týsdagur 8. apríl 2008síða 14

14 Nr. 67 - 8. apríl 2008 Nítjandi partur Seinast sóu vit, hvussu tað gongur út og hevur gingið út, sum Harrin hevur talað við profet­ unum. Hetta, at Harrin sendi fólk sítt í útlegd til allar tjóðirnar, men at hann nú leiðir tey heim­ aftur, júst sum hann hevur lovað við profetum sínum. Í tí brotinum kom Ezekiel eitt sindur inn á heidningatjóðirnar. Men Ezekiel kemur eisini, eins og hinir báðir, vit hava nevnt, nógv inn á heidningatjóðirnar. Eins og hinir talar hann dóm yvir tær. Í tríatiáttanda og tríatinýggjunda kap­ itli lýsir Harrin ein ræðu­ ligan dóm yvir Gog og tjóðirnar, sum eru við honum. Har sigur hann, at eftir at Ísrael er komið aftur til landið, skulu hesar tjóðir leypa á teir, men Harrin grípur tá inn og frelsir Ísrael og held­ ur ein alvorligan dóm yvir heidningatjóðunum. Í tjúguáttanda kapitli stendur hetta: So sigur Harrin HARRIN: Táið Eg savni hús Ísraels frá tjóðunum, sum tey eru spjadd ímillum, skal Eg fyri eygum tjóðanna lata síggjast á teimum, at Eg eri heilagur, og tey skulu búgva í landi sínum, tí, sum Eg gav Jákupi, tænara Mínum. Tey skulu búgva trygt har og byggja hús og plan­ ta víngarðar – tey skulu búgva trygt, meðan Eg haldi dóm yvir øllum teim­ um, ið rundan um tey búgva, og sum vanvirða tey – og tey skulu sanna, at Eg, HARRIN, eri Gud teirra. Ez. 28,25­26. Tað eru fleiri kapitlar í Ezekiel, sum siga frá um dómin, sum skal koma yvir tjóðirnar. Les kapitl­ arnar 25 til 35. Sumt av hesum er longu gingið út. Fleiri av profetunum tala um “dag Harrans”, sum er ein dómsdagur yvir henda heim. Ezekiel sigur soleiðis: Orð HARRANS kom til mín; Hann segði: Menniskjasonur! Profet­ era og sig: So sigur Harr­ in HARRIN: Venið tykk­ um: „Vei – tann dagur!" Tí nær er dagurin, ja, nær er dagur HARRANS; dagur við skýggjum, dómstíð skal hann vera tjóðunum. Ez. 30,1­3. Dómur bíðar heimi­ num, nú ið Harrin er byrj­ aður, at lata tað ganga út, sum profetarnir hava talað um frelsu Ísraels á seinastu døgum. Hetta eru profetarnir samdir um. Eg havi eftir føri­ muni tikið nakað fram av tí, sum Esaias, Jeremias og Ezekiel siga um hetta. Tað, sum nú stendur frammanfyri er at Jesus Kristus, Ísraels Messias, skal koma aftur. Hann kemur niður í luftina eina løtu, vit kanska ikki høvdu vænta, og rykkir samkomu sína upp til sín. Hygg Ápostlasøgan 1. kapitul 9. til 11. vers. Og 1. tessalonikabræv 4. kap. 13. til 18. vers. Hann kemur eisini niður á jørðina, niður á olju­ fjallið, at frelsa Ísrael. Hygg Zakarias 14. kap. 1. til 5. vers. Her standa stórar og álvarsamar hendingar fyri framman. Nú er ikki at sova. Men gera eftir ráðum Jesusar: Tað, sum eg sigi við tykkum, sigi eg við øll: Vakið! Hoyrir tú til samkomu Guds? Verður tú við í skaranum, sum verður ryktur upp í luft­ ina at møta Jesusi? Eg spyrji ikki, um tú hoyrir til “brøðrasamkomuna”, fólkakirkjuna, hvítu­ sunnufólk ella okkurt annað. Men hoyrir tú til samkomu Guds, ert tú frelstur, hevur tú vent við frá tí skeivu leið, sum bæði tú og eg hava gingið frá barni av. Eru syndir tínar fyrigivnar? Vit hava nú hugt at, hvat profetarnir siga um dómin yvir hendan heim. Jesus sigur tað soleiðis hjá Markusi: Tann, ið trýr og verður doyptur, skal verða frelst­ ur; men tann, ið ikki trýr, skal verða fordømdur. Mark. 16,16. Næstu ferð fara vit í Dánielsbók. Framhald Bíblian innblást av Gudi - ikki mannaorð um Gud RichaRd danielsen Politiska minnið er ofta rættiliga stutt, og onkun­ tíð kann tí vera neyðugt at fríska tað eitt sindur upp Karsten Hansen, lands­ stýrismaður í fíggjarmál­ um, hevur boðað frá, at fíggjarlógaruppskotið fyri 2008 verður lagt fyri tingið í hesi vikuni, men løgtings­ formaðurin hevur avgjørt, at eingin tingfundur verður