fríggjadagur 9. mai 2008síða 10

10 tíðindi Nr. 88 - 9. mai 2008 Felix van den Gein hevur valt føroyskan politikk og ríkisrættarligu støðuna millum Føroyar og Danmark, sum evni til sína høvuðsuppgávu FERÐAMAÐUR Heri Simonsen heris@sosialurin.fo - Føroyar eru lítið kendar í Hollandi, men eg var á vitj- an her í 2006 og bleiv longu hugtikin av oyggjunum tá. Tað var undir einum túri í Skottlandi og Hetlandi, at áhugi mín fyri Føroyum varð vaktur. Tann 23 ára gamli lesandi úr Hollandi, Felix van den Gein, er sum flestu lands- menn hansara ógvuliga fryntligur at práta við. Felix lesur við Lærda Háskúlan í Utrecht í Hollandi. Sjálvur er hann úr býnum, Waal- wijk. Høvuðsfakið hjá Fe- lixi er Social Antropologi. Útbúgvingin er skipað á tann hátt, at fyrst tekur hann trý ár bachelor og síðani tvey ár master. Við útbúgv- ingarenda gera tey lesandi eina høvuðsuppgávu. Tey fáa fýra mánaðir til at gera høvuðsuppgávuna. Føroyskan politikk - Tey flestu velja ta løttu loysnina og skriva eina høv- uðsuppgávu úr Hollandi. Men eg fyri mín part vildi gera okkurt nýtt og slóð- brótandi. Føroyar hava havt mín stóra áhuga, síðani eg var her á fyrsta sinni í 2006, og tí havi eg valt at gera eina høvuðsuppgávu um føroyskan politikk, og ta ríkisrættarligu støðuna mill- um Føroyar og Danmark. Holland er eisini eitt kongaríki, og eins og Dan- mark, so hevur Holland eis- ini atlond, sum hoyra til hol- lendska kongaríkið, hvørs borgarar hava hollendskan ríkisborgararætt, eins og føroyingar og grønlendingar hava danskan ríkisborgara- rætt. Hesi atlond fáa eisini eina ríkisveiting úr Hol- landi, eins og Føroyar og Grønland fáa eina ríkisveit- ing úr Danmark. Aruba og Niðurlendsku Antilurnar liggja í karabiska havinum og hava eisini eitt stýrislag, sum minnir nógv um heima- stýrislógina. Hitt allar partar Felix hevur uppsøkt fólk úr øllum flokkum úr øllum Føroyum, og í ymiskum aldri. Hann hevur havt sam- røður við yvir 30 fólk. Hes- ar samrøður koma at spæla ein avgerandi leiklut í høv- uðsuppgávuni, sum Felix skal verja yvir nøkrum opponentum á Lærda Há- skúlanum í Utrecht. Hetta fer so at henda seinni í ár. Felix hevur møtt fólkum í Føroyum, sum eru ógvuliga ójavn á máli um tann ríkis- rættarliga spurningin. Hann hevur bitið merki í, at t.d. í Javnaðarflokkinum og í Fólkaflokkinum er rættiliga vítt spenni millum sjónar- miðini innanfloks, tá tað kemur til tann ríkisrættarliga spurningin. Men Felix hev- ur eisini lagt dent á at gera samrøður við vanlig fólk, tað eru ikki bara politikk- arnir, sum koma til orðanna í høvuðsuppgávuni. Er eisini myndamaður Høvuðsuppgávan er sjálv- andi aðalorsøkin til, at Felix er komin til Føroya, men hann er eisini ein ógvuliga dugnaligur og íðin mynda- maður. Hann hevur tikið túsundtals myndir úr Føroy- um, og fleiri av teimum bestu hann hevur tikið, eru at finna á heimasíðuni w w w. f l i c k r / p h o t o s / felixgein. Har sæst, at Felix hevur bitið merki í lutir, sum vit, sum hava heima í Føroyum so mangan yvir- síggja. Ein og hvør, sum er áhugaður í myndum, eigur at fara inn á heimasíðuna. - Tað er spennandi at verða myndamaður í Føroy- um. Her eru so nógv góð motiv, og so er tað hetta