fríggjadagur 2. mai 2008síða 7

7 tíðindi Nr. 83 - 2. mai 2008 SEV hevur í kvittan­ um at gera íløgur fyri 1,6 milliardir krónur komandi tíggju árini. Hetta skal fíggjast við lántøku á 150 milliónir um árið í tíggju ár ÚTBYGGING Leo Poulsen leo@sosialurin.fo SEV hevði umboðsnevnd­ arfund mikudagin á Hotel Føroyum. Millum málini á fundinum var ein tíggju ára íløguætlan, sum umfatar útbygging av vatnorkuni hjá felagsskapinum í serligan mun. ­ Ætlanin er at økja fram­ leiðsluna av varandi orku­ keldum úr verandi 45% upp í 55% av orkuni hjá SEV, sigur Hákun Djurhuus, stjóri. Settar verða av fyri 1,6 milliardir krónur komandi tíggju árini, harav tær 800 millónirnar verða markaðar til víðari útbygging av vatn­ orkuni. Serliga trý nýggj øki eru áhugaverd í hesum sambandi, og tað er eitt øki í Vágum, eitt í Vestmanna og so serliga eitt øki í Norðurstreymoy, sunnan­ vert Haldórsvík. ­ Hetta øki er serliga spennandi, tí tað gevur størstu framleiðsluna. Mett verður, at við hesi verk­ ætlanini fáast góðir 41 milliónir kilowatt­tímar fyri áleið 500 milliónir krónur, sigur Hákun Djurhuus. Hetta er eisini í samsvar við landsins politikk, at minka um CO2 útlátið. Men hóast SEV roknar við avlopi á sínum fíggjar­ ætlanum, verður neyðugt at taka upp lán fyri at fíggja útbyggingarnar. Roknað verður við at taka 150 milliónir krónur í láni um árið komandi tíggju árini, og tað merkir, at felagið um tíggju ár fer at skylda yvir eina milliard krónur. Og tað er meir enn SEV skyldaði, tá felagið skyldaði mest seinast í 1980­unum. Samstundis sum SEV ætlar at brúka 800 milliónir til at útbyggja vatnorkuna, eru bert settar 81 milliónir av komandi tíggju árini til at útbyggja vindorkuna. ­ Tá tú tosar um vatn­ orkuútbygging, er talan um ein tíðarhorisont upp á eini 50­60 ár, meðan tú tosar um 10­15 ár, tá talan er um vindorkuútbygging, sigur Hákun Djurhuus. Á umboðsnevndarfundi­ num mikudagin fekk stýrið eisinik heimild at stovna eitt partafelag, sum skal taka sær av allari vatn­ orkuframleiðslu framyvir. 1,6 milliardir í íløgum Hákun Djurhuus, stjóri í SEV Mynd: Jens Kristian Vang Kirkjukonsert á Tvøroyri Í annaðkvøld, leygarkvøldið kl 19, verður konsert í Tvøroyar kirkju í sambandið við 100 ára haldið. Tey sum spæla eru, Ungdómsorkestrið hjá Musikkskúlanum, Tvøroyar Hornorkestur, Jens Mortan Mortensen á orgul, Mia Káradóttir floytu, Bjarni Berg, klarinett Oddur Hentze klarinett og Birgitte Schakenburg á flygil. Framført verður hátíðartónleikur ­ lættur og klassikur tónleikur so sum Bach, Telemann, Mendelsohn og Crusell. Ungdómsorkestrið spælir eitt kent preludium úr Te Deum og kenda svenska sálmin “En Vanlig grønskas rika drakt”. Jens Mortan framførir Fuga og Preludium hjá Bach, og ein trio sum er samansett av tveimum klarinettum og klaver spæla eitt orkesturverk hjá Mendelssohn. Stjórnin missir stuðul Íslendingar eru ikki so væl nøgdir við stjórnarflokk­ arnar og teir einstøku ráðharrarnar nú sum fyri bara einum mánaði síðan. Sjálfstæðisflokkurin heldur tørn, men hin samgonguflokkurin, Samfylkingin, fær nú so lítla undirtøku sum ongantíð fyrr í hesum valskeiðinum. Samstundis siga 58 prosent, at tey eru nøgd við stjórnina. Tað søgdu 68 prosent fyri einum mánað síðani, og hesa tíðina er umdømið hjá fleiri ráðharrum