hósdagur 10. apríl 2008síða 16

16 tíðindi Nr. 69 - 10. apríl 2008 Ætlar sær ikki frá Borgarligi Atassut-flokkurin tapti kommunuvalið í Grønlandi fyrradagin. Afturgongdin var 5,2 prosentstig, og flokkurin misti serliga nógv í Suðurgrønlandi og í Nuuk. Tað hevur fingið fjølmiðlarnar at reisa spurningin um framtíðina hjá floksformanninum Finn Karlsen. Men hann ætlar sær ikki frá. Hann sigur við KNR, at kommunuval snýr seg í høvuðsheitum um lokalpolitikk og er tí ikki avgerandi fyri støðuna hjá floksformanninum. Lort í Býin í Vági Leygardagin vitja Meyla og vinir í Vági og hava á skránni leik, sang og dans. Meyla og vinir hennara eru landskend fyri sangirnar frá fløguni Lort í Býin, og nú fáa børn í Suðuroynni høvi at uppliva stuttligu persónarnar og sangirnar á palli. Tiltakið verður í høllini í Vági leygardagin klokkan 15. Men umframt ber eisini til at tekna seg til dansiskeið, so ein dugir dansirnar, tá konsertin fer í gongd. Forsølan av atgongu- merkjum til stóra barnatiltakið fer fram á Shell og Statoil í Vági og í Handlinum í Toftum í Vági og á Statoilstøðini á Tvøroyri. Tað eru 7.a og 7.b í Vágs Skúla, ið skipa fyri. Finn Karlsen fer ikki frá orsakað av ósigrinum á kommunuvalinum Mynd: KNR) Í gjár frætti Sosialurin frá álítandi keldum, at Fiskimannafelagið og Reiðarafelagið skuldu á fund um Carlton- málið í dag Carlton-málið Vilmund Jacobsen vilmund@sosialurin.fo Framvegis røkist lítið fyri, at teir seks limirnir hjá Fiskimannafelagnum, sum vóru við pelagiska skipinum Carlton, sleppa umborð aftur í bræði, men í dag skuldi so ætlandi verða fundur millum Fiskimanna- felagið og Reiðarafelagið um málið. Um nøkur loysn fæst á hesum fundi, man vera ógvuliga ivingarsamt, so fastlæst sum hetta mál hevur víst seg at vera. Mynstringarbannið hjá felagnum mótvegis skipin- um stendur framvegis við og menninir, sum nú hava verið í landi – og uttan inn- tøku – í einar 5 vikur, duga ikki at síggja, at nøkur gongd er í málinum. Formaðurin í Fiskimanna- felagnum heldur fast um, at skipið skal sigla eftir ídnað- arsáttmálanum, sum gevur 27% til manningina, meðan reiðarin heldur upp á, at skipið ber so nógv frá teim- um gomlu ídnaðarskipun- um, at hesin prosentsatsur er ov høgur. Reiðarin hevur tí skotið upp, at millumverandi verð- ur avgreitt í rættinum, at part- arnir hyggja frameftir, og at Carlton frameftir sleppur at sigla við einum manningar- parti svarandi til 23,24%. Meðan stríðið stendur millum FF-formannin og reiðaran, missa dekkarar inntøku, tí hvørki reiðaríið, ei heldur felagið rindar teimum eina krónu, meðan arbeiðssteðgur er. Við skipinum eru navigat- ørar og maskinmenn, og hóast bæði Føroya Skipara- og Navigatørfelag og Mask- inmeistarafelagið hava heitt á sínar limir um ikki at taka upp arbeiði hjá limum FF’s, sum eru í landi, siglir Carl- ton framvegis. Á heimasíðunum hjá báð- um hesum feløgum lýsa tey við, at “noktað verður lim- um at taka upp arbeiði, sum er rakt av mynstringar- banni…” FSN lýsti hesa fráboðan 19. mars og Maskinmeist- arafelagið 21. mars. Feløg á fund um Carlton-málið - Eg haldi, at flestu kommunur royna og vilja gera sítt besta, men at uppskotið hjá Búskaparráðnum kann gerast ein koddi hjá útjaðaranum, er lítið at ivast í, sigur Heðin Mortensen, borgarstjóri í Tórs- havnar kommunu Útjavning Vilmund Jacobsen vilmund@sosialurin.fo