mánadagur 21. apríl 2008síða 9

9 tíðindi Nr. 75 - 21. apríl 2008 Við nýggjum hølum í miðbýnum er Salong Afrodite vorðin munandi meir sjónlig í býarmyndini í Klaksvík KlaKsvíK Anna V. Ellingsgaard Myndir: Høgni Thomsen Tað var ein liður í at hækka tænastustøðið enn meira, tá Salong Afrodite leygardagin lat upp í nýggjum hølum í miðbýnum í Klaksvík. Tað siga tær tríggjar, Joan Baldvinsson, Jóna Eydnu­ garð og Jórun Mc. Leod Jac­ obsen, sum í felag nú reka frisørstovuna Afrodite. Meir sjónlig Við nýggju adressuni er Sal­ ong Afrodite vorðin mun­ andi meir sjónlig, enn frisør­ stovan var á Bumshamars­ vegi, har hon helt til framm­ an undan. Eigararnir dylja heldur ikki yvir, at ein av orsøk­ unum til, at tær nú flyta, er at tað verður lættari hjá fólki at detta inn á gólvið. Tær vísa á, at í dag er ikki longur nokk at duga sítt handverk sum frisørur. Tú mást eisini hugsa um at verða sjónlig og vera har, ið fólk eru og koma. Tí hava tær valt at flyta heim á Klaksvíksveg, har stórur partur av handilslív­ inum heldur til, umframt at parkeringsviðurskiftini eru rættiliga góð. Ungu dámurnar í Afrodite leggja seg framvegis eftir at geva viðskiftafólkunum eina all­round vakurleikaviðgerð innan bæði hár, makeup og litir. Salongin heldur nú til á ovaru hæddini á Klaks­ víksvegi 58. Nýgg Afrodite í miðbýnum Tær tríggjar Jórun Mc.Leod, Jóna Eydnugarð og Joan Baldvinsson reka nú nýggju Salong Afrodite í miðbýnum í Klaksvík SF fyri stórum falli Sosialistiski Fólkaflokkurin í Danmark hevur havt sera stóra framgongd í seinastuni, men nú vísir ein nýggj meiningakanning, at flokkurin missir veljarar aftur. Var val til Fólkatingið nú, hevði SF fingið 16,6 prosent. Tað er væl minni enn tey 20,8 prosentini, sum flokkurin fekk í einari kanning í síðsta mánað. Tann nýggja kanningin vísir eisini, at Ny Alliance hevði mist sínar tinglimir, men at Eindarlistin hevði varðveitt sínar fýra. Stjórin skal vera kvinna Í hesum døgum eru 100 ár, síðani danskar kvinnur fingu atkvøðurætt til kommunuval, men yvirhøvur er semja um, at tað hevur verið striltið hjá kvinnunum at koma sær fram á arbeiðsmarknaðinum hesa øldina. Ikki tí, sambært einari kanning hjá Epinion halda mong, at fleiri kvinnur eiga at manna stjórastørv í vinnulívinum. Kanningin vísir, at serliga tey yngru vilja hava kvinnu til stjóra. Tað siga 69 prosent av teimum, sum eru millum 18 og 34. Nýggi skúlin við Løgmannabreyt í Hoyvík er ikki bara størsta og dýrasta skúlabygging í Føroyum nakrantíð. Talan er eisini um eina kollvelting innan føroyskan skúlaskap fólKasKúli Anna V. Ellingsgaard anna@sosialurin.fo Myndir: Jens K. Vang Tá nýggi skúlin við Løg­ mannabreyt í Hoyvík verður tikin í nýtslu eftir summarfrítíðina, er talan ikki bert um fyrsta byggistig í størstu og dýrastu skúla­ bygging í Føroyum nakran­ tíð. Eisini innan føroyskan skúlaskap er skúlin eitt sindur av eini kollvelting, har pedagogiska hugtakið ”við støði í einstaka næm­ inginum” fær ein heilt ítøkiligan týdning. Í staðin fyri siðbundnar floksstovur, har flokkurin situr samlaður allan dagin, verður tað tørv­ urin hjá tí einstaka næming­ inum, sum ger av, hvar hann skal vera. Høli í tráð við tørv Á tíðindafundi í morgun greiddi Árni Winther, arki­ tektur frá, at aðalhugsanin við bygninginum er, at hann skal kunna uppfylla øll nútímans pedagogisk krøv, umframt at hann lætt skal kunna lagast til framtíðar broytingar. Í staðin fyri vanligar skúlastovur, fær hvør árgangur sítt egna øki, sonevnd Heimrustir, við hølum, ið verða tikin í nýtslu í tráð við tørvin hjá einstaku næmingunum. Hølini eru skipað soleiðis, at ymsir frálærumøguleikar lættliga kunnu setast í verk, alt eftir, um brúk er fyri bólkaarbeiði, samrøðum ella floksfrálæru. Tá fyrsta byggistig verður tikið í nýtslu eftir summar­ frítíðina, verður byrjað við 1. til 3 flokki. Tá øll fýra byggistigini eru tikin í nýtslu, rúmar skúlin út við 500 næmingum frá 1. til 9. flokk, umframt frítíðarskúla til 1. og 2. flokk. Eisini kem­ ur skúlatannlækni at hava høli í skúlanum. Atlit til grannalag Umframt krøvini til sjálvan skúlan hava arkitektarnir eisini tikið atlit til granna­ lagið kring skúlan. Hóast út við 5000 fólk búgva í økin­ um, er heldur tunnligt við frítíðartilboðum. Tí er ætl­ anin, at dupulta fimleikar­ høllin, høli til framførslur og onnur felagshøli í skúlan­ um skulu kunna brúkast til annað enn skúlavirksemi. Seinni er eisini ætlanin at byggja nýggjan fótbóltsvøll við síðuna av skúlanum. Samlaði kostnaðurin fyri skúlan liggur millum 150 og 170 milliónir krónir. Kollveltandi skúli í Hoyvík Tá øll fýra byggistigini eru liðug, fevnir nýggi skúlin við Løgmannabreyt um eitt øki á 6000 fermetrar Ein aðalhugsan við nýggja skúlanum er, at hann skal kunna uppfylla øll nútímans pedagogisk krøv, segði Árni Winther, arkitektur, á tíðindafundi í morgun