fríggjadagur 9. mai 2008síða 7

7 tíðindi Nr. 88 - 9. mai 2008 Seks skip á gulllaksaveiði Eysturbúgvin og Vesturbúgvin fara eins og undanfarin ár eisini á gulllaksaveiði í ár. Bæði skipini hava verið á Tórshavnar Skipa­ smiðju, har tey hava fingið størri slengrikjølar, og eisini er maskin­ an á Eysturbúgvanum yvirhálað. Reiðaríini vóna, at Eysturbúgvin verður liðugur á Tórshavnar Skipasmiðju í komandi viku, so slepp­ ast kann avstað. Meðan maskinan á Eysturbúgvanum er yvirhálað, hevur Vesturbúgvin ligið. Eysturbúgvin plagar at leggja gulllaksin upp í Saltangará, og Vesturbúgvin fer helst at landa sína veiði í Vestmanna. Gulllaksur verður virkaður á Tavuni í Leirvík og á nýggja gulllaksavirkinum Atlantis í Vestmanna. Í svari sínum til Jacob Vestergaard sigur løgmaður, at hann ikki kann upplýsa um privat viðurskifti hjá Tórbjørn Jacobsen. Hetta hóast hann sjálvur hevur heitt á landsstýrisfólk um at gera júst tað POLITIKKUR Leo Poulsen leo@sosialurin.fo Svarið hjá løgmanni, Jóannes Eidesgaard, er soljóðandi: Fyrst av øllum havi eg hug at viðmerkja, at tað, sum løgmaður og landsstýr­ ismenn svara fyri í tinginum mótvegis tinglimum, sum spyrja, er vegna starv sítt sum løgmaður ella lands­ stýrismenn. Privat viðurskifti hjá løg­ manni og landsstýrismonn­ um er ongin upplýsingar­ skylda um. Her galda júst somu reglur, sum fyri privat­ fólk annars í samfelagnum, tað er, at upplýsingarnir kunnu bert fáast frá almenn­ um myndugleikum, hevst rættarkrav uppá tað eftir lógini um alment innlit. Fyrispurningurin snýr seg ikki bara um viðurskifti hjá Tórbjørn Jacobsen, lands­ stýrismanni, men mest um viðurskiftini hjá Tórbjørn Jacobsen, privatmanni. Í spurningunum um privat­ mannin Torbjørn Jacobsen havi eg, sum løgmaður, tí ikki aðrar kanalir at upplýsa málið enn spyrjarin sjálvur, nevniliga við at spyrja Tor­ bjørn Jacobsen og skatta­ valdið teir settu spurningar­ nar. Ikki fer at bera til hjá mær at gera løgfrøðiligu metingar av málinum. Tað mugu teir røttu almennu myndugleikarnir gera. Um Tórbjørn Jacobsen við støði í teim nevndu við­ urskiftum kann sita sum landsstýrismaður, er ein politisk heildarmeting og ikki ein rættarlig meting. Tað havi eg sum kunnugt mett um sbr. tíðindaskrivi mínum 27. mars 2008. Við støði í hesum við­ merkingum er svar mítt til einstøku spurningarnar: Til 1. Mín støða í málinum er grundað á eina gjøgnum­ gongd av tilgongiligum upp­ lýsingum í málinum. Út frá hesi gjøgnumgongd bendir tað ikki á, at Torbjørn Jacob­ sen hevur framt óregluligt virksemi. Tað er skatta­ myndugleikin TAKS, ið hevur eftirlit við, at áseting­ arnar í § 1, stk. 2 í Kapitalvin ningsskattalógini og § 37a, nr. 2 í Skattalógini verða hildnar, og hevur hesin mynd­ ugleiki atgongd til skrásettar upplýsingar bæði frá bankum og fyritøkum, ið eg ikki havi. Eg havi sjálvandi álit á, at TAKS eisini røkir skyldir sínar í hesum máli. Til 2. Sambært omanfyri nevndu gjøgnumgongd av málinum ber ikki til at siga, at Tórbjørn Jacobsen kendi til prospektið viðvíkjandi P/ F Atlantskolvetni, tá Kongs­ havnar Útgerðarfelag seldi