týsdagur 13. mai 2008síða 21

Summarið nærkast í hvørjum, og Sosialurin skipar fyri eini rimmar summarkapping, har tað ber til at vinna spennandi vinningar, sum tilsamans hava virði uppá eina fjóðrings millión Sosialurin fer nú aftur undir eina spennandi summarkapping, sum verður skipað sum eitt puslispæl, har møguleiki verður fyri at vinna ferðir og annað fyri meir enn ein 1/4 millión krónur. Summarspælið verður skipað sum ein kapping, sum varðar frá 19. mai og 5 vikur framm. Í Sosialinum í dag liggur eitt puslispæl, sum manglar puntar. Puntarnir verða at finna í Sosialinum frá mánadegnum 19. mai til og við fríggjadagin 20. juni. Tey, sum ætla sær at taka lut í kappingini, skulu savna allar puntarnar, líma teir á puslispælið og senda tað til Sosialinum. Drigið verður millum tey, sum senda puslispøl til Sosialin. Fokus á summarið Sosialurin fer ikki bara at bjóða eina spennandi kapping, har fólk kunnu vinna ferðir her heima og út í heim. Blaðið fer eisini at seta fokus á summarið við greinum og myndum. Føroyingar gera alt meira burtur úr ferðavinnuni, og Sosialurin fer at kasta ljós á nakað av tí, sum stendur summargestunum í Føroyum í boði. Eisini tríva vit í okkurt av tí, sum føroyingar kunnu ferðast til úti í heimi. Nógvir góðir vinningar Eingin kapping uttan góðar vinningar, og her spílar Sosialurin seg út við nógvum spennandi vinningum. Tú kanst sleppa á flog við Atlantsflog og seta kós ímóti Stockholm, sum er eitt nýtt ferðamál hjá flogfelagnum. Tú kanst eisini sleppa til Lalandia í Danmark, sum er eitt framúr feriustað fyri familjuna. Og her heima kanst tú fara á sjóferð við Norðlýsinum, sum ger spennandi og hugtakandi ferðir kring oyggjarnar. Hetta og nógv meira kann vinnast í rúkandi heitu summarkappingini hjá Sosialinum. Og so kunnu vit bara ynskja øllum eitt gott summar – og góða eydnu í kappingini. Sosialurin í summarhýri Hesin kalendarin er í mið­deplinum í stóru summar­ kappingini hjá Sosialinum Starvsfólkini á marknað­ardeildini hjá Sosialinum/Rás2,hava samskipað­ summarkappingina 2008. Aftast á myndini: Gudny Langaard og Joan Abraham. Fremst: Tróndur Skaalum, Henrietta Hammer og Birgir Waag Høgnesen Mynd: Jens Kristian Vang