fríggjadagur 11. apríl 2008síða 10

Nr. 70 • 11. apríl 2008 Vikuskifti 10 Kunoy: Guli liturin á stóra lastbilinum hjá Landsverki er eyðsýndur her í ovara borði á Kunoyarvegnum. Hegnisliga stýrir Poul Sivert Sivertsen úr Norðdepli krananum niður til frárenslið, har makkari hansara, Páll Gunhard stendur og fyllir upp í grabban. Uppgáva teirra henda hósdagin í farnu viku var at reinsa rennur og frárensl á vegastrekkinum millum Kunoyartunnilin og sjálva bygdina. Hetta er ikki løtuverk, tí á strekkinum eru ikki færri enn 40 av slagnum og sum renna útav bakkanum. - Hetta skal gerast ordiligt, og tí má tað bara taka sína tíð, sigur Páll Gunhard, nú Snoddi hjá Sosialinum koyrir framvið. Í dag er gott veður til slík arbeiði. Aðrar dagar er arbeiðið neyvan eins hugaligt! Altíð okkurt Henda seinnapartin í farnu viku, tá vit hittu Páll Gunhard var hann í ferð við at reinsa rennur á einum staði, sum teir staðkendu kunoyingarnir kalla „Á Táini“. Landslagið á staðnum er formað eins og ein fótur, og av hesum hevur hetta ávísa staðið fingið sítt navn og úttalu „á tánni“. - Nú er veturin vónandi liðugur. Tað vísir seg, at tað altíð kemur nógv grót og evja niður í rennurnar. Nú reinsa vit frá frárenslunum, so alt ikki tippist. - Vit tóku hesa rennuna fyrst, tí tað var komið so nógv tilfari niður í hana, greiðir hann frá. Tað vísir seg, at tað altíð er okkurt í hvørjum frárensli, og onkutíð koma teir eisini fram á slík sum eru tipt. - Sjálvandi – taka vit tað nóg ofta, er ikki so nógv í hvørja ferðina, slær hann fast. 30 ár Páll Gunhard Poulsen er eingin ársungi í hópinum av starvs- fólkum hjá Landsverki. Hann hevur í roynd og veru arbeitt her í sløk 30 ár. Fyrsta arbeiðið, hann var við í var tá teir boraðu tunlarnar á Kalsoynni í 70’unum. - Ja, teir bóðu meg koma til arbeiðis í einar 14 dagar ella so, men tað bleiv altso til 30 ár. Tað bleiv kanska nakað leingi, sigur Páll Gunhard við einum brosi. Eftir at allir tunlarnir á Kalsoynni vóru boraðir ígjøgnum, helt hann fram í somu fyritøku og er har enn. - Tað mangla faktiskt bara 3-4 mánaðir í, til eg havi verið her í 30 ár, sigur hann. Reinsa rennur regluliga - Vit komu her beint eftir døgurða, og verða lidnir hvørja løtu. Síðani fara vit báðir til Árnafjarðar í somu ørindum, sigur kunoyingurin, Páll Gunhard Poulsen, sum hevur drúgvar royndir sum arbeiðsmaður hjá Landsverki Vegir Snorri Brend snorri@sosialurin.fo myndir: Høgni Thomsen Poul Sivert Sivertsen stýrir hegnisliga krananum Teir hava 40 slík frárensl at reina bara á Kunoyar - Eg havi arbeitt hjá Landsverki í 30 ár. Tað bleiv kanska nakað leingi, sigur Páll Gunhard Poulsen úr Kunoy