partabrøv í Atlantic Petrole­ um. Prospektið varð, sum fyrr nevnt, undirritað hin 7. desember 2004 og ikki 7. oktober 2004, og partabrøvini vórðu seld hin 4. november 2004. Hetta verður váttað í frásøgn frá nevndarfundi í Atlantskolvetni hin 7. desem­ ber, tá eisini prospektið varð undirritað. Til 3. Eg havi sæð skjal­ prógv fyri, at Torbjørn Jac­ obsen hevur goldið fyri partabrøvini, ið hann keypti frá Kongshavnar Útgerðar­ felag hin 4. november 2004. Til 4. Tað snýr seg ikki um, at eg taki fyrisitingarliga avgerð í málinum, men eg meti um eitt mál politiskt. Tí galda vanligu ógegnis­ reglurnar ikki. Sjálvt um so var, at tær vóru galdandi, meti eg ikki, at talan er um nakað ógegnisføri, tí tey bæði arbeiðini – at undirrita eitt prospekt og at svara spurningum, ið eg setti um viðurskiftini hjá einum politikara, sum samstundis er partaeigari í Atlantskol­ vetni – ikki hava nakað við hvørt annað at gera.. Til 5. Sum í øllum øðrum løgfrøðiligum viðurskiftum, so ber ikki til at skera alt yvir ein kamb. Ítøkiliga føri má ítøkiliga haldast upp í móti fyrisitingarlógini § 3, og ikki ber til at siga, at ein landsstýrismaður er ógegnig­ ur í øllum málum sum heild, bara tí at hugsast kann, at ítøkiligt mál kemur at stinga seg upp, har hann er ógegnigur. Slíkir spurningar mugu tí aloftast loysast ítøkiliga frá máli til máls sbr. fyristingarlógini § 3. Hetta er so tann kalda løgfrøðin. Nakað annað er so tann politiski veruleikin. Tað er vorðið alt meira vanligt, at føroyingar, og tí eisini komandi landsstýris­ menn, ogna sær virðisbrøv í vinnuni. Tað er sjálvandi at fegnast um. Men hinvegin skert ikki burtur, at tað kann elva til misálit ella ótrygg­ leika millum borgarar, um ein landsstýrismaður hevur áhugamál í ávísari fyritøku, ið er fevnd av hansara máls­ øki, hóast landsstýrismaður­ in ikki er beinleiðis ógegn­ igur í fyrisitingarligum høpi. Tí síggi eg fyri mær, at løg­ maður í framtíðini fer at leggja upp fyri slíkum spurn­ ingum, tá hann býtir málsøki millum landsstýrismenn. Tá hetta landsstýrið varð skipað, kannaði eg ikki persónligu vinnuligu áhuga­ málini hjá landsstýris­ fólkunum, áðrenn eg gjørdi av at útnevna tey til lands­ stýrismenn. Men síðani havi eg heitt á tey um at boða mær frá vinnuligu áhugamálum teirra. Tá tað tilfarið er fingið til vega, eri eg betur fyri at meta, um tillagingar eiga at gerast í málsøkjabýtinum. Til 6. Nei, eg meti ikki, at ein landsstýrismaður er ógegn­ igur at viðgera mál, sum annar landsstýrismaður er ógegnigur í. Landsstýris­ menn hava professionel viðu­ rskifti við hvønn annan. Skal ógegni verða, mugu onkur serlig viðurskifti verða afturat sbr. § 3, stk. 1, nr. 5, sum førir við sær ógegni. Um hildið verður, at landsstýrismenn ikki kunnu viðgera mál, sum annar lands­ stýrismaður er ógegnigur í, komu vit í eina løgna støðu. Hvør skal tá taka støðu lands­ stýrisins vegna? Løgtingið, dómstólarnir ella ríkismynd­ ugleikarnir? Tað hevði neyv­ an verið sambæriligt við stýr­ isskipanina at lagt vald til onnur. Til 7. Ringt er at svara fyri, hvør rættarkenslan og álitið á politisku