leygardagur 14. juli 2001síða 4

6 Nr. 133 - 14. juli 2001 Nr. 133 - 14. juli 2001 7 Persónliga sær bispur tað ikki sum nakra gølu, at tingið í ár verður sett sunnudag. Men hann heldur, at tingfólk og kirkjuligi myndugleikin áttu at havt gjørt vart við seg, tá tað bleiv lógar- fest, at tingið skal setast ólavsøkudag, sjálvt um hann fellur á sunnudag TINGFUNDUR John Johannessen – Vit mugu bara finna okk- um í, at tað er staðfest við lóg, at tingið skal setast sunnudag, um ólavsøku- dagur er sunnudag Hetta sigur Hans Jacob Joensen, føroya bispur, í sambandi við kjakið, um hvørt tað er rætt ella skