týsdagur 15. apríl 2008síða 11

11 tíðindi Nr. 72 - 15. apríl 2008 Í hósdagsblaðnum skrivaðu vit, at Taks ikki hevði goldið borgaranum, sum tann 25. oktober í 2006 fekk viðhald í sínum mvg-kravi, pening- in, sum Skatta- og avgjalds- kærunevndin segði borgaran hava rætt til., Í tíðindaskrivinum, sum Taks sendi út í dag, verður sagt, at »Taks hevur tikið avgerðina hjá Skatta- og avgjaldskærunevndini frá 25. oktober 2006 til eftir- tektar, og goldið kæraranum meirvirðisgjald av skráset- ingargjaldinum aftur við tí fyrivarni, at peningurin verður kravdur aftur, fær Taks viðhald í Føroya Ræt- ti.«. E­ftir tí, sum Sosialurin hevur fingið upplýst, er het- ta útgjald tó farið fram, eftir at greinin stóð í blaðnum. -mørk Málini fyrnast Mvg Jákup Mørk jakup@sosialurin.fo Bilakeyparar, sum hava keypt nýggjan bil í tíðar- skeiðnum frá 1. mai 1999 til 14. apríl 2003, og ikki longu hava sent inn krav um mvg-endurgjald, mugu ásanna, at tann peningin síggja tey ikki aftur. E­ins og sakførarar, sum vit tosaðu við í farnu viku, so er Taks av teirri áskoðan, at mvg-mál av hesum slag koma undir 5-ára fyrningar- regluna. Lógartekniska mistakið, sum hevur givið borgarum rætt at krevja mvg-endur- gjald, var galdandi frá 1. mai 1999 til 28. apríl 2005. Men krøv, sum eru eldri enn fimm ár, eru eftir øllum at døma fyrnað. Hetta er tó ikki galdandi, um bilakeyp- ari hevur gjørt vart við sítt krav, áðrenn bilakeypið var fimm ára gamalt. Ført hevur verið fram, at talan íalt var um 125 millió- nir krónur, sum tað almenna hevur kravt inn, uttan at heimild var fyri hesum. Verður roknað við, at bila- keypið hevur verið javnt øll árini, svarar hetta til 57.000 kr. um dagin. Og hetta er alt- so upphæddin, møguliga kann fyrnast fyri hvønn dag, sum gongur, uttan at nýggj krøv verða sett fram. Í spurningum, sum vit her á blaðnum sendu Taks, varð eisini spurt, um tað hevði áhuga hjá Taks, at málið í Føroya Rætti tekur sum longst av tíð, soleiðis at flest møgulig krøv kunnu fyrnast. Hesum spurningi hevur stovnurin tó ikki svar- að. Vísandi til tað, sum fram- gongur aðrastaðni her á síð- uni, mugu bilakeyparar tó sjálvi ansa eftir, at teirra krøv verða viðgjørd. Tí hóast Skatta- og avgjalds- kærunevndin í fyrsta lagi hevur givið borgara viðhald, og í øðrum lagi hevur givið Taks greið boð um at við- gera aðra kæru, so metir Taks altso ikki, at nevndin við hesum avgerð rættar- støðuna hjá málum, ið ikki eru løgd fyri nevndina. Taks metir, at krøv um mvg-endurgjald í sam- band við keyp av persónbili, fyrnast eftir fimm árum. Við øðrum orðum sparir Landskassin á leið 57.000 kr. fyri hvønn dag, sum gongur, utt- an at nýggj krøv verða sett fram Hava goldið út Hóast Skatta- og avgjaldskærunevndin staðfestir, at Taks ikki kann nokta at viðgera umsóknir um mvg- endurgjald, vil Taks ikki lata nevndina avgera rættarstøðuna hjá somu umsóknum Mvg Jákup Mørk jakup@sosialurin.fo Her í blaðnum skrivaðu vit í farnu viku um avgerð hjá Skatta- og avgjaldskæru- nevndini í samband við krav um mvg-endurgjald frá borgara. Í hesi avgerð staðfesti nevndin, at Taks ikki kann lata vera við at taka støðu til mál, vísandi til, at annað líknandi mál er lagt fyri Før- oya Rætt til støðutakan. Nokta framvegis Skatta- og avgjaldskæru- nevndin er hægsti fyrisiting- arligi myndugleiki innan skatta- og avgjaldsøkið. Og hetta viðurkennir Taks í tíð- indaskrivinum, sum er sent føroysku miðlunum. Men hóast hetta, so tykist Taks ikki látast um vón, hóast nevndin í tveimum førum hevur givið kærara viðhald í málum um mvg-endur- gjald. »Taks hevur tikið til eftir- tektar, at Skatta- og avgjalds- kærunevndin hevur heim- víst eitt annað ítøkiligt mál til nýggja viðgerð. Hetta málið verður viðgjørt av nýggjum. Taks tekur tó ikki undir við, at Skatta- og avgjaldskærunevndin hevur heimild til at fastleggja rættarstøðuna í málum, ið ikki eru løgd fyri nevndina til støðutakan.