mánadagur 19. mai 2008síða 28

28 [ Nr. 93 - 19. mai 2008 ] Bárður tók ábyrgd Egil á Bø misnýtti fyrra brotsparkið við Margáir í gjár. Tá hetta skuldi skjótast av nýggjum vildi liðskiparin ikki royna seg. - Nei, hann vildi, at onkur annar tók sær av tí. Vit tosaðu um tað innanhýsis, og tað end- aði við, at eg bjóðaði meg fram. Og tú var sannførdur um, at tú fór at senda hann í netið? - Ja, har var einki at ivast í, sigur Bárður Olsen, sum skeyt sig- ursmálið hjá EB/ Streymi í gjár. Dómarin greiðir frá Fleiri høvdu hug at finnast av avgerðunum hjá Dagfinni Olsen, dómara, við Margáir í gjár. - Tað er mín ábyrgd at steðga spælinum, um ein leikari gerst álvar- sama skaddur. Tað vísir seg ofta, at leikarar skulu bara hava eitt sproyt av vatni á beinið, so eru teir frískir aftur. Eg metti ikki, at tað var neyðugt at steðga spæl- inum í sambandi við brotsparkið, sigur Daginn Olsen. Tú vísti Sasa Jovan­ ovic av vøllinum stutt eftir leiðslumálið hjá EB/Streymi. Tú valdi síðan at taka hetta aftur – hvat hendi? - Ja, eg hevði skrivað skeivt í dómarabókina – tað var trupulleikin. Ungararnir hjá ÍF líkjast ógvuliga nógv, og eg kendi ikki mun á teimum. Eg helt, at hesin fekk sítt seinna gula kort, men tað hevði hann so ikki. Longri er søgan ikki, sigur hann. Olsen staðfestir eis- ini, at tað er loyvt at skifta skjútta, tá eitt brotspark skal skjótast av nýggjum. Einki EM til Raul Álopsspælarin Raul er ein legenda í sponskum fótbólti, men hann er ikki tikin út til spanska EM hópin, sum verður við í EM endaspælinum í summar. Raul hevur annars havt eitt frálíkt kappingarár í Real Madrid, har hann við sínum 18 málum hevur átt sín stóra lut í meistaraheitinum. Hóast hann hevur havt sínar upp- og niðurtúrar innan fótbóltin, so er hann við 44 málum í 102 landsdystum eisini mest skorandi spanski landsliðsspælarin í søguni. Anderlecht steypavinnari Belgiska steypafinalan í ár stóð ímillum Anderlecht og Gent, og tað gjørdist ein spennandi og málríkur dystur. Longu eftir seks minuttir skoraði Gent, og teir vóru eisini á odda 2-1, tá ið tað restaðu 20 minuttir. Men so kom Anderlecht fyri seg, og eftir trimum minuttum hevði Olufade skorað tvey mál. Dysturin endaði við 3-2 sigri til Anderlecht. Hóast fuglfirðingar vóru á odda við tveim­ um í steðginum, so fekk EB/Streymur øll stigini við Margáir í gjár. Bárður Olsen skoraði sigursmálið við brotsparkið, sum gestirnir mettu ongan­ tíð skuldi verið dømt Fótbóltur Uni Holm Johannesen uni@sosialurin.fo - Hvat fanin er hetta fyri nakað?! Fuglfirðingarnir – bæði á og uttan fyri vøllin – standa spyrjandi. Summir standa og geyla orð, sum eru betri óskrivaði, eftir dómaranum, meðan aðrir eru fámæltir. Egil á Bø hevur júst jarðlagt Nenad Saric, men maðurin við floytuni, Dagfinn Olsen, lat ikki við seg koma. Serbin liggur og gremur seg á vøllinum, meðan EB/Streymur fer í mótálop. Arnbjørn Hansen er einsamallur við Andras Gango, tá málverjin fellur hann í feltinum. Brotspark til sundalagsmenn. Egil á Bø gongur fram móti bóltinum. Hann ger skjótt av, sendir til vinstru hjá málverjanum, men Gango er vakin og verjir fyri skotinum. Skjótt verða allir armarnir úr Fuglafirði lyftir í loft. Rættvísið vann, sambært teimum. Men í fagnaðinum floytar dómar- in, sum dømdi væl, fyri nýggjum