týsdagur 8. apríl 2008síða 17

Nr. 67 - 8. apríl 2008 17 tíðindi Í fagrasta veðri leygardagin 5. apríl, var vakra listasavnið Kjarvalsstaðir í Reykjavík karmur um stórfingna føroyska mentanarveitslu í samband við at Mikines framsýningin lat aftur hetta vikuskiftið FRAMSÝNING Tíðindaskriv Tað var Reykjavíkar Býráð og listasavnið Kjarvalsstaðir sum høvdu tikið stig til tiltakið og í samstarvi við Útnorðurráðið, Føroyinga­ felagið og Sendistovu Før­ oya, varð ein fjølbroytt skrá sett saman fyri allan seinna­ partin. Hópur av fólki var komið á Kjarvalsstaðir hendan dagin og tiltakið byrjaði við at Aðalsteinn Ingólfsson, rithøvundi av stóru Mikines bókini, helt fyrilestur um listamannin og greiddi frá listarverkum hansara. Eftir hetta var ymiskt fyri børnini – dukkusjónleikur, spøl og kapping, har Mikines­mynd­ irnar vóru partur av spæl­ inum. Smyril Line, Atlantsflog saman við Flugfelag Islands og Færeyjaferðir vóru um­ boðaði við fólki, ið góvu faldarar og kunning um Før­ oyar sum ferðamál og hópur av fólki vísti hesum áhuga. Føroyska klædnafyritøkan Sirri var somuleiðis um­ boðað við modellum, sum gingu runt og sýndu føroysk klædnapløgg fram og hand­ aðu faldarar til gestirnar. Kl. 16 framførdi føroyska trio’in við Leivi Thomsen, Bjarka Meitil og Katrinu Petersen hugtakandi fólka­ løg, avbera vakurt borin fram av Katrinu. Eftir hetta var farið upp á gólv. Heini Mohr, Sámal Júst Ziska Dahl og Leivur Jacobsen, allir royndir og dugnaligir kvøðarir úr Klaksvíkar Dansifelag, vóru komnir at skipa dansin, sum gekk væl og tað sást at nógv fólk høvdu hug at koma uppí. Eftir hetta var borðreitt við føroyskum mati og bjóri og Gunvør Balle, sendi­ kvinna, greiddi frá hvussu vit hagreiða tjóðarrættir okkara. Sera stórur áhugi var millum íslendingar, og sjálvsagt eisini føroyingarn­ ar, at smakka ein bita av turra tvøstinum og spikin­ um, skerpikjøtinum og skinsakjøtinum. Tá talt var upp eftir at síðstu gestirnir vóru farnir kl. 18.00, varð greitt, at 1600 fólk høvdu vitjað Kjarvalsstaðir hendan dagin og talan var nærum um met fyri savnið. Fyrireikararnir vóru sjálvsagt sera væl nøgdir við teir nógvu gest­ irnar og kundu staðfesta, at hetta ber boð um stóran áhuga fyri føroyskari ment­ an í Íslandi. Tenorsangarin Peter Hentze Niclasen og guitarleikarin Ólavur Jakobsen fara í hesi vikuni at hava tvær konsertir við føroyskum sangum og sangum eftir m.a. Dowland, Britten og Donizetti SANGUR Guitar og sangur er ein samanseting, ið ikki er so ofta at hoyra í føroyska klassiska tónleika­umhvørv­ inum. Enn meira forkunn­ ugt er, at teir eisini fara at framføra okkurt nýgjørt fyri guitar og sang. Talan er um sanglag skrivað av Bjarna Restorff. Bjarni hev­ ur sett lag til yrking eftir Carl Jóhan Jensen, og verð­ ur tað her framført á fyrsta sinni. Ólavur Jakobsen hevur skipað føroysk løg av nýggjum til guitar og sang. Her er serliga talan um sangir eftir Regin Dahl, eins og Hans Jacob Høj­ gaard eisini er umboðaður. Teir fara víða um í kon­ sertini – bæði landafrøðiliga og í tíð. Har verða verk eftir enska renæssencutóna­ skaldið John Dowland (1563­1626), sum uppruna­ liga skrivaði sín tónleik til lut. Somuleiðis verða sungnir fólka­sangir, sum enska tónaskaldið Benjamin Britten (1913­1976) hevur lag til rættis. Okkurt kent frá italskum bel­canto oper­ um verður at hoyra, umframt at Ólavur fer at framføra solotónar eftir Johann Sebastian Bach á guitara. Peter Hentze Niclasen er tenorsangari og syngur við í m.ø. Tórshavnar Manskóri og Tarira. Hann var næm­ ingur á Íslendska sangskúl­ anum – Føroya deild, ið virkaði í Føroyum fyri nøk­ rum árum síðani, og hevur hann leitað sær lærdóm hjá m.ø. Garðar Cortes og Óløf K. Harðardóttir. Eisini hev­ ur hann í styttri tíðarskeið fingið sangundirvísing í Keypmannahavn og Aber­ deen. Umframt solistupp­ gávur í kórum, hevur hann eisini sungið við á fleiri fløguútgávum. Ólavur Jakobsen er av Kamarinum í Havn. Hann byrjaði sum smádrongur at spæla gittara. Hann var so at siga sjálvlærdur innan klassiskt guitarspæl, tá ið hann kom gjøgnum nálar­ eygað á tónlistarskúlanum í Keypmannahavn. Hann tók diplomprógv haðani í 1995. Lærari hansara var Ingolf Olsen. Ólavur var á árs­ skeiði í 1993/94 í Franka­ ríki. Hann var næmingur hjá Roland Dyens, núver­ andi professara á Conserva­ toire Superieur í Paris. Konsertirnar eru: Hóskvøldið 10. apríl kl. 20 í Ribarhúsi í Fuglafirði. Sunnukvøldið 13. apríl kl. 19:30 í Mariu Kirkjuni í Havn. Ókeypis atgongd er til konsertina í Mariu kirkjuni í Tórshavn, atgongumerki fyri 80 krónur fáast við dyrnar í Ribarhúsi í Fugla­ firði. Skúlanæmingar hava ókeypis atgongd. Tenorsangur við guitarspæli Føroysk mentanarveitsla á Kjarvalsstøðum Peter Hentze Niclasen og Ólavur Jakobsen hava klassiska konsert við guitara og sangi í Ribarhúsi og Mariukirkjuni