mánadagur 26. mai 2008síða 22

22 [ Nr. 98 - 26. mai 2008 ] Fult í fyrstu royndunum Undan kappingarbyrjan søgdu toftamenn seg vera misnøgdar við kappingarskránna, sum segði, at teir skuldu spæla tvær ferðir á úti­ vølli ímóti ÍF, Skála og B71. Hetta vóru liðini, sum tað varð roknað við, at B68 skuldi kapp­ ast við fyri at sleppa undan niðurflytingar­ plássunum. Nú hevur B68 spælt eina ferð á útivølli ímóti øllum hesum trim­ um. Á Skála vann B68 1­0, á Sandi vann B68 1­0, og nú vann B68 3­ 1 í Fuglafirði. Í sjey teimum fyrstu umførunum skoraði B68 fimm mál. Tey trý málini í Fuglafirði í gjár bera við sær, at tað løgd­ ust 60 prosent afturat málrúgvuni ella túgvuni hjá toftamonnum. Símun aftur í ÍF verjuni Fuglfirðingar vóru sjálv­ andi ikki nøgdir við teirra avrik hesa ferð. Fyritreytirnar vóru held­ ur einki serligar. Bartal Eliasen var leikbannað­ ur, og hin miðverjin, Knút Vesturtún, var skaddur. Jonn Thomsen og Fritleif í Lambanum vóru miðverjar. Eftir eitt korter noydd­ ist Debes Danielsen at fara skaddur av vøllin­ um. Tá varð veteranurin Símun Eliasen skiftur inn, og liðið var umskip­ að: Dánial Pauli Høj­ gaard varð fluttur av vinstra vongverja og fram í høgra borð, Frit­ leif í Lambanum varð fluttur úr miðverjuni og út á vinstra vongverja, og Símun Eliasen fór í miðverjuna at spæla sam­ an við Jonn Thomsen. Tá ið ÍF mikukvøldið fer at vitja HB í Gunda­ dali, verður Bartal Elia­ sen leysur av leikbann­ inum, sum tvær tær seinastu ferðirnar hevur hildið hann uttanfyri. Eitt fullfíggjað róðrarfelag Í gjár var sermerktur dagur hjá kappróðrarfelagnum Knørri í Havn. Tey sjósettu eitt nýtt fimmmannafar og eitt nýtt 10 mannafar, so nú hava tey eitt fullfíggjað kappróðrarfelag. Fimm­mannafarði eitur Tambar, meðan Ormurin Lagni er navnið á nýggja tíggjumannafarinum. Magnus Gaard í Knørri sigur, at hetta er ein sermerktur dagur hjá felagnum, tí nú kann felagið lata seg umboða í øllum bátastøddum í kappróðrinum. ­ Nú kunnu vit lutaka í øllum bátastøddum sum eitt fullfíggja kappróðrarfelag. Tosa mikukvøldið Síðani FSF gjørdi av, at Bartal Eliasen skuldi fáa leikbann í tveir dagar, hava spælarar, venjarar og leiðsla hjá ÍF ikki vilja gjørt viðmerkingar av nøkrum slag í fjølmiðlunum. Hetta tí tey søgdu seg óttast enn fleiri leikbann frá FSF. Mikukvøldið er Formula­bóltur aftur á skránni, og tá hevur Bartal Eliasen aftur loyvi at spæla. Og sambært formanninum í felagnum, Dan Petersen, verður sjálválagda talubannið hjá ÍF tá avtikið. Senegalesisku spælar­ arnir vístu vegin, tá ið óvuliga væl upplagdir toftamenn vóru sann­ førandi ímóti ÍF, sum ikki livdi upp til avrikini fyrr í ár Fótbóltur Jóannes Hansen joannes@sosialurin.fo Tað hevur verið í Fuglafirði, at bestu leikligu avrikini hava verið higartil í ár. ÍF hevur fleiri ferðir víst fínt spæl, uttan at tað hevur giv­ ið uppibornu úrtøkuna. Og í góðveðrinum sunnu­ dagin vóru tað toftamenn, sum vístu hugflogsríkt og sannførandi fótbóltsavrik í Fuglafirði. Serliga sannfør­ andi var avrikið fyrra partin av 1. hálvleiki, tá ið B68 legði seg framum við tveimum málum. ­ Hetta var avgjørt besta løtan hjá okkum higartil í ár, og tað man vera langt