mikudagur 30. apríl 2008síða 14

14 Nr. 82 - 30. apríl 2008 Fimti partur Tú manst eiga rættuliga lítið í teirri føroysk-italsku orðabókini (2004), tó at hon er komin fyrst í tínum tíðarskeiði (2003), so henni kanst tú ikki taka tær heiðurin av. Tann 02.05.07 sendir Orðabókagrunnurin tíðindaskriv út í bløðini, har m.a. stendur: ”Grunnurin fyrireikar í løtuni orðabøkur millum føroyskt og týskt og millum føroyskt og danskt, men enn vanta orðabrýr (flott nýggjyrði) til onnur stór heimsmál og granna- mál, umframt at stórur tørvur er á serligum orðabókum, til dømis skúlaorðabókum, tøkni- orðabókum og telduorða- bókum”. So mong vóru tey føgru orðini. Henda nýggja útgávan á netinum er eitt stórt bakkast, borið saman við”Orðaskjáttuna”. Tí um tað verður skrivað t.d. ”kringur” í Orðaskjáttuna, so kemur ein ørgrynna av uppskotum fram, men um tað sama verður gjørt tað sama við netútgávuna, so koma tvær greinar. Jógvan í Lon Jacobsen, tú ert valdur í nevndina, av tí at tú hevur royndir í einari orðabók, og eg vísti Kára á Rógvu á stavivillu 16.01.08 í bløðunum undir ”grátt undir steini”, sum á latíni eitur Oniscoidea og ”grótlús”, sum er sama djór, men hesa ferð verður stavað Oniscidæ. Tveir mánaðir seinni er einki hent. Hvør tykkara hevur ábyrgdina av, at so er? Tú Kári á Rógvi sum for- maður ella Jógvan í Lon Jacobsen, sum ert serfrøð- ingurin í orðabókahøpi? Undan løgtingsvalinum 19.01.08 setti eg tær nakrar spurningar í somu grein ”Orðabókagrunnurin við Kára á Rógvi sum formanni og orðabókagerð.” Spurningur 3 ljóðaði: hvussu nógv hevur tann føroyski skattgjaldarin, tín veljari, ígjøgnum Mentamálaráðið goldið Orðabókagrunni- num fyri hesi orðabóka- handrit? hví skal tann týsk- føroyska orðabókin, sum er tann størsta av teimum øllum, og sum er liðug til sítt brúk, fara fyri góðan helvtar prís av hinum orðabókunum? Uppskot. Tú kanst svara tí føroyska veljaranum alment, tí nú havi eg lagt ein part av hesum sorgar- leiki um orðabókagerð fram fyri almenningin, ella nýta mína telduposta- dressu, sum tú kennir, og svara privat. Men fyri at tú ikki skalt sleppa undan at svara, so kemur framhald. Nú er framhaldið so her. Tú hevur enn ikki (torað at) svarað hesum spurn- ingum. Hví? Tá ið tú ikki vilt svara, so skal eg gera tað fyri teg. Føroysk-týskt orðabók hevur fingið 1.868.692 kr., t.v.s. knappar 2 milljónir. Tað er við vælsignilsi frá Menta- málaráðnum, men tað komið eg tilaftur í einari komandi grein. Russisk- føroysk orðabók hevur fingið 1.997.500kr., eisini knappar 2 milljónir. Hvør ið hevur ábyrgdina av henni, kanst tú greiða okkum frá. Donsk-føroysk orðabók hjá Hjalmari Petersen hevur fingið 1,5- 2,0 millónir úr Orðabóka- grunninum sambært Mentamálaráðið. Hví skal eg so bert fáa góðan helvtarprís fyri mína (950.000kr, 115.000kr ella av fyrstan tíð 120.000kr, sum er væl drúgvari enn hesar tríggjar? Og enn ein spurning, tí tað stendur í reglugerðini fyri Orða- bókagrunnin: §6 Roknskaparárið er álmanakkaárið. 2. stk. Ársúrslitið verður flutt til næsta roknskaparár. 3. stk. Roknskapurin verður grannskoðaður av løggildum grannskoðara, sum nevndin í Orðabókagrunninum velur. 4. stk. Roknskapurin saman við grannskoðarafrágreiðing skal fyri 1. juli á hvørjum ári verða sendur Menta- málaráðnum til kunnungar. 