týsdagur 20. mai 2008síða 8

8 tíðindi Nr. 94 - 20. mai 2008 Stutt Sagt Mugabe fekk vápnini Tað eydnaðist kortini zimbabwisku myndug­ leikunum at fáa fatur á teimum vápnunum, sum teir høvdu bílagt úr Kina, men sum suðurafrikonsku myndugleikarnir sýttu fyri at flyta um markið. Vápnini komu við einum kinesiskum farmaskipi til havnarbýin Durban í Suð­ urafrika, men myndug­ leikarnir sýttu skipinum at leggja farmin upp. Skipið fór síðani til Kongo, og har bleiv farm­ urin lossaður og síðani fluttur við flogførum til Zimbabwe. Sambært Reut­ ers var talan um 77 tons av lóðuri, granatum og rakettum. Fleiri lond hava funnist at zimbabwiska stýrinum, tí tað keypir vápn, samstundis sum er trot er á mati, vatni, brenni­ evni og øðrum neyð­ synjarvørum í landinum. Banna tyssibumbum Umboð fyri meiri enn hundrað lond fundast í hesum døgum í írska høvuðsstaðnum Dublin, har tey umrøða eitt uppskot um at banna teimum sokallaðu tyssi­ bumbunum. Benedikt pávi hevur heitt á londini um at finna eina semju, men eygleiðarar vísa á, at USA, Kina, Russland og Ísrael, sum keypa tær flestu tyssibumburnar, eru ikki við í Dublin. Aðalstjórin í altjóða Reyða Krossi, Jakob Kellenberger, sigur við BBC, at tyssibumbur eru eitt sera andstyggiligt vápn. Í teimum eru fleiri smáar spreingiløðingar, sum verða spjaddar um eitt stórt økið, og sum bresta, tá onkur kemur at teimum. Tað ger, at løð­ ingarnar kunnu liggja leingi og ofta langt eftir, at eitt kríggj er liðugt. SAMBAND árNi joeNSeN fArtekSt@MAil.Dk - Fritzl-málið er ein vanlukka fyri Eysturríki. Eg vóni, at EM í fótbólti kann bjarga umdømi okkara Alfred Gusenbauer, kanslari útlond Vinnur Barrack Obama valið í Oregon í nátt, kann hann tryggja sær uppstillingina hjá demokratunum Teir flestu eygleiðararnir halda, at Barrack Obama er sannførdur um, at hann fer at tryggja sær teir seinastu neyðugu valmenninar á uppstillingarvalunum í statunum Oregon og Ken­ tucky í nátt, men at hann torir ikki at siga tað alment. Sum er tørvar Barrack Obama bara 17 valmenn afturat fyri at tryggja sær tann neyðuga meirilutan av valmonnunum. Meininga­ kanningarnar undan valun­ um í nátt vísa, at Obama fer at vinna í Oregon, meðan Hillary Clinton fer at vinna í Kentucky. ­ 20. mai kunngera vit, hvør hevur vunnið upp­ stillingina, segði ein tals­ maður hjá Barrack Obama herfyri, men tað er ikki vist, at Obama fer at lýsa seg sum vinnara, hóast hann fær nóg mikið av valmonn­ um í nátt. Eygleiðarar siga, at ger hann tað, kann tað fáa veljarar hjá Hillary Clinton at venda honum bakið. Nógvir Clinton­ veljarar hava sagt, at teir fara heldur at sita við hús valdagin ella at atkvøða fyri John McCain heldur enn at atkvøða fyri Obama. ­ Hjá Barrack Obama ræður um at stíga varisliga nú, tí nú ræður um at savna demokratiska flokkin til dystin við republikanarar­ nar í heyst, sigur Brian Vargus, professari á Indiana University við NTB. Avgerðin kann fella í dag Vinnur Barrack Obama annað valið í nátt, hevur hann vunnið meirilutan av valmonnunum Mynd: Polfoto Fremmandahatur í Suðurafrika hevur elvt til viðurskifti, sum minna um apartheid-dagarnar Ein byglja av harðskapi herjar fleiri suðurafrikan­ skar býir í hesum døgum, har eirindaleys harkalið jag­ stra fólk, sum eru komin úr øðrum londum. Tey fremm­ andu, sum serliga eru úr Zimbabwe, Malawi og Mo­ sambik, fáa skyldina av tí stóra arbeiðsloysinum, sum Suðurafrika stríðist við. Tey fremmandu verða álopin og bukað, og altjóða tíðindastovurnar vita eisini at siga frá tilburðum, har álopsmenninir hava sett eld á fremmandafólk mitt á gøtuni. Myndugleikarnir siga, at 22 fólk hava latið lív í áganginum, og felags­ skapurin Læknar uttan Landamark metir, at umleið 6.000 fólk eru flýdd undan harðskapinum. Tað er serliga í Johannes­ burg, at tey fremmandu eru fyri ágangi. Løgreglan har sigur við BBC, at umleið 200 fólk eru tikin og skuldsett fyri harðskap. Løgreglan hevur fleiri ferðir skotið við gummi­ kúlum eftir álopsmonnum. Sum apartheid Nógvir suðurafrikanar siga, at tilburðirnir minna ikki sørt um tað, sum hendi undir tí harðrenda og rasist­ iska apartheid­stýrinum, sum endaði fyri 14 árum síðani. Ágangurin ímóti teimum fremmandu kemur eisini stjórnarflokkinum ANC sera illa við, tí fleiri av leiðarunum í flokkinum flýddu til júst Zimbabwe, Malawi og Mosambik undan apratheid­stýrinum. Formaðurin í ANC, Jacob Zuma, hevur roynt at sissa fólk. Hann sigur við BBC, at Suðurafrika skal ikki vera kent fyri fremmandahatur. Suðurafrika sum í apartheid-tíðini Álopsmenn settu eld á hendan mannin á gøtuni í Johannesburg, men tað eydnaðist løgregluni at sløkkja eldin Mynd: Polfoto Jakob Kellenberger er aðalstjóri í altjóða Reyða Krossi Mynd: Polfoto