hósdagur 8. mai 2008síða 7

7 tíðindi Nr. 87 - 8. mai 2008 - Vit halda tað vera skeivt, at atlit ikki verða tikin fyri áum, sum renna oman gjøgnum bygd øki – og áum, sum geva landslagnum lit og spæl. Í dag liggja hesar sum ljót og opin sár og misprýða, segði Elsa Annika Olsen, tá hon handaði Bjørt Samuelsen tær 645 undirskriftirnar í gjár MótMæli Vilmund Jacobsen vilmund@sosialurin.fo Sundalagsfólk hava savnað undirskriftir, tí tey meta ikki, at framferðarhátturin hjá SEV í sambandi við vatnorkuútbyggingar er rættur, sum tey taka til. - Vit halda, at vit saktans kunnu útvinna orku úr varandi orkukeldum, men vit halda eisini, at hetta er eitt sera viðkvæmt evnið. Soleiðis, sum SEV arbeiðir í sambandi við sínar vatn- orkuútbyggingar, merkir grøn orka – í okkara verð - svørt sár í landslagið. Her hugsa vit um allar tær upp- turkaðu áirnar í landslagnum í Norðureysturoy. Tað var Elsa Annika Ol- sen, sum vegna fólk í Sunda- lagnum handaði Bjørt Samu- elsen, landsstýriskvinnu í vinnumálum, tær 645 undir- skriftirnar í túninum í Tinga- nesi um 14-tíðina í gjár. Saman við henni vóru nakrar kvinnur, sum eisini búgva á Norðskálaleiðini, við í Tinganesi hendan góð- veðursdag. - Eftir okkara tykki er tað ikki rætt, at allar áirnar verða tiknar í einum so stórum øki, tí hesi virðir kunnu ikki gerast upp í peningi. Tá Elsa Annika handaði Bjørt Samuelsen undirskrift- irnar, vísti hon á, at tá frið- ingarmyndugleikarnir hava givið loyvi til hesar útbygg- ingar, kann tað bert merkja, at málini onga veruliga við- gerð hava fingið – men bert eru avgreidd. Svørt opin sár Hon vísti eisini á, at umhvørviskanningar eru gjørdar av djóra-og plantu- lívi, men ongar kanningar eru gjørdar av, hvørji árin hesar útbyggingar hava á tey menniskju, sum búgva á hesum leiðum. - Vit halda tað vera skeivt, at atlit ikki verða tikin fyri áum, sum renna omangjøgn- um bygd øki – og áum, sum geva landslagnum lit og spæl. Í dag liggja hesar sum ljót opin sár og misprýða. Elsa Annika vísti á, at tað er ikki long tíð, síðan Føroy- ar lógu á einum fyrstaplássi fyri minst spiltu náttúruøki innan oyggjabólkar í heim- inum. - Hetta átti at stuðlað undir ta gongd, at vit fara væl um okkara náttúru og vísa henni størsta ans, tá útbyggingar verða framdar. Hon endurtók, at tey, sum nú hava savnað inn undir- skriftir, als ikki eru ímóti grønari orku úr varandi orkukeldum. - Men neyðugt er at gera upp við hendan “alt ella einki” hugburðin, sum er galdandi, og neyðugt er at finna ein millumveg, tá slík- ar útbyggingar verða framd- ar, sum ganga útyvir okkara náttúru. At vísa hógv Tá Elsa Annika Olsen hand- aði Bjørt Samuelsen, lands- stýriskvinnu, undirskriftir- nar, nýtti hon samstundis høvi at heita á myndugleikar og elfelagið SEV um at vísa hógv – og vísa náttúruni ans. - Vit vóna, at tú sum lands- stýriskvinna fer at taka málið upp við SEV, segði stigtakarin til innsavnanina, Elsa Annika Olsen, at enda. Grøn orka - men ikki svørt sár Elsa Annika Olsen, stigtakari, handar Bjørt Samuelsen, landsstýriskvinnu í vinnumálum, tær 645 undirskriftirnar ímóti, at SEV turrleggur áir í sambandi við sínar vatnorkuútbyggingar Mynd: Vilmund Jacobsen