brotsparki. Linju- verjin hevur gjørt vart við, at Andras Gango fór av málstrikuni áðrenn tað var skotið, og tí skal brotsparkið takast av nýggjum. Nú liggur trýstið á herðunum á Bárði Olsen, sum svikaligt trygt sendir EB/Streym á sigurskós. - Hvat hava dómararnir ímóti ÍF?, spurdi ein. Dramatikkur Kanska hin mest dramatiski og hendingaríkasti dysturin í ársins útgávu av Form- uladeildini var við Margáir í gjár. EB/Streymur var aftan fyri við tveimum í hálvleikinum, men tað eydnaðist sundalagsmonn- um at fáa øll stigini, tá ÍF vitjaði í Streymnesi. Leikararnir hjá Sigfríði Clementsen vístu í fyrra umfarinum eitt hitt lakasta avrikið í langa tíð. Hinvegin var spælið eftir hvíldina sera sannførandi, og dysturin fekk eina brádliga vend. Miðvøllurin burtur Tað merktist sera væl á miðvøllinum hjá EB/ Streymi, at Mikkjal Thomassen ikki var við. Landsliðsleikarin dugir væl at skumpa undir viðleik- ararnar, og tað manglaði av álvara undan steðginum. Levi Hanssen og Høgni Zachariasen fingu ongantíð tamarhald á miðvøllinum. Balasz Sinkó hevði eitt nú eisini ríkiligt av tíð og plássi uttan fyri brotsteigin, tá hann fann Sasa Jovanovic í høgra borði, tá tíggju minuttir restaðu. Hesin sendi inn til Frank Poulsen, sum stríddi seg fram um Egil á Bø, áðrenn hann prikaði bóltin framvið René Torgarð. Tað var eisini uppiborið, at ÍF legði seg á odda. Teir vóru als ikki komnir í Streymnes at verja. Í framrættaða spæli- num herjaðu gestirnir á, og serliga var Balasz Sinkó væl upplagdur. Tað staðfesti hann aftur fimm minuttir áðrenn hvíldina, tá hann – eftir skjótálop - legði bóltin fyri føturnir á Jovanvic, sum økti um leiðsluna. Fuglfirðingar vóru uppi- borið á odda við tveimum í hálvleikinum, og frøin var stór á áskoðarnum í steðg- inum. Andlitini á venjarun- um báðum – Sigfríði Clementsen og David Jones – søgdu eisini alt, tá hesir vóru á veg móti leikara- tunlinum: Ein hugdi ikki upp, meðan hin smíltist. Fimm minuttir nógmikið Venjarin hjá EB/Streymi hevur týðiliga verið mis- nøgdur í hálvleikinum. Tað máttu Hanus Eliasen og Marcell Balog sanna, og báðir vóru útskiftir. Broyt- ingarnar vóru eisini nógvar í uppstillingini. Clementsen skifti til eina framrættaða 4-3-3, har Hans Pauli Sam- uelsen var fluttur í høgra borð, meðan Levi Hanssen var vongverji í somu síðu. Bárður Olsen, Brian Olsen og Høgni Zachariasen vóru á miðvøllinum, og tað gav úrslit. Hans Pauli Samuelsen minkaði um munin eftir bara trimum minuttum, tá hann var einsamallur við málverjan. Lítla løtu seinni javnaði Arnbjørn Hansen, tá hann var fyrstur á bólt- inum, sum Marni Djurhuus hevði sent inn í feltið. Ágrýtni eyðkendi sunda- lagsmenninar eftir hvíldina, og tað var høvuðsorsøkin til, at dysturin fekk eina brádliga vend Teir dugdu munandi betri at gera sær dælt av veikleikunum hjá ÍF í seinna umfarinum. Í luftstríðnum var saknur í Bartali Eliasen, og tað vóru fleiri langir bóltar eftir hvíldina, sum EB/Streymur fer nógv burturúr. Frá einum mánaði er ÍF farið frá at stríðast til at spæla fótbólt. Fleiri vælleikt álop vóru frá gestunum í gjár. ÍF EB/S EB/Streymur-ÍF 3-2 (0-2): ÍF misti alt á gólvið Fuglfirðingar høvdu stóra fongin í pottinum, men eftir steðgin slapp fekk EB/Streymur høvdið fyri seg, og so tóku teir øll stigini kortini Mynd: Sofus D. Johannesen