hósdagur 29. mai 2008síða 20

20 Nr. 101 - 29. mai 2008 Ítróttasamband Føroya fegnast um, at tvey av okk­ ara 15 sersambondum sam­ bært tilmælinum hjá meiri­ lutanum í Fíggjarnevndini hava fingið hækkað játtanina við kr. 100.000,­. Men hvat við hinum 13? Sersambondini hava øll altjóða virksemi, og luttaka kvinnur á jøvnum føti við menn í øllum ítróttagrein­ um. Onkur sersambond hava altjóða nevndarsessir, meðan onnur hava tikið á seg at skipa fyri stórum altjóða kappingum í Føroyum. Seinasta ár fekk Ítrótta­ sambandið játtað kr. 400.000,­ til altjóða sam­ starv. Lyftið hjá Fíggjar­ nevndini var tá, at hendan játtanin skuldi gerast ein árligur stuðul til altjóða virksemið hjá øllum føroyskum ítrótti. Uttan at umrøða málið við Ítróttasamband Føroya hevur meirilutin í Fíggjar­ nevndini nú einvegis skotið upp at hækka játtanina hjá tveimum útvaldum sersam­ bondum. Ítróttasamband Føroya átalar, at Fíggjar­ nevndin soleiðis leggur seg út í innanhýsis peninga­ býtið hjá Ítróttasambandi Føroya. ÍSF vil fegið hava at vita frá Fíggjarnevndini, undir hvørjum fortreytum ætlaða broytingin verður framd. Sum landsfelagsskapur varð­ ar Ítróttasambandið av øll­ um ítróttagreinum og kann tí ikki loyva sær at gera mun á ítróttagreinunum. Ítróttasambandið kennir heldur einki til nakra grein­ ing av føroyskum ítrótti og virkseminum hjá ymisku sersambondum, sum kann liggja sum grund fyri hesi uppíleggingini frá Fíggjarnevndini. Játtanin til rakstur av Ítróttasambandi Føroya og sersambondunum hevur staðið í stað í eini 20 ár. Ítróttasambandið hevur ár eftir ári sent eina grundaða umsókn inn um hægri játtan, uttan at Løgtingið hevur latið við seg koma. Royndin hjá Fíggjarnevndini at leggja seg úti innanhýsis peninga­ býtið hjá Ítróttasambandi­ num er óseriøs og má átalast. Detailstýringin hjá Fíggjarnevndini er ein greið niðurgering av tí demokratisku skipanini innan Ítróttasamband Føroya, sum hvørt ár í sátt og semju býtir tøka pening­ in millum Ítróttasambandið og ymsu ítróttagreinirnar. Ítróttasamband Føroya vil samstundis heita á Fíggjarnevndina og lands­ myndugleikar annars at samskifta við Ítróttasam­ band Føroya, sum er lands­ felagsskapur hjá øllum føroyskum ítrótti, og tí hevur samráðingarrættin vil landsmyndugleikarnar. Um almennu myndug­ leikarnir ikki virða leik­ lutin hjá Ítróttasambandi­ num sum landsfelagsskap, mugu teir fyrireika seg til umsóknir og trýst frá hvørjari ítróttagrein sær. Talið á teimum er í løtuni 25 og er tíbetur vaksandi. tíðindi Hvat við hinum 13? Ítróttasamband Føroya Sølvi ReineRt HanSen - Hetta var óhugnaligt. Tað byrjaði við súði, og síðani kom ein slík flóðalda, at vatnstøðan øktist millum 2,5 og 3 metrar. Sjógvurin kom heilt niðan í túnið hjá mær, og ein stór tunga lá eftir, tá sjógvurin fór út aftur, sigur Richard Johannesen í Hvannasundi Flóðalda Vilmund Jacobsen vilmund@sosialurin.fo Seinnapartin í gjár vóru fólk í Hvannasundi vitni til eitt undarligt fyribrigdi, sum minti um eina flóðaldu. Tað var dýrdarveður, men knappliga fór at súða, og síðan setti nógvur