hesa vikuna, so uppskotið kann ikki leggjast fram fyrr enn í fyrsta lagið kom­ andi týsdag. Løgtingsval var 19. januar og sam­ gonguskjalið var undir­ skrivað 2. februar. Fyri fýra árum síðani var løgtingsval tann 20. januar og samgonguskjal undir­ skrivað 31. januar. Táver­ andi fíggjarmálaráðharri legði sítt fyrsta uppskot til fíggjarlóg fyri tingið tann 25. mars. Karsten Hansen hevur sostatt havt tríggjar vikur longri um at gera hetta upp­ skotið, enn Bárður Nielsen hevði um sítt uppskot fyri fýra árum síðani, men hóast hetta, so hevur Karsten Hansen fingið góðan arbeiðsfrið – serliga um vit samanbera við, hvussu andstøðan í 2004 leikaði í, tí Bárður Nielsen arbeiddi ov seint. Millum annað vóru hesar atfinningarnar alment frammi tá: “Tað er ein vanlukka fyri samfelagið, at vit fram­ vegis ikki hava nakra fíggj­ arlóg fyri 2004, sigur Karsten Hansen, fyrrver­ andi landsstýrismaður í fíggjarmálum.” (Sosialurin 5. mars 2004) “Tá ið undanfarni løgmað­ ur valdi at skriva val út og at senda fíggjarmálaráðharran til hús, legði hann landið í stjórnarloysi og landskassan í ongamannaland.” (Høgni Hoydal í blaðgrein 8. mars 2004) “Fyri hvønn dag, ið gongur, so fossar peningur úr landskassanum.” (Høgni Hoydal í blaðgrein 8. mars 2004) “Nú byrjar tíðin at ganga undan” (Bill Justinussen í løgting­ inum 10. mars 2004) “Samfelagið hevur reelt ligið uttan stýring síðan fyrst í desember mánað, og tað er sera óheppið. (Karsten Hansen í samrøðu við Sosialin 5. mars 2004) Um støðan var so álvarsom áðrenn 10. mars 2004, so veit eg ikki hvat vit skulu siga um 15. apríl 2008. Men alt hevur sína orsøk. Í desember 2003 legði táver­ andi landsstýri frá sær, beint áðrenn botnlinjutølini á fíggj­ arlógini gjørdust reyð. Tí var tað sera umráðandi hjá teim­ um flokkunum at fáa tveitt alla fíggjarliga ábyrgd yvir á tað eftirfylgjandi landsstýr­ ið. Undirskotið skuldi einki hava við teirra politikk at gera, nei tað var vantandi stýring frá 5. desember 2003 til 25. mars 2004, sum var altavgerandi. Men nú hevur tað eftir øllum at døma einki at siga fyri somu flokkar, um tíðin dregur út, tí minni hjá velj­ arunum er so vælsignað stutt. Politiska minnið er stutt helgi abRahamsen Ì lesarabrævi tann 22. feb­ ruar 2007 skrivar Jens Mar­ ius Poulsen, kommunustjóri, at blaðmaðurin á Dimma­ lætting, Heini Gaard, ber skeivan boðskap um keypið av skrivstovubyggninginum við Fr. Petersensgøtu. Men eg spyrji bara, segði kommunustjórin satt ella ósatt, tá hann upplýsti fíggj­ arnevndini, at tað kom at kosta 200­300 túsund krón­ ur so at byggningurin var klárur at taka í brúk hjá kommununi. À fíggjarnevndarfundi tann 18. apríl 2007 varð eitt av málunum, um kommunan skuldi keypa ella leiga skrivstovu bygn­ ingin við Fr. Petersensgøtu. Kommunustjórin, Jens Marius Poulsen segði tá, at hølisviðurskiftini hjá um­ sitingini vóru út av lagi vánalig, og at málið, um at keypa bygningin við Fr. Petersensgøtu hevði stóran skund. Ein meiriluti í fíggj­ arnevndini mælti tí býráð­ num til at keypa byggning­ in fyri 7. mill. krónir. Tann 23. apríl kom málið fyri býráðið, har keypið varð einmælt samtykt ­ tíverri. Grundin til at byggning­ urin varð keyptur, var tí at kommunustjórin segði, at tað kostaði ca. 200­300 túsund krónur at fríska byggningin upp, so at hann var klárur at taka í brúk. Hann segði eisini, at keypi hevði skund, tí tronga støð­ an í býráðnum var kata­ strofal. Tað er nú eitt ár síðani, og enn er byggning­ urin ikki tikin í brúk. Eyka fíggjarnevndar­ fundur var tann 1. februar 2008, har biðið bleiv um knappar 3. mill. Krónur til at gera byggningin kláran. Nú var kostnaðurin 10 ferðir meir enn hvat komm­ unustjórin hevði upplýst fyri fíggjarnevndini. Kommunustjórin