versnað, skrivar Vísir. ­ Hesuferð væntaðu vit okkum eitt gott samstarv við Vinnumálaráðið, men nú fíggjarlógar­ uppskotið varð borið niðan í tingið, eru vit als ikki nevnd, og tað eru vit ógvuliga vónbrotin av, sigur Rani Nolsøe, leiðari í Íverksetarahúsinum ÍVERKSETAN Leo Po1ulsen leo@sosialurin.fo Íverksetarahúsið í Klaksvík hevur virkað í eitt ár nú. Í fyrstu ársfrágreiðingini verður millum annað sagt: »Í 2007 varð fyri fyrstu ferð eitt hús til íverksetar sett á stovn við tí greiða fyrsta prioriteti, at veita ítøkiliga og brúkaravinarliga ráðgeving til vinnuligar íverksetaraætlanir. Hjá íverksetum er fyri­ munurin við einum íverkset­ arahúsi tann, at øll ráð­ geving er samlað á einum stað, og at henda ráðgeving hevur fyrsta prioritet. Í einum hevur hetta eisini ta hepnu avleiðing fyri Íverksetarahúsið, at før­ leikin at veita eina topp ráðgeving, hevur allar møguleikar at styrkjast, tá tænastan er samlað á sama staði, og kjansurin at kunna arbeiða við einum kritisk­ um íverksetarahópi tískil er størri. Í sama viðfangi skal nevnast, at Íverksetarahúsið er skipað við so fáum fólk­ um í starvi sum møguligt, og júst tí virkar sum ein opin platformur, har netverk úr vinnuni, millum royndar íverksetar og konsulentar verða brúkt eftir tørvi. Endamáli við hesi skipan er bæði at virka í tøttum sam­ starvi við vinnulívið, og at tryggja íverksetum, at teir altíð verða møttir við teim­ um spíssførleikum, sum eru tøkir í samfelagnum. Tað tryggjar sjálvandi eisini relevans og innovatión í virkseminum, sum í sein­ asta enda hevur avgerandi týdning fyri íverksetarar­ nar«. Rani Nolsøe, leiðari í Íverksetarahúsinum, hevði væntað sær so nógv av positiva andanum, sum Vinnumálaráðið hevur lagt fyri dagin. Men hann má bara staðfesta, at enn eina­ ferð er bert talan um føgur orð. Ikki kappast við privatar íverksetar ­ Eg má bara staðfesta, at fíggjarlógaruppskotið er eitt satt vónbrot. Vinnumála­ ráðharrin hevur verið og vitja okkum, og tað tóktist rættuliga positivt, men nú fíggjarlógaruppskotið er lagt fram, eru vit als ikki nevnd í tí, sigur Rani Nolsøe. Á heimasíðuni hjá Vinnu­ málaráðnum førir vinnu­ málaráðharrin fram, at Íverksetarahúsið er eitt upplagt evni at fáa pening frá Vinnuframagrunninum, men hesum er Rani Nolsøe als ikki samdur í. Pengarnar úr Vinnu­ framagrunninum skulu tey privatu iniativini hava, teir skulu ikki brúkast at byggja upp almennar og privatar stovnar. Tað, vit allatíðina hava ført fram er, at fáa okkara egnu konto á fíggjarlógini, so vit kunnu fáa Íverksetarahúsið at fungera til frama fyri før­ oyska íverksetan, sigur Rani Nolsøe. Hann spyr, hvussu tað ber til, at Vinnumálaráðið ikki hevur áhuga í beinleiðis at stuðla einum initiativi, sum hevur Eik Banka og næststørstu kommunu í landinum sum høvuðs­ stuðlar. ­ Vit hava ongan áhuga í at kappast við privatar íverksetar um pengarnar í Vinnuframagrunninum. Um politiski myndugleikin meinar nakað við íverk­ setan, so er tað er á fíggj­ arlógini, Íverksetarahúsið hoyrir heima, og ikki í kapping við privatar íverk­ setarar í Vinnuframagrunn­ inum, sigur Rani Nolsøe. Vinnumálaráðið eitt vónbrot Rani Nolsøe er ógvuliga vónbrotin av Vinnumálaráðnum, sum hann metir sum eina beinleiðis forðing fyri virkseminum hjá Íverksetarahúsinum