sjógvur inn í sundið sunnaneftir. Fólk í Hvannasundi meta, at frá tí, at vatnstøðan var lægst, tá sjógvurin dró út úr sundinum, til hon aftur var í hæddini, var ein munur upp á einar 2,5­3 metrar. Tá vatnstøðan var hægst, stóð sjógvur niðan móti egn­ ingarskúrunum í bygdini, og tá fjaraði aftur, stóðu bátar á turrum botni, og fiskur spraklaði í fjøruni. Rákið í sundinum broytt­ ist nógv, meðan fyribrigdi vardi. Eftir at byrging er løgd út í Hvannasund, hevur lítið rák verið í sundinum, tí sjógvur bert sivar um byrg­ ingina. Onkur bátur, sum var sunnanfyri byrgingina, tá fyribrigdi fór fram, gekk ikki fyri seið, so hart sum tað fór at reka. Onkur heldur, at rákið, tá tað var harðast, var einar seks míl. Onkur annar heldur, at tað kanska var heilt uppí einar 8 míl. Í Hvannasundi gjørdust fólk rættiliga bilsin av tí, sum hendi, og fólk fóru at seta sær spurningar um orsøkina. Í fyrstani hugsaðu fólk, at byrgingin kanska var skrædnað, og í aðrar mátar kundi talan kanska vera um omanlop onku­ staðni, sum hevði sett nógvan sjógv inn í sundið. Skjótt vistu hvanna­ sundsmenn, at byrgingin var heil, og tá ringt varð til fólk í oyggjunum nærindis, og samband hevði verið við fólk, sum vóru á báti í Hvannasundi, gjørdist eis­ ini greitt, at flóðaldan heldur einki hevði við omanlop at gera. Fólk í Hvannasundi siga seg ikki hava upplivað slíkt áður ein slíkan góðveðurs­ dag hesa tíðina av árinum. Sum skilst, vardi fyri­ brigdi í Hvannasundi í umleið ein hálvan tíma, men eingin veit við vissu at siga, hvør orsøkin var. Mest nærliggjandi er tó at hugsa sær, at eitt hvørt er hent við botninum, og her hugsa fólk í Hvannasundi í fyrsta lagi um møgulig omanlop ella aðrar for­ skjótingar. Um ringast vildi til, kundi fyribrigdi í Hvannasundi kostað mannalív, tí tað er vanligt, at børn spæla dygst við sjóvarmálan. Tá vatn­ støðan broyttist so nógv, sum hon gjørdi, kundi vandi staðist av hesum, um illa vildi til. Ein eldri maður í Hvanna­ sundi, Richard Johannesen (79), sigur við Norðlýsið, at tá sjógvurin dró útaftur úr sundinum, lá ein sprellivandi tunga í túninum hjá honum. Flóðaldu­fyribrigdi í Hvannasundi var so ógvus­ ligt, at fleiri bátar stóðu uppi á turrum eina góða løtu. Sjógvurin var myrkur og luktaði skitin, og her halda fólk í Hvannasundi, at tað er dálking frá alivinnuni í sundinum, sum rusk­ aðist upp av botninum og kom inn við alduni. ­ Hetta var óhugna­ ligt at síggja í góð­ veðrinum. Tað byrj­ aði við súði, og síðani kom ein slík flóðalda, at vatn­ støðan øktist millum 2,5 og 3 metrar. Sjógvurin kom heilt niðan í túnið hjá mær, og ein stór tunga lá eftir, tá sjógvurin fór út aftur. Eg tók hana og legði hana í eitt kar, og her hevur hon tað fínt. Fiskur sprellaði allastaðni á turrum botni, tá sjógvurin fór út aftur, sigur Richard Johannesen í Hvannasundi. Norðlýsið var so beina­ samt at læna Sosialinum myndir, sum Sverri Christ­ iansen og Kristian Petersen hava tikið. Løgið flóðaldufyribrigdi Bátar í Hvannasundi stóðu á turrum botni, og fiskur spraklaði í fjøruni seinnapartin í gjár