« Soleiðis verður sagt í tíð- indaskrivinum, sum í dag er sent føroysku fjølmiðlu- num. Og hetta merkir, at hóast Taks nú tekur ítøkiliga mál- ið, sum Skatta- og avgjalds- kærunevndin viðgjørdi, til nýggja viðgerð, so ber hetta ikki við sær, at Taks fer at viðgera líknandi mál. Í avgerðini hjá Skatta- og avgjaldskærunevndini tann 3. apríl í ár varð annars stað- fest, at Taks kann ikki nokta at viðgera eina umsókna vísandi til, at annað mál er lagt fyri Føroya Rætt. Lógartekniskt mistak Í tíðindaskrivinum vísir Taks annars á, at talan var um lógartekniskt mistak, sum hevur givið borgara rætt til mvg-endurgjald. Taks vísir í hesum sam- bandi á, at tað var øllum púrasta greitt, hvussu høgt avgjald ætlanin var at leggja á bilakeyp. Bæði fyri løg- tingsfólki, bilahandlarum og teimum borgarum, sum keyptu bil. » Í uppskotinum er greitt neyvt frá, hvussu skráset- ingargjald og meirvirðis- gjald skal roknast, og at broytingarnar ikki hava við sær meir ella minni inntøkur til landskassan.«, stendur millum annað at lesa í tíð- indaskrivinum, sum Taks í dag sendi út. Í samband við at mál um meirvirðisgjald av skrásetingargjaldi av bilum verður umrøtt í fjølmiðlum sendir TAKS út soljóðandi tíðindaskriv: Mvg Tíðindaskriv E­itt mál er í løtuni til viðgerðar í Føroya rætti um meirvirðisgjald av skrá- setingargjaldi av bili. Skat- ta- og avgjaldskærunevndin hevur mett, at talan er um eitt lógartekniskt mistak, ið gevur tí borgara, ið kært hevur, rætt til at fáa aftur- goldið tann part av meir- virðisgjaldinum, sum er grundaður á skrásetingar- gjaldið. TAKS er ikki samt í niður- støðuni hjá Skatta- og avgjaldskærunevndini og hevur tí kært avgerðina til Føroya Rætt. TAKS viður- kennir, at Skatta- og av- gjaldskærunevndin er hægs- ti fyrisitingarligi kærumyn- dugleiki innan skatta- og avgjaldsøkið. TAKS hevur tikið avgerðina hjá Skatta- og avgjaldskærunevndini frá 25. oktober 2006 til eftir- tektar, og goldið kæraranum meirvirðisgjald av skráset- ingargjaldinum aftur við tí fyrivarni, at peningurin verður kravdur aftur, fær TAKS viðhald í Føroya Ræt- ti TAKS hevur tikið til eftir- tektar, at Skatta- og avgjalds- kærunevndin hevur heim- víst eitt annað ítøkiligt mál til nýggja viðgerð. Hetta málið verður viðgjørt av nýggjum. TAKS tekur tó ikki undir við, at Skatta- og avgjaldskærunevndin hevur heimild til at fastleggja rættarstøðuna í málum, ið ikki eru løgd fyri nevndina til støðutakan. TAKS tekur annars bert støðu til ítøkilig mál, ið eru til viðgerðar, og kann tí ikki úttala seg generelt um spurningin. Viðmerkjast skal eisini, at spurningurin um fyrning verður viðgjørdur eftir gald- andi reglum, har fyrningar- freistin sum meginregla er 5 ár. Víst verður annars til § 2 í fyrningarlógini (lov nr. 274 af 22. december 1908 om forældelse af visse fordninger). Í apríl mánað 1999 sam- tykti Løgtingið broyting í skrásetingargjaldslógini. Í viðmerkingunum til hesa broyting verður sagt, at endamálið við broytingini er at gera reglurnar lættari at umsita. Í uppskotinum er greitt neyvt frá, hvussu skráset- ingargjald og meirvirðis- gjald skal roknast, og at broytingarnar ikki hava við sær meir ella minni inntøkur til landskassan. Roknidømi eru løgd við, ið neyvt vísa hvat skal gjaldast til lands- kassan í meirvirðisgjaldi og skrásetingargjaldi. Tað er tí púra greitt, hvus- su høgt gjald løgtingsfólk á vári 1999 hava atkvøtt fyri at leggja á bilakeyp. Somu- leiðis hevur hetta eisini ver- ið greitt bæði fyri bilahand- larum og teimum borgarum, ið keyptu sær bil. Tíðindaskrivið frá Taks Taks noktar framvegis at akta Skatta- og avgjaldskærunevndina. Borgarar, sum hava sent inn umsókn um mvg-endurrindan, mugu tí sjálvir senda inn kæru til Skatta- og avgjaldskærunevndina, um umsóknin skal viðgerast Taks aktar ikki harraboðum Skúladepilin í Suðuroy reistur Í morgin, mikudagin klokkan 15, verður hátíðarhald í Skúladeplinum í Hovi í sambandi við, at bygningurin verður reistur. Kristina Háfoss, landstýriskvinna í mentamálum verður til staðar. Úr Suðuroy siga tey, at øll eru hjartaliga vælkomin at vera við til hátíðarhaldið. Klokkan 15 fer Tvøroyra Hornorkestur at spæla. Síðani fer Kristina Háfoss at halda røðu. Leona L. Johannesen, næmingaráðsforkvinna í Miðnámsskúlanum í Suðuroy fer at siga nøkur orð, og E­rika Knudsen, næmingarumboð frá Heilsuskúla Føroya, sigur nøkur orð. Jórun Petersen, deildarleiðari, flytir fram røðu vegna nýggja skúladepilin, og síðani spælir Tvøroyarar Hornorkestur aftur. Aftaná verður kaffi og køkur.