Vikubløð stóran týdning Tað er sera ymiskt, hvat fólk halda um tey litføgru donsku vikubløðini, men nú sigur rithøvundurin Jacob Ludvigsen, at vikubløðini hava havt líka stóran týdning fyri danska kunnleikastøðið sum háskúlarnir. Jakob Ludvigsen sigur, at vikubløðini høvdu sína bestu tíð frá miðskeiðis í 1930-unum til 1970-árini. Eitt er, at bløðini vóru kunnandi, men tey eisini høvdu stóran týdning, tí tað vóru mong, sum lærdu at lesa við at kaga í tey. Samstarv við turkar Turkar hava ikki altíð verið høgt í metum í Íslandi, men tíðirnar broytast, og nú er turkiski ídnaðarráðharrin, Mehmet Hilmi Güler, í Íslandi og tosar við íslendska starvsbróður sín, Össur Skarphéðinsson, um samstarv landanna millum. Turkar hava serliga áhuga í at brúka jarðhita og vatnorku til elframleiðslu. Eitt nú er ætlanin at tvífalda vatnorkuna, og tvey íslendsk feløg hjálpa teimum við slíkum verkætlanum. Íslendingar og turkar tingast um orkusamstarv Mynd: Vísir - Eg fari at ráðføra meg við Fjarskiftiseft- irlitið, sum umsitir elveitingarlógina og kanna eftir um útbyggingarnar, sum nú eru farnar í gongd, eru í tráð við nýggju lógina á økinum, segði Bjørt Samuelsen, landsstýriskvinna MótMæli Vilmund Jacobsen vilmund@sosialurin.fo Tá Bjørt Samuelsen hevði tikið ímóti teimum 645 undirskriftunum, sum fólk við Norðskála hava savnað móti vatnorkuútbyggingun- um hjá SEV, segði hon, at hon als ongar trupulleikar hevur at fylgja teimum kensl- um, sum tey føla, ið hava tikið stig til og hava skrivað undir mótmælisskrivið. - Tá tú sært at ein á, har tú býrt, verður turrløgd, er tað sjálvsagt ógvuliga sárbart. Samstundis, sum hon ásannaði, at tað sjálvandi ger fólki ilt, tá farið verður eftir økjum, har tey búgva, kundi hon ikki geva nakað lyfti um, at vent verður aftur við teirri útbygging av vatnorkuni, sum SEV nú er í holt við. Avgerðin tikin - Eg noyðist at viðurkenna, at hetta er ein avgerð, sum er tikin fyri rættiliga langari tíð síðan, har ovasti myndug- leikin hevur givið loyvi, og har kommunali myndugleik- in eisini hevur verið við til at givið hetta loyvi. Tí er tað rættiliga trupult at koma aftur um aftur so langa tíð eftir, at øll hesi loyvi eru givin, segði hon. Hon ásannað soleiðis, at SEV hevur fingið øll neyð- ug loyvi, og avtalur eru gjørdar við arbeiðstakarar. - Vit fingu eina nýggja elveitingarlóg í fjør, og sam- bært hesi eru krøvini herd í sambandi við umhvørvisat- lit, sum skulu takast, tá útbyggingar verða framdar. Bjørt vísti á, at tá ið tosað verður um umhvørvi, er talan um djóra-og plantulív og umhvørvið annars. - Eg fari at ráðføra meg við Fjarskiftiseftirlitið, sum umsitir elveitingarlógina og kanna eftir um útbyggingar- nar, sum nú eru farnar í gongd, eru í tráð við nýggju lógina, segði Bjørt Samu- elsen, sum ikki kundi geva sundalagsfólki nakað lyfti í túninum í Tinganesi í gjár, tá hesi handaðu landsstýris- kvinnuni undirskriftirnar. Bjørt kundi eingi lyfti geva - Vit fingu eina nýggja elveitingarlóg í fjør, og sambært hesi eru krøvini herd í sambandi við umhvørvis- atlit, sum skulu takast, tá útbygg- ingar verða framdar, segði Bjørt Samuelsen, lands- stýriskvinna Mynd: Vilmund Jacobsen