fríggjadagur 30. mai 2008síða 8

8 tíðindi Nr. 102 - 30. mai 2008 Fiskurin verður dýrari Tann høgi oljuprísurin ávirkar nú fiskaprísin í Danmark, og tað ger, at tað verður dýrari at fara í handilin at keypa sær fisk til døgurða. Formaðurin í danska fiskimannafelagnum, Flemming Kristensen, sigur við DR, at í handlinum fer prís­ urin á fiski minst 10 prosent upp. Hann heldur, at almennur stuðul ella minni avgjald er tað einasta, sum kann tálma prísinum, men danskir fiskimenn fara tó neyvan í verkfall fyri at fáa stuðul, sigur hann. Kunna seg í Íslandi Sunnudagin kemur ein grønlendsk sendinevnd til Íslands at kanna, hvussu íslendingar hava skipað stórídnaðin og serstakliga tey ovurstóru aluminiumsvirkini. Sendinevnd­ in skal vitja á Eysturlandinum, og sunnudagin skulu umboðini vitja aluminiumsvirkið á Reyðarfirði. Alcoa, sum skal byggja aluminiumsvirki í Grønlandi, sigur hetta virkið. Dagin eftir vitjar nevndin eitt annað virkið, og týsdagin fer at hon at tosa við kommunupolitikarar. Danska húsmóðurin skal rinda minst 10 prosent meiri fyri fiskin Mynd: DR ÆTTARSTEVNA Eirikur Lindenskov eirikur@sosialurin.fo Leygardagin 14. juni hittist Davidsen­ættin í Glæmuni í Kvívík. Høvið til hesa ætt­ arstevnu er, at Bertie David­ son úr Kanada vitjar saman við konu síni. Bertie er abbasonur Johan Hendrik Davidsen, sum flutti til Kanada í 1903. Joh­ an Hendrik var sonur Aggu­ steinus og Biritu Davidsen í Kvívík, og eru tað teirra eftirkomarar, ið hava tikið stig til samkomuna. Johan Hendrik, sum í Kanada varð kallaður Harry, var føddur 17. des­ ember í 1879. Sum ungur fór hann til sjós. Hann var við enskum trolara, til hann flutti til Kanada í 1903. Næstu fýra árini arbeiddi hann sum arbeiðsmaður í fiskivinnu og landbúnaði í Siglunes­økinum, til hann giftist við Wilhjelminu 7. mars í 1908. Navnið Siglu­ nes man vera frá íslendskum niðursetufólki. Wilhjelmina var eisini føroysk, fødd á Válinum 7. februar í 1884, dóttir Peter Frederik Johannesen og Angeliku, f. Reinert. Hon flutti eisini til Kanada í 1903 saman við systrunum Súsonnu og Tomminu og einum beiggja, Ragnvald. ­ Vit vóna sjálvandi at síggja so nógv skyldfólk sum gjørligt hendan dagin, sigur Marjun í Gong, fyri­ reikari. Johan Hendrik var langommubeiggi Marjuna. Dóttir Marjuna, Lindis, hevur havt teldusamskifti við Bertie Davidson, og eitt systkinabarn hansara, Lind­ en Davidson. Nógv er at síggja um ættina á heima­ síðuni: www.faroeiceland.ca Aggusteinus og Birita Dav­ idsen fingu 11 børn. Tey vóru: Rakul Davidsen Anna Davidsen Dávur Davidsen Julianna Davidsen Hanus Davidsen Kristianna Davidsen Johannes Davidsen Joen Hendrik Davidsen Mikkjal Pauli Davidsen Sunnuvá Davidsen Magnus Davidsen Bátafelagið Naddodd­ ur á Tvøroyri fekk hóskvøldið handað gávukekk á 10.000 krónur frá Sjóvinnu­ deplinum. Hetta er tøkk fyri góðu umstøðurnar og tænastuna, ið Sjó­ vinnudepilin hevur nýtt í samband við trygdarskeið GáVA Dagfinn Olsen dagfinn@sosialurin.fo Sjóvinnudepilin hevur havt manningarnar á skipunum hjá Strandferðsluni til trygd­ arskeið á Tvøroyri. Sum út­ gangstøði verður roynt at hava skeiðini umborð ella nærhendis skipunum, og ikki t.d. í skúlastovum. Skeiðini hava verið á Tvøroyri og øll útgerð var umborð á Smyrli. Men nógv praktiskt er við­ víkjandi slíkum skeiðum, nógv útgerð, og síðani var farið á sonevndu Hvítanes­ brúnna á Tvøroyri. Men so varð víst til Helga Enni og Bátafelagið Nadd­ odd og neyst teirra. Har hevur Sjóvinnudepilin notið góðar umstøður. Kynt var í ovninum, og so komu skeið­ sluttakarar til heit høli, heitt kaffi og góðar umstøður at skifta og spula og turka draktirnar. Nú var ikki long­ ur talan um kaldar skeiðslut­ takarar og vátar draktir at frakta aftur til Havnar. 