fríggjadagur 6. juni 2008síða 12

12 EM-BLAÐIÐ Sosialurin 6. juni 2008 Bólkur B ✦ Póland Síðan 2006 hava heili níggju leikarar í heimligu pólsku deildini fingið debut á landsliðnum. Hesir skulu nú syrgja fyri, at Poland fær eitt nøktandi úrslit við teirra fyrsta EM-endaspæl í søguni Póland Uni Holm Johannesen post@sosialurin.fo Tá hálendski Leo Beenhakker fyri tveimum árum síðan var settur sum pólskur landsliðs­ venjari, staðfesti hann alt fyri eitt, at bulurin á liðnum skuldi verða úr heimligu kappingini. Heili níggju leikarar fingu debut í undankappingini, og fyri fyrstu ferð í søguni eydnaðist tað at vinna Póland í EM­ endaspæl. Hetta hóast, at liðið tvær ferðir hevur vunnið bronsuheiðursmerki við heims­ meistaraskapin. Fylla nógv Tað eru fáir leikarar á pólska landsliðnum, sum veruliga hava fingið gjøgnumbrot í altjóða høpi. Í málinum er Artur Boruc úr Celtic fyrsta val, framman fyri Tomasz Kuszczak úr Manchester United og Lukasz Fabianski úr Arsenal. Í verjupartinum eiga Darius Dudka og Jacek Bąk týðandi leiklutir. Hesir stuðla teimum yngru og skulu ganga á odda, tá tað stendur á. Tað verður tískil umráðandi hjá Póllandi, at hesir taka røttu avgerðirnar á vøllinum, soleiðis, at yngru leikararnir kenna seg tryggar. Av framrættaðum leikarum verður serliga varpað ljós á Ebi Smolarek, sum áður hevur roynt seg í millum annað PSV og Dortmund. Jacek Krzynówek skal eisini standa fyri hugflognum í spælinum frammi á vøllinum. Venjarin 65 ára gamli Leo Beenhakker verður mettur at vera ein av bestu venjarum, sum fótbólts­ heimurin hevur sæð. Hann hevur síðan 1972 staðið á odda fyri millum annað Ajax, Zaragoza, Real Madrid, hálenska landsliðnum, Saudi Arabia og Feyenoord. Fleiri høvdu hug at finnast at avgerðini hjá Beenhakker, tá hann gjørdi greitt, at bulurin skuldi vera úr heimligu kapp­ ingini. Í altjóða høpi hava pólsku feløgini ikki veruliga gjørt vart við seg. Ætlanin hjá hálendska venjarnum hevur higartil eydnast til fulnar, og fyri fyrstu ferð nakran tíð skal Pólland royna seg í EM­ endaspæli. Síðan sín fyrsta arbeiðsdag hevur hann verið sannførdur um, at pólskur fótbóltur eigur talent, ið kunnu samanberast við tey heilt stóru. Hesir skulu nú av álvara standa sína roynd. Skulu hava bóltin Pólland fer neyvan at eiga lut í stríðnum um heiðursmerki í summer. Leikaratilfarið er ikki nóg gott til tess. Hóast hetta, so bendir úttøkan hjá Been­ hakker á, at liðið skal verða nógv á bóltinum. Tað verður stórur dentur lagdur á hetta, tí, sum venjarin sigur, so verður møguleikin hjá mótstøðulið­ num sjálvandi minni at leypa á. Í undankappingini royndi liðið seg við hugflogsríkum álopsspæli, og tað riggaði væl. Sjáldan var neyðloysnin at senda langar bóltar á áleyparar­ nar. Mótstøðuliðini í bólkaspæli­ num eru Týskland, Kroatia og Eysturríki. Við einum sigri á Eysturríki og einum nøktandi úrsliti móti Kroatia eru møguleiki fyri, at Pólland vinnur seg víðari. Tað vildi í øllum førum verði stórt. Bulurin er úr heimlandinum Póland 1 Artur Boruc 2 Mariusz Jop 3 Jakub Wawrzyniak 4 Pawel Golański 5 Dariusz Dudka 6 Jacek Bńk 7 Euzebiusz Smolarek 8 Jacek Krzynówek 9 Maciej ńurawski 10 Łukasz Garguła 11 Marek Saganowski 12 Tomasz Kuszczak 13 Marcin Wasilewski 14 Michał ńewłakow 15 Michał Pazdan 16 Jakub Błaszczykowski 17 Wojciech Łobodziński 18 Mariusz Lewandowski 19 Rafał Murawski 20 Roger Guerreiro 21 Tomasz Zahorski 22 Łukasz Fabiański 23 Adam Kokoszka Venjari: Leo Beenhakker Póland stóð seg væl í undankappingini til EM, men liðið kann neyvan av álvara gera seg galdandi, nú tey bestu spæla ímóti hvørjum øðrum. Mynd. Polfoto