skipanina er hjá fólki. Eg kann bara svara fyri meg sjálvan, at eg meti ikki, at nakar trupulleiki er í hes­ um viðfangi út frá ítøkiligu umstøðunum, sum lýstar eru í áður umrødda tíðindaskrivi mínum frá 27. mars 2008. Annars kann eg upplýsa, at landsstýrismaðurin í fíggjar­ málum enn ikki hevur avgreitt fyrispurningin hjá Kongshavnar Útgerðarfelag um at flyta umrødda veðhald til annað skip. Í Tinganesi, 5. mai 2008 Jóannes Eidesgaard Upplýsir ikki privat viðurskifti Spurningarnir hjá Jacob Vestergaard 1. Metir løgmaður, at landsstýrismaðurin í fiski- og til- feingismálum, Tórbjørn Jacobsen, hevur hildið ásetingar- nar í § 1, stk. 2 í Kapitalvinningsskattalógini og § 37a, nr. 2 í Skattalógini, tá hann sum stjóri og partaeigari í fam- iljufyritøkuni P/F Kongshavnar Útgerðarfelag seldi parta- brøv í P/F Atlantskolvetni úr P/F Kongshavnar Útgerðar- felag til sín sjálvan. 2. Metir løgmaður, at tað er sannlíkt, at Tórbjørn Jacob- sen ikki kendi til prospektið viðvíkjandi P/F Atlantskol- vetni, sum var undirskrivað 7. oktober 2004, tá hann 4. november 2004 seldi sær sjálvum partabrøvini í P/F Atlantskolvetni fyri áljóðandi. 3. Hevur løgmaður kannað um partabrøvini í P/F Atlants- kolvetni eru goldin P/F Kongshavnar Útgerðarfelag við reiðum peningi ella á annan hátt, og um ikki, ætlar løg- maður so ikki at kanna, hvussu goldið var fyri partabrøvini. 4. Metir løgmaður, at Jógvan Amonsson er gegnigur at vera partur av kanningarbólkinum hjá løgmanni, tá sami Jógvan Amonsson hevði ein týðandi leiklut sum ríkisgóðkendur grannskoðari, tá prospektið viðvíkjandi P/F Atlantskolvetni var undirskrivað. 5. Metir løgmaður, at Tórbjørn Jacobsen er gegnigur at umsita fiski- og tilfeingismál, tá P/F Kongshavnar Útgerð- arfelag, sum Tórbjørn Jacobsen er partaeigari í, eigur týðandi ognir í P/F Dagsbrún, sum er ein av høvuðsakt- ørunum í tilfeingisvinnuni, umframt at hann privat eigur partabrøv í P/F Atlantskolvetni. 6. Metir løgmaður ongan gegnistrupulleika vera í, at lands- stýrið, sum Tórbjørn Jacobsen er partur av, viðger umsókn frá P/F Kongshavnar Útgerðarfelag um at sleppa undan at gjalda landskassaskuld á góðar 41 milliónir krónur. 7. Metir løgmaður, at tað er rætt, bæði fyri rættarkensl- una hjá føroyingum og álitið á politisku skipanina, at Tórbjørn Jacobsen, hvørs privata felag, P/F Kongshavnar Útgerðarfelag, sum hann hevur myndað, skyldar landskassanum fleiri enn 41 milliónir krónur, kann sita sum landsstýrismaður í landsins stjórn. Løgmaður vil ikki upplýsa um privat viðurskifti hjá landsstýrisfólkum Les meira á síðu 8 Útvarpið og Miðlahúsið í serflokki Sambært kanning, sum Gallup hevur gjørt fyri Útvarpið, eru Sosialurin og útvarpið hjá Kringvarpinum í serflokki, tá tað ræður um trúvirði. 34% halda, at tíðindini hjá útvarp­ inum eru tey mest álítandi. 21% halda at tíðindini hjá Sosialinum, Portalinum og Rás 2 eru tey mest álítandi, meðan 8% halda, at tíðindini í Degi og Viku eru mest áltítandi. 6% halda, at tíðindini í Dimmalætting eru mest álítandi, meðan 1% heldur, at tíðindini í Norðlýsinum eru mest álítandi.