fríggjadagur 30. mai 2008síða 10

Nr. 102 • 30. mai 2008 Vikuskifti 10 mítt land Føroyar Aftur hesa vikuna vóru fimm spennandi evni umrødd í sendirøðini “Føroyar mítt land”, sum er á Rás2 hvønn gerandisdag. Sendingarnar hesa vikuna verða savnaðar í eini sending á Rás2 sunnudagin klokkan 13. Innihaldið í teimum fimm sendingunum hesa vikuna var: eitt sindur um lívsleið Símun Jógvanssonar av Glyvrum, sum búsettist í Hoyvík í 1835; um kirkjuna á Kirkju í samband við 75 ára dagin, ið hildin verður sunnudagin 1. juni; um føroyska tjóðbúnan, hesa ferð um vestin; um rutukoyring eftir Oyggjarvegnum tíðliga í sekstiárunum, áðrenn vegurin varð samanbundin á Hórisgøtu; og seinasta sendingin í vikuni, fríggjadagin 30. mai, hevði samband við at henda dagin fyri 100 árum síðani varð Sanatoriið í Hoydølum tikið í brúk. Tey, sum løgdu sendingarnar til rættis hesa vikuna, vóru Ólavur Clementsen, Jenny Lydersen, Nicolina Jensen Beder, Magnus Gunnarsson og Hanus A. Samuelsen. Rás2, sunnudagin klokkan 13 Føroyar mítt land í næstu viku: 2/6 Turið Sigurðardóttir 3/6 Andreas Andreasen 4/6 Nicolina Jensen Beder 5/6 Janus Mohr 6/6 Hanus Kamban Hvønn gerandisdag kl.8, kl.9, kl.22 og kl.23, (týsdag tó 22.30) Føroyar mítt land Eftir at rithøvundin Salman Rushdie gav út bókina Satanisku Ørindini 1988, fekk hann ein sonevndan fatwa-dóm hangandi yvir høvdið. Tað var iranski leiðarin Ayatollah Khomeini, sum heitti á einhvønn, sum hevði møguleikan til tað, at gera av Rushdie. Á einari bókastevnu í Wales nú um dagarnar tosaði Salman Rushdie um truplu árini við hóttandi deyðadóminum. - Eg varð noyddur at skilja, hvat tað var, sum eg stríddist ímóti, og hvat eg stríddist fyri, segði Rushdie, sum takkaði teimum mongu, sum høvdu hjálpt honum og stuðlað honum í truplu tíðini. Rushdie takkar sínum stuðlum Jákup Dahl, próvstur, og H. Ringberg, amtmaður, saman við nøkrum av Føroya prestum uttan fyri kirkjuna á Kirkju í samband við vígsluna 28. mai 1933 Mynd: Føroya Fornminnissavn