Búskaparráðið hevur arbeitt við eini frágreiðing, sum lýsir, hvussu ráðið heldur, at ein kommunal útjavning- arskipan kann leggjast til rættis. Á fundi á Hotel Føroyum í morgun hevði formaðurin, Jørn Astrup Hansen, eina framløgu av tí tilfari og til- mælum, sum ráðið er komið til. Sjálv framløgan tók ein tíma, har formaðurin legði tøl fram sum lýsa, hvussu støðan í ymisku økjunum í landinum er – við inntøkum og útreiðslum. Hann vísti eisini á, hvussu ein møgulig útjavning mill- um ymisku økini í landinum kundi farið fram. Jørn Astrup byrjaði við at vísa til samgonguskjalið, sum leggur upp til størri og skikkaðar kommunalar eind- ir, so hesar gerast betur før- ar fyri at taka á seg fleiri uppgávur, samstundis sum javnt tænastustøði verður tryggjað um landið. Búskaparráðið er av tí fatan, at skal eitt skilagott ábyrgdarbýti gerast millum land og kommunur, er fyri- treytin, at vit hava færri –og størri - kommunalar eindir enn í dag. Hetta er eisini treytin fyri eini skilagóðari útjavningarskipan millum kommunurnar. - Tað er okkara vón, at frá- greiðingin, sum vit hava gjørt, kann gerast partur av kjakinum og hugskotinum hjá politisku flokkunum, sum skulu taka avgerðirnar, segði Jørn Astrup Hansen. Eins tænastustøði Endamálið við eini komm- unalari útjavningarskipan er, at tænastustøðið kring um í landinum skal gerast so eins sum gjørligt. Hetta merkir, at fólk í útjaðaranum ikki skulu hava verri tænastustøði enn fólk á meginøkinum – og øvut. Jørn Astrup Hansen vísti á, at viðurskiftini kring landið eru ymisk, og ymiskt kann vera, hvussu inntøkur og útreiðslur hjá kommun- um eru. - Tí er ikki bara neyðugt við eini skipan, sum útjavn- ar inntøkusíðuna, men eis- ini útreiðslusíðuna. Hann sergði, at uppskotið hjá Búskaparráðnum ikki byggir á at gera seg inn á kommunala sjálvstýri, men heldur byggir uppskotið á, at ymisku økini í landinum vera betur før fyri at veita somu tænastur. Heðin sigur nei Eftir framløguna hjá for- manninum í Búskaparráð- num varð skipað fyri pall- borðsorðaskifti. Við borðið sótu landsstýrisfólkini, Kar- sten Hansen og Helena Dam á Neystabø, Heðin Mort- ensen, formaður í Kommu- samskipan Føroya og Asbjørn Djurhuus, formað- ur í Føroya kommunufelag. Tað eydnaðist ikki Sosial- inum at vera við til kjakið, men í gongini – undan fram- løguni hjá formanninum í Búskaparráðnum – segði Heðin Mortensen, borgar- stjóri, seg als ikki taka undir við eini slíkari skipan. Borgarstjórin er samdur í, at neyðugt er við greiðari ábyrgdarbýti millum land og kommunur, men hann tekur ikki undir við, at borg- arar í høvuðsstaðarøkinum skulu rinda fyri borgarar úti um landið. - Skulu vit tað, merkir hetta, at tænastan hjá okk- um, sum hava so nógvar uppgávur at røkja sum mið- staður, lækkar. Skulu vit uppihalda hesi tænastu, noyðast okkara borgarar at gjalda uppaftur meira. Hann vísti á dømir úr eitt nú Íslandi, har kommunur í útjaðaranum sita hendur í favn og bíða eftir einum kekki. - Eg haldi, at flestu komm- unur royna og vilja gera sítt besta, men at hetta kann gerast ein koddi, er lítið at ivast í, sigur Heðin Morten- sen, borgarstjóri. Tænastustøðið skal útjavnast Nógv fólk vóru á Hotel Føroyum í morgun til framløgu hjá Búskaparráðnum Mynd: Jens Kr. Vang Formaðurin í Búskaparráðnum hevur framløgu um eina kommunala útjavningarskipan Mynd: Jens Kr. Vang