5. stk. Fyrsta rokn- skaparár sambært hesum viðtøkum er 2003. Hvussu ber tað til, at Mentamálaráðið ikki kann upplýsa Jenisi av Rana upp á fyrispurning í Løgtingi- num, hvussu stór upphædd er nýtt til t.d. Føroysk- donsku orðabókina og Føroyska tøkniorðabók? Vil tað siga, at hesin orða- bókarithøvundurin eisini hevur arbeitt í góðari trúgv og vónað – sum eg, at orðabókahandritini fóru at verða goldin seinni, ella er støðan ikki heldur hon, at orðabókarithøvundurin og hinir báðir nevndarlimirnir eru starvsfelagar og tí hava játtað hesum orðabókum einhvørja upphædd, sum ikki má koma alment fram, tí so verður skommin fullfíggjað. Framhald 1. mai 2oo8 Veltu, taðaðu, sáddu og vætaðu við bløðandi hondum tó heitum hjørtum aldingarðin prúða gróðursettu træið við sveittan í barm og brennandi stríðsfýsni hóast hásummarkrúnan dró kapitalistiska eiturblandi í seg so andaði hon reinleika, hugflog íblástur og stríðsvilja á tær slitnu, bløðandi hendurnar undir veingjum kapitalismunnar fjálgt og gevandi privatiseringsørskan, stórmennisørskan hámetta feitilendi hjá kapitalistunum rægammunum spekulantar í hóptatali eyðræna tilfeingi á sjógvi og landi mergsúgva almenna peningarenslið og allar grunnarnar sum arbeiðandi fjøldin ár um ár fyllir við sínum bløðandi hondum rennur í stríðum streymi niður í kapitalistatrogið arbeiðarastættin vit løntrælir bundnir á hondum og fótum tað sindrið vit hava eftir fer við fúkandi ferð niður í spekulantapottarnar kapitalistarnir hava altíð verið átufrekir gudur kapitalistsins er ómettandi s. 2 jú, kapitalisturin hevur mong andlit úlvur í seyðaskinni góður og gudrøkin men tó hvassar kløur og kaldan heila kærleiksboðið uttan á skræðuni rivið og skrætt kálkaðar gravir tí næstrakærleikin røkkur bert til vinningsgreði, eginsinnaða pallsetan og sermerkjan í fjálgu, lívsjáttandi, prúðu og hábærsligu trækrúnuni búleikast frælsisfuglar bera boð um at vón er fyri framman hóast kapitalistiska oyðandi eitrandi evjudíki við træsins fót siti saman við kammerátunum kring træið lýði á alfagran fuglaljóm, frælsissong, hvassan stríðsvilja og ljómandi víðskygda vælferðarlagið socialistiska krúnan fevnir víða loysir trælaleinkjur og úr frælsisløki træið ótystan seg drekkur brøðralagsskikkjan droyrreyða skyggjandi, stríðsfús kapitalistarnir veingjaskerdir í fylgi tær fjákutu fínarimpurnar á ferð við heystarstormunum á virðisleysum heystarbløðum saman við vesturlendska vápnaíðnaðinum øllum oyðandi og drepandi kreftum meðan øll tey mongu á skuggasíðu lívsins tey óvirknu og gloymdu tey fátæku og børnini svølta, pínast og gráta hvørva í kapitalismunnar marglætisrúsi s. 3 sá ein almiklan stríðshóp í París, Pætursborg, Keypmannahavn og á Vaglinum men nú stendur hann á hillum dustgingin men í dag bert nøkur fá tandur standa og gána á Vaglinum hevur kapitalistiska skipanin jarðað stættastríðið ? í háborg kapitalismunnar vestan hav er einki stættastríð tó líða 4o milliónir menniskju hungur og hall stættastríði at enda komið kanska í hugaheimi teirra vælbjargaðu ognir, virðisbrøv, milliónaskjáttan á tremur alskyns marglætisfjas til sín og síni í mong ættarlið men ikki fyri okkum verkafólk enn er langt á mál men verkafólk ! kammerátar ! missi ei móti ! Socialistar ! Standi saman í stríðnum móti tí karráu kapitalistisku skipanini og tí turrgelda og oyðandi høgrarákinum ! í eystri brandar roðandi rættvísisbirtan skæra. Socialisman vil sigra ! Sólmundur Joensen Ljómandi vælferðarlag Mínar royndir av Orðabókagrunninum við Kára á Rógvi sum formanni Kári DaviDsen