður, og Jóhanna. Tey vóru bæði úr Vági. Astrið og Ludvig fingu seks børn: Óli (1948), Mai (1949), Hanna (1953­ 1999), Birna (1957), Gunn­ ar (1963) og Páll (1967). Óli dugir ógvuliga væl at fortelja og taka til. Hann kennir seg sum rættan havn­ armann og hevur so mangan víst á, at forfedrar hansara vóru havnarmenn í fyrstu fólkateljingini í 1801, og at tippoldurabbin var soldatur á Skansanum, tá ið Brillu­ maðurin tók hann í 1808! Í 1967 leyk Óli málsligt studentsprógv í Hoydølum. Hann fór beinanvegin undir lestur í Bretlandi, har hann mundi vera fyrsti føroyski studenturin. Óli las enskt mál í Edinburgh og sam­ felagsfrøði í Bristol. Í 1974 var hann liðugur við lestur­ in, og tá varð hann settur í starv í Hoydølum. Læraratíðin gjørdist ikki so long. Beinanvegin, eftir at hann var komin heim aft­ ur, fór Óli at skriva í Dag­ blaðnum. 7. november í 1974 varð hann valdur á ting fyri Fólkaflokkin í Suð­ urstreymoy, og harvið var sjøtil settur á politiska lívið, sum í skrift og talu varð liv­ að, inntil Óli fall á løgtings­ valinum 19. januar í ár. Fremsta amboðið hjá Óla í politiska andglettinum var Dagblaðið. Pennurin var lætt­ ur, skemtiligur, sarkastiskur og óvanliga spískur. Tað loysti seg fyri undirtøkuna hjá Óla og Dagblaðnum, at tað hjá lesarunum bar illa til at sleppa undan at taka støðu til Dagblaðið og Óla – uttan­ floks og eisini innanfloks. Skatturin, lønarlagið og Milton Friedman, NATO, friðarrørslan, kalda kríggið og Reagan og Tatcher, kvinnu­ rørslan og konservativ familjuvirði vóru millum fav­ oritttilfarið í Dagblaðnum. Í 1984 varð Óli valdur í fólka­ tingið, og tá gjørdi hann upp við fólkafloksleiklutin, sum hevði verið ikki at blanda seg ov nógv upp í politiska lívið á flatlondum. Óli stuðlaði við lív og sál borgarligu stjórnina hjá Poul Schlüter, og hann dugdi væl at nýta talarapallin á Christiansborg soleiðis, at tað varð umrøtt í donsku pressuni og harvið eisini í Føroyum. Persónlig bond vórðu knýtt við fremstu borgarligu polit­ ikararnar í Danmark, og tað hevði ivaleyst sín týdning. Tiltikin er leikluturin hjá Óla, tá ið lóggivið varð um TV2, og í 1998 varð tað nógv umrøtt, tá ið Óli gav Nyrup lyfti um, at hann skuldi ikki atkvøða ímóti pinsapakkan­ um, um Nyrup syrgdi fyri góðari bankaavtalu. Í 2001 varð Óli ikki vald­ ur aftur í fólkatingið. Sum formaður í tingbólkinum hevði hann framvegis stór­ an leiklut, og hóast hann ongantíð gjørdist landsstýr­ ismaður, so dugdi hann sum fáur politiska handverkið aftanfyri tjaldið at toga í træðrirnar. Eftirtíðin vísti, at tá ið fólkatingssessurin glapp, var politiski toppurin nádd­ ur. Tá vóru longu fleiri ár síðani, at Óli var givin at skriva so nógv í Dagblað­ num, sum hann áður hevði gjørt, og politiska minnið hjá veljaranum er ikki so langt. Óli hevur fleiri ferðir tikið til, at tú verður ikki valdur fyri tað, sum tú hevur verið við til at útinna, men fyri tað, sum tú lovar at gera. Undir fullveldissamgong­ uni hevði Óli eitt skifti stóran leiklut sum formaður í fíggjarnevndini, og sein­ asta valskeiðið var hann næstformaður í tinginum og framvegis ógvuliga loy­ alur samgongutingmaður. Óli arbeiðir skjótt, og undan lætta penninum eru fleiri bøkur komnar: Eitt nú Stavnurin, sum tað varð nógv tosað og skrivað um, endurminningar um bæði Hans Paula Johannesen og Eiler Jacobsen og ein bók um skatt. Ein stórur saknur hevur tað verið, at føroyskir politik­ arar ikki hava skrivað polit­ iskar endurminningar. Hesa óhepnu traditión fer Óli heilt víst at gera upp við, um hann hevur lív og heilsuna. Óli er giftur Birnu, fødd Midjord og ættað av Argjum. Tey búgva á Hamrinum á Argjum. Børnini hjá Birnu og Óla eru Astrið (1982), Ludvík (1985), Pætur (1988), Mona (1991) og Bjørk (1993). Eisini eigur Óli Siss­ al Kampmann í Vestmanna, sum er fødd í 1974. 60 ára føðingardagin var Óli Breckmann burturstadd­ ur. J Óli Breckmann 60 ár Dagurin 2. apríl. Teodosius. Kann vera navnið á rómverska keis­ aranum Teodosiusi Stóra, sum doyði í 395. Men teir halda, at líka skjótt hevur dagurin navn eftir kristnari gentu Teodosiu, sum varð tikin av døgum umleið ár 300. Viðhvørt verður hesin dagurin róptur Teodorius. Nikolai Mohr doyði hendan dagin í 1790 Frá 7. til 21. apríl vitjar danski Tanzania­trúboðarin Allan Conrad í Føroyum. Ein skrá er gjørd fyri vitjanina hjá Allan Conrad, sum fer at vitja í nógvum ymiskum samkomum kring landið. Allan Conrad arbeiðir sum trúboðari og byggir flogbreytir fyri Mission Aviation Fellowship (MAF) i Tanzania. MAF er ein stor altjóða tvørkirkjulig trúboð­ araorganisatión við deildum um allan heim. Allan er føddur í Kina av donskum foreldrum, sum eisini vóru trúboðarar. Tíðin í Kina vardi ikki leingi, tí familjan varð noydd at flýggja orsakað av borgara­ kríggi. Seinni fóru tey til Tanzania sum trúboðarar. Seinni fekk Allan sær útbúgving sum elektrikari í Danmark, og hevur hann arbeitt í nógvum ymiskum londum. Men tað varð í Tanzania, hann vildi arbeiða sum trúboðari. Allan sigur, at hann altíð hevur havt eitt hjarta fyri afrikanarum. Rúni Højgaard, flogskip­ ari, búsitandi í Hoyvík, er umboðsmaður fyri MAF í Føroyum. Allan Conrad vitjar í Føroyum Allan Conrad vitjar í Føroyum frá 7. til 21. apríl