ímillum, at fótbóltur á hes­ um støðinum er at síggja her á okkara leiðum, helt væl nøgdi B68 venjarin, Bill Jacobsen, eftir lokið stríð. Tað var hesa løtuna, at tað so rudduliga var stað­ fest, hvussu góðir senegales­ isku spælararnir hjá B68 eru. Tað plagdi at verða sagt um suðurafrikanska Zuma, tá ið hann var lið­ felagi hjá Toda Jónsson í FCK, at hann spældi betri og betri, sum dagarnir longdust og hitastigini hækkaðu, og at tað sást á av­ rikunum, tá ið heystið kom, dagarnir fóru at styttast, og kuldin kom í luftina. Um hetta er soleiðis hjá senegalesisku B68 spælarun­ um fer tíðin at vísa. Men í góðveðrinum í Fuglafirði dusaðu teir sær. Teir hava góðan bóltførleika, og teir arbeiða fult og heilt fyri søk­ ini. Teir flyta seg nógv, og teir eru ærukærir. Hvør ein­ asti nærdystur kennist sum at vera alt avgerandi, teir eru skjótir, og teir hava gott eyga fyri at spæla saman við føroysku viðspælarunum. Eftir tap í trimum teimum fyrstu umførunum hevur tað gingið sum eftir ánni hjá B68, og tað kann fara at gerast heilt spennandi hjá Bill Jacobsen og hansara monnum, sum ivaleyst hava meiri í sær, tá ið liðið verður meiri samanspælt. Niklas Joensen gerst alt tryggari á høgra vongverja, Jóhan Dávur Højgaard er stinnur og avgjørdur undir liðini á skilagóða veteraninum Arn­ birni Danielsen í miðverjuni, og hóast venjingarstøðan ofta hevur verið betri, man Øssur Hansen framvegis vera ein tann besti vinstri vongverjin í landinum. Jann Ingi Petersen er á mið­ vøllinum við at finna stevið aftur, sum í síni tíð bar lands­ liðsúttøku við sær, Kristian Anton Andreasen og Jóan Símun Edmundsson eru ágrýtnir og evnaríkir, og so eru tað ágrýtnu, arbeiðssomu og evnaríku útlendingarnir, ið binda sloyfuna saman. Hesa ferð skoraðu sene­ galesarnir øll málini: Ndende setti hol á, tá ið hann vann luftdyst og síðani lyfti upp um Andres Gango, sum vardi ÍF málið væl og heilt víst var besti heimamaðurin. Keita økti til 2­0, tá ið hann fangaði langa sending, sneiddi seg leysan og setti bóltin framvið málverjanum, og Keita staðfesti 3­1 sigurin, tá ið hann í høgru streyk avstað, legði alla verjuna aftur um seg og setti bóltin fram við málverjanum. Trý fín B68 mál, og serliga í 1. hálvleiki kundi B68 havt skorað tvey ella trý mál afturat, tá ið teir raktu bæði stólpa og tvørtræ. ÍF svaraði aftur í 2. hálv­ leiki. Spenningur kom í, tá ið Høgni Madsen eftir horna minkaði um munin. Í eitt korter reið tað um snar­ ið, tá ið álopini fóru báðar vegir, men tá ið Keita hevði skorað til 3­1 var tað greitt, at øll stigini skuldu út á Toftir. ­ Eg kendi tað sum um, at tað var vandi fyri, at vit eftir fínu byrjanina skuldu missa sigurin. Tað var avgjørt ikki tilvitað, men tað vísir seg ofta, at tá ið leiðslan er 2­0, so hava spælararnir hug at toga í bremsuna. Teir høvdu fleiri vandamiklar deyðbólts­ støður, men tíbetur eydnaðist tað at varðveita leiðsluna, eisini tí at fremstu menninir hjá okkum alla tíðina lógu frammarlaga og hóttu í snarálopum, viðmerkti B68 venjarin. ÍF-B68 1-3 (0-2): B68 er orduliga í hopla B68 ÍF Toftamenn hava veruliga fingið glið á. ÍF var annars favorittur undan sunnudegnum, men tað løgdu gestirnir líka í