skrivar eisini í lesarabrævinum, at ongir pengar eru brúktir til at ummvæla byggningin. Tað er rætt, men hann gloymir at skriva, at komm­ unan hevur brúkt um 100 túsund krónur til at gera eitt projekt til ummvæling av húsinum, eitt prosjekt, sum fíggjarnevndin ikki hevði biðið um. Seinast í brævinum skrivar kommunustjórin: ”tað stendur einum hvørj­ um greitt, eisini býráðs­ limum, at skulu høli, sum flutt verða úr, takast aftur í nýtslu, er neyðugt við ávísum ábótum”. Tað vita allir býráðs­ limir, men tá kommunu­ stjórin, við einari stórari ummsiting undir sær, sigur at tað er nokk at brúka 2­ 300 túsund krónur til ummvælingina, so tóku býráðslimir tað fyri góða vøru, men so varð ikki. býráðslimur høgni mikkelsen Nú nógv hevur verið tosað um at tað er so trupult at manna kappróðrarbátarnar, er ongin ivi um, at lógirnar sum í dag eru galdandi hava negativa ávirkan, tá báturin skal mannast. Her hugsi eg um, at bátur skal lutaka í minsta lagi tríggjar fm­ stevnur fyri at kunna lutaka í kappróðri á Ólavsøku. Tað er onki at taka seg aftur í, at nógv fleiri bátar vóru mannaðir, um reglur­ nar vóru sum fyrr. Tá kundi bátur verða mannaður/flot­ aður ein kanska tveir mán­ aðir undan Ólavsøku og hettar hevði við sær at kapp­ ingin bleiv størri og betri sum leið út ímóti Ólavsøku. Gleðin var stór hjá teim­ um, sum mannaðu bát mitt í kappingini og somuleiðis høvdu sjófólk/útisetar og fólk her á landi møguleika at gera dreymin til veru­ leika, og sjálvsagt hevði áskoðarafjøldin vaksið, tá hevði avvarandi hjá hesum "óvandu" rógvarum leitað sær oman at støðnni. Hesir "óvandu" høvdu brúk fyri einari kanska tveimum "test" stevnum áðrenn finaludagin á Ólav­ søku soleiðis at so kundi rættast upp á ymsar skeiv­ leikar umborð á bátinum, og hesar royndarstevnur høvdu somuleiðis drigið avvarandi við sær, og sostatt vaksið um inntøk­ urnar á stevnunum uttan fyri Havnina. Sum lógin er í dag, kunnu øll lutaka í fm­róðri á øllum stevnum uttan í Havn. Eg veit at hendan lógin var gjørd, tí at fm­ úrslitið kundi broytast um avgerandi róðurin um fm­ heitið var á Ólavsøku, og so kom ein bátur mitt í árinum og broytti fm­úrs­ litið soleiðis, at heilt aðrir bátar kundu gerast meistar­ ar osv. Halló... er man veru­ liga best, tá man tapir ímóti bátum sum hava vant meira enn helvtina styttri og bert róð eina ella tvær stevnur???? Vaksnamannabátarnir Trupulleikin er at manna vaksnamannabátarnar. Sostatt skuldi tað veri frítt at lutikið í kappróðri fyri 6­manna, 8­manna og 10­ mannaførini og ikki veri nøkur lóg sum beindi fyri kappróðrinum í hesum bátastøddum. Tað hevði verið til stóra gleði fyri øll vaksin kapp­ róðrarfólk og ikki minst fyri teir sum rógva allar stevnurnar og sum eru væl trimmaðir í rógvimaski­ nunum tá kundu vit sæð um teir "maskintrenaðu" roynast so nógv betur enn hin náttúrliga megin sum Várharra gav okkum. Somuleiðis hevði "myt­ an" rógvimaskinur staði sína roynd,vit vita jú at tær "gomlu" tíðirnar vóru ikki verri enn í dag, ja, onkun­ tíð betur og tá var venjing­ in annan hvønn dag ella sum tað nú einaferð lá fyri og sostatt hevði ein tíð til familjuna og ikki sum nú at 6­8 mánaðir fara til venjing/fyrireiking. Vælsignaðir tit í RSF og feløg kring landið, hugsið um tað, tí at hettar er í tøk­ um tíma. Roynið og broyt­ ið lógina til komandi aðal­ fundin 2008 og gevið so­ leiðis øllum gleðina aftur við at síggja so nógvar kappróðrabátar á firðum og vágum sum gjørligt og tá síggja vit aftur føroysk­ an kappróður blóma. Við vón um at besti bátur vinnur!!!! Við vón um eitt gott kappróðrarár. Lógir RSF ein bági fyri kappróðurin... ÁRni andReasen Kommunustjórin í Tórshavnar kommunu skrivar, at Dimmalætting ber skeivan boðskap