7 skeið hava verið, og sum nakað eyka, so hava 40 fólk fingið fingið lut í tí, at tyrlan tvær ferðir hevur ver­ ið partur av skeiðunum. Nú liðugt er við skeiðun­ um á hesum sinni, vildi Sjó­ vinnudepilin fegin vísa sína tøkk til Bátafelagið Nadd­ odd, sigur Lassi Borðoy frá Sjóvinnudeplinum. Og hóskvøldið hittust manning frá Naddoddi og manning frá Sjóvinnudeplin­ um í Naddoddaneystinum á Tvøroyri, har Lassi Borðoy handaði Helga Enni frá Bátafelagnum Naddoddi ein gávukekk á 10.000 krónur. Um ynski framyvir er um at hava trygdarskeið á Tvør­ oyri, so er ongin forðing fyri hesum, eru báðir partar samdir um. Naddoddur fingið gávu frá Sjóvinnudeplinum Johan Hendrik Davdisen í 1960 Hóskvøldið hittust manning frá Naddoddi og manning frá Sjóvinnudeplinum í Naddoddaneystinum á Tvøroyri, har Lassi Borðoy handaði Helga Enni frá Bátafelagnum Naddoddi ein gávukekk á 10.000 krónur Mynd; D. Olsen Davidenættin hittist í Kvívík Tvíburðarnir Árni og Marnar Andreasen og brøðurnir Jens og Marner Lisberg eru kendir frá tón­ leikapallinum síðstu 30 árini og leyg­ arkvøldið eru teir á palli í Trongisvági TóNlEikuR Dagfinn Olsen dagfinn@sosialurin.fo Tað er róðrarfelagið á Tvør­ oyri, sum hevur fingið hes­ ar garparnar á pall saman leygarkvøldið í Trongisvági. Teir hava roynt hetta áður, og tað riggaði stak væl, so talan er í roynd og veru um eitt væleydnað og afturvend­ andi tiltak. Jens og Marner Lisberg av Tvøroyri stóðu í mong ár á odda í bólkinum Sputnik. Bólkurin hevði ymsa mann­ ing ymsastaðni úr Suður­ oynni, og millum limirnar ymsu tíðarskeiðini taldust so navnframir menn sum Johan Dahl og Rasmus Magnussen. Sputnik spældi frá áleið 1975 og heilt til áttati árini tóku at halla. Bólkurin var óføra væl umtóktur, kanska serliga millum dansandi fólkið. Eftir 1988­89 var tað mest Jens Lisberg, ið helt á undir egnum navni, men tó hava hann og Marner av og á spælt saman. Og tá tað í veruleikanum eru teir, ið eru kjarnin í Sputnik, so ber á ein hátt til at siga, at bólkurin hevur verið virkin av og á. Bæði Sputnik og Jens hava lagt vælumtóktar útgávur eftir seg. Árni og Marnar úr Havn vóru frá ungum árum í sjeytiárunum stovnarar og virknir í bólkinum Black Birds. Ein bólkur, ið spældi í mong ár, og sum ikki slakði, fyrr enn 90’ini høvdu sæð dagsins ljós. Eftir hetta fóru teir aftur at spæla undir gamla heit­ inum Julianneboys og síð­ ani sum Árni og Marnar. Seinnu árini hava teir givið vælumtóktar útgávur út. Black Birds var annars millum virknastu og best umtóktu bólkarnar í áttati­ árunum, og gav eisini onkra útgávu út. Bólkurin hevði Oskar Eiriksson á trumm­ um og nokkso støðugir lim­ ir vóru eisini Ronnie Niel­ sen og beiggi tvíburðarnar, Jóan Petur Andreasen, men aðiri taldust eisini í vælleik­ andi bólkinum, ið hevði breiða sangskrá, alt frá tí, ið var frammi í sjeyti­ og áttati­ árunum, til meira vanligan dansitónleik. Leygarkvøldið verða tað m.a. Kolbein Simon­ sen, Arnbjørn Sivertsen og Kaj Johannesen, ið fara á pallin sum tónleikarar, tá pallvandu brøðurnir úr Havn og av Tvøroyri fara á pall í Trongisvági til eitt rimmar dansikvøld. Nú er hetta tónleikasøga. Sputnik í nú farnum døgum, men leygarkvøldið verða gonlu tónarnir aftur at hoyra Pallvandir brøður á pall í Trongisvági