fríggjadagur 16. mai 2008síða 8

8 tíðindi Nr. 92 - 16. mai 2008 Samstarv um trolarar í Sørvági Poul Hansen og Tummas Henriksen í Sørvági hava nú gjørt eina samstarvsavtalu við felagið, sum eigur partrolararnar Grím Kamban og Kallsevni, um at standa sum eigari fyri trolarunum og dríva teir. - Tummas Henriksen kemur sum eigari inn í felagið, sigur Poul Hansen við Vágaportalin. Grímur Kamban og Kallsevni hava ligið í einar tveir mánaðir nú av ymiskum orsøkum, men sum skilst á Poul Hansen so er ikki meiningin at nakað skal henda við Brestir, sum Aksel Hansen eisini eigur. Hann fara teir at dríva framhaldandi, sigur Poul Hansen.Spurdur hvussu gingist hevur hjá Grími Kamban og Kallsenni, sigur Poul Hansen, at tað hevur ikki verið av tí besta og tað er eisini orsøkin til, at teir sleppa sær av við teir nú. Ísland er í Amerika Ein kanning hjá einari bretskari hotellketu vísir, at bretar eru ikki serliga vitandi, tá tað snýr seg um evropeiska landalæru. Millum annað dugdu bara 8 prosent av teimum spurdu at peika á Italia á einum Evropakorti, og bara 11 prosent vistu, hvar Frakland var. Eitt annað var, at 11 prosent vildu vera við, at Ísland er ikki í Evropa, men partur av Norðuramerika. 62 prosent søgdu, at tey hyggja bara í Evropakortið, tá tey skulu at ferðast. Gullfoss, her á vetri, er sambært nógvum bretum í Amerika (Mynd: Mogrunblaðið) Sum fyrsta føroyska fyritøkan er Føroya Banki vorðin rataður av altjóða ratingfyritøkuni Moody’s. Og Janus Petersen, forstjóri, er væl nøgdur við ratingina A3, sum er eitt sjeynda pláss út av 28 RATING Leo Poulsen leo@sosialurin.fo Tá Føroyar 4. mars í ár blivu rataðar av altjóða rat- ingfyritøkuni Moody’s, lat tað samstundis eisini dyrnar upp fyri, at føroyskar fyri- tøkur kundu ratast. Og hendan møguleika hevur Føroya Banki sum fyrsta føroyska fyritøka tikið av. Teir hava heitt á Moody’s um at rata bankan, og í dag varð ratingin so almannnkunngjørd. Vit eru væl nøgdir við rat- ingina A3, sum er ein rat- ing, ið aðrir góðir, smáðir bankar fáa, sigur Janus Petersen, forstjóri í Føroya Banka. Sambært Moody’s er styrkin hjá bankanum at parturin á heimamarknað- inum er stórur, umleið 40% av inn- og útlánunum, og sum ein lokalur banki hevur hann fyrimun av tøttum samstarvi við kundarnar. Eisini virkar bankin sum »clearing« banki fyri hinar bankarnar í Føroyum. Somuleiðis nevnir Moody’s, at Føroya Banki nýliga hevur sett á stovn dóttirbanka í Keypmanna- havn, men vísir samstundis á, at kappingin á danska fíggjarmarknaðinum er hørð. Moody’s metir leiðslu- háttin í bankanum at vera nøktandi, men kortini ikki á sama støði sum aðrir rataðir bankar í Norðanlondum. Men tað er púra náttúrligt. Vit verða mettir við størstu bankarnar í Danmark til dømis, og tað er greitt, at teir hava betri kredittstýr- ingsskipanir enn vit. Tað hevur tó eisini nakað við lóggevingina at gera, tí har halta vit nakað aftaná, sigur Janus Petersen. Samanbering Aðrar av avbjóðingunum hjá bankanum eru, at bankin einsamallur fíggjar nógvar fyritøkur, og harvið hevur alla váðan. Eisini verður nevnt fíggingin av fiskivinn- uni, ið sum kunnugt kann vera ógvuliga viðbrekin. Men størstu avbjóðingar- nar hjá bankanum frameftir verður at hava stýr á út- reiðslunum, og at betra um kredittstýringina. Hetta verður bøtt nakað um komandi ár, tá vit seta eina nýggja váðastýrings- skipan í verk, eina sonevnda Basel II skipan. Men vit fara at halda fram við sama handilspolitikki við at fíggja fiskivinnuna. Tað er jú ein partur av okkara inn- tøkugrundarlag, sigur Janus Petersen. Hann vísir á, at vakstrar- strategiin hjá bankanum krevur, at teir fara út á altjóða fíggjarmarknaðin at lána pengar, og við tí órógvi, sum hevur verið á fíggjarmarknaðunum førir við sær, at Føroya Banki sær tað sum ein fyrimun at vera altjóða rataður og at tað fer at gera tað lættari hjá bankanum at lána pening. Tað ber sjálvandi til at lána pening uttan at vera rataður. Vit lántu tvær milliardir í fjør uttan at vera rataðir, men eg rokni við, at tað verður lættari við einari rating í rygginum, sigur Janus Petersen. Føroya Banki góða rating frá Moody’s Janus Petersen er væl nøgdur við eina A3 rating Mynd: Janus Petersen Danmark lyftir Føroya Banka tvey pláss upp Í samandráttinum av frágreiðingini, sum liggur á heimasíðuni hjá Moody’s, sigur ratingfyritøkan, at teir rokna við, at føroyska og danska stjórnin fara at bjarga bankanum, skuli tað gingið galið »Havandi í huga sterku lokalu støðuna og týdningin fyri búskapin, metir Moody’s, at føroyska heimastýri og danska stjórnin fara at hjálpa bankanum, skuldi hann komið illa fyri«, sigur Moody’s. Og framhaldandi verður sagt: »Rating fyritøkan leggur sær í geyma, at dømi eru um slíka uppíblandan av føroyska heimastýrinum og donsku stjórnini undir fíggjarkreppuni fyrst í 90-unum. ...Hetta tikið við í myndina hevur Moody’s valt at lyft ratingina tvey stig upp frá Baa2 til A3«. Tað er altso føroyska heimastýrið og danska stjórnin, sum lyfta Føroya Banka upp á A3 stigið á ratinglista- num