fríggjadagur 11. apríl 2008síða 8

Vikuskifti 8 Nr. 70 • 11. apríl 2008 Leygarkvøldið 3. mai savnast nakrir av gomlu dreingjunum í tónleikalívinum í Klaksvík aftur. Tað gera teir til tiltakið, sum hevur fingið navnið Straight Parade. Hetta er eitt tónleikatiltak, sum fer at bjóða Hjarnar, Dynamit, Rag Rags, Hallur Joensen og Jørgin Dahl á palli í nýggju Badmintonhøllini. Tað er Klaksvíkar Sjónleikar­ felag, sum skipar fyri tiltakinum, og Rudolf Joensen er annar samskiparin. ­ Vit hildu, at tað skuldi verða eitt sindur av fest í býnum, nú kommunan fyllir 100 ár. Og eg haldi, at teir bólkarnir, sum fara á pallin hetta kvøldið, eru garantar fyri einum góðum og festligum kvøldi, sigur Rudolf Joensen. Hann og Sonhard Johannesen standa fyri fyrireikingunum, og teir hava áður skipað fyri stórum tiltøkum – til dømis Beat­ festivalinum í Klaksvík í 1972. Kendir bólkar á palli Bólkarnir, sum spæla til Straight Parade, eru nakrir av undangongubólkunum í føroyskum tónleikilívi. Ólavur Presley And His Dirty Rag Rags eru víðagitnir fyri teirra lívligu framførslur, har Ólavur sum ein rættur oddamaður í bólkinum kundi finna upp á bæði eitt og annað á pallinum. Hjarnar vóru stóri rockbólkurin í Føroyum í 70’unum og fyrra parti av 80’unum. Seinni hava teir spæla aftur til ymisk tiltøk. Jørgin Dahl var rockkomponist­ urin fram um allar aðrar. Hann var oddamaður í Straight Ahead, og tað varð sangir frá teirri tíðini, sum Jørgin Dahl fer at spæla á konsetini. Hann verður stuðlaður av Hjarnum á pallinum. Dynamitt høvdu sína stóru tíð í 80’unum, tá ið teir vóru tiltiknir sum dansibólkur kring landið. Bólkurin skrivaði sangir sjálvur, og teir góvu fleiri útgávur út við kendum sangum sum Grøv Nummar 13, Pápi tín býr ei í Tórshavn og ommuna og abban frá Gjógv. Hallur Joensen er mest aktuella navnið á pallinum hetta kvøldið, tí hann gevur í næstum út eina country­fløgu, sum er tikin upp í USA. Tónleikurin av hesari útgáv­ uni verður spældur til konsertina. Umframt hesar bólkar, fáa eisini tveir ungir lokalir bólk­ ar møguleikan at verða við á konsertini. Teir verða funnir til innleiðandi konsert í Virkishúsinum. Straight Parade í Klaksvík Onkrir teirra skipaðu fyri festivali fyri 35 árum síðani, onkrir hava hittað uttanlands, og aðrir hava fingið hvørt dansigólv í landinum at kóka. 3. mai savnast teir til stóra konsert í Klaksvík Tónleikur Eyðun Klakstein eydun@sosialurin.fo Jørgin Dahl – oddamaðurin í Straight Ahead – fer at spæla saman við Hjarnum, har hann eisini spældi við eitt skifti Mynd: Álvur Haraldsen Ólavur Presley á odda fyri Rag Rags. Bólkurin hevur havt nógvar villar – ja, næstan ørar – framførslur gjøgnum árini. Teir kunnu upplivast aftur á konsert í Klaksvík í næstum Mynd: Álvur Haraldsen