spennandi og umskiftiliga ljósið tit hava her. Felix letur ongan iva verða um, at áhugin fyri at taka myndir, eisini var eitt gott alibi at koma til Føroy- ar. Møguleikar Felix sær góðar møguleikar í at fáa hollendingar til Før- oyar at ferðast. Hollendingar ferðast nógv í t.d. Skottlandi og Írlandi, tí teimum dámar so væl fríu og vøkru náttúr- una. Hann heldur, at vakra landslagið, villa náttúran og tann ótrúliga fríska luft- in, er nakað sum hevði hóv- að nógvum hollendingum. Men høvuðstrupuleikin er sjálvandi, at alt ov fá kenna nakað til Føroyar í Hollandi. Sjálvt lærarnir við Lærda Háskúlan í Utrecht stóðu spyrjandi, tá Felix segði, at hann fór at skriva høvuðs- uppgávu um Føroyar. Felix heldur tað kundi verið eitt gott uppskot, at umboð fyri føroysku ferðavinnuna møttu upp til onkra ferða- vinnumessu í Hollandi fyri at marknaðarføra Føroyar. Unnustan hjá Felixi tekur eina útbúgving innan ferða- vinnuna, og er Felix spentur uppá hvat unnustan fer at siga um Føroyar, sum ferða- mannaland. Fótbólturin Hóast tað ikki gongur ov væl hjá føroyska fótbólts- landsliðnum, so undirstrikar Felix, sum so mangur annar fremmandamaður, at tey flestu, sum hava hoyrt um, ella kenna til Føroyar, eru fólk, sum eru áhugað í fót- bólti. Sjálvur er Felix ein íðin RKC Waalwijk-við- haldsmaður, og hevur hann havt sesongkort í fleiri kapp- ingarár, og er hann enntá farin til fleiri útidystir. RKC hevur spælt í næstbestu fót- bóltsdeildini í ár, men nú í næstum skulu teir leika tveir upp- og niðurflytingar- dystir ímóti ADO den Haaq, um rættin at sleppa at spæla í Heiðursdeildini, sum hollendingar nevna fremstu fótbóltsdeildina. Felix veit eisini, sum aðrir fótbólts- áhugaðir hollendingar eg havi møtt, at føroyski lands- liðsleikarin, Súni Olsen hev- ur spælt við FC Zwolle í Hollandi. Felix hevur ikki verið til nakran landsdyst hjá hollendska landsliðnum enn, men koma Føroyar og Holland í bólk saman, er hann púra ivaleysur í, at hann fer til dystin. Hollendingur skrivar høvuðs­ uppgávu um Føroyar Felix van den Gein lesur antropologi í Hollandi og hevur valt sær føroyskan politikk og ríkisrættarligu støðuna sum høvuðsuppgávu Mynd: Jens Kristian Vang Munch setti met Verk hjá norska listamálaranum Edvard Munch gerast altsamt betur og betur umtókt, og tað kom eisini til sjóndar á einum uppboði hjá teirri kendu uppboðssøluni Sotheby’s í New York mikudagin. Verk hjá Edvard Munch eru ikki vanlig á almennum uppboðum, men hesaferð var málningurin ”Genturnar á brúnni” á sølulistanum. Hann fór fyri milliónir krónur, og tað er næstan tríggjar ferðir tað, sum málningurin varð seldur fyri seinast. Málningurin ”Genturnar á brúnni”, sum Edvard Munch málaði (Mynd: Vísir) Keyptu smugl frá russum Løgreglan í íslendsku bygdini Húsavík legði í gjárkvøldið hald á brennivín og sigarettir, sum fólk høvdu keypt umborð á einum russiskum trolara, sum liggur við bryggjuna har. Talan var um tíggju litrar av vodka og átta kartengur av sigarettum. Tað tók løgreglan, og keypararnir fáa bót. Fyri tveimum árum síðani var hesin sami trolarin í Íslandi, og tá legði løgreglan hald á løgreglan 40 litrar av brennivíni og 1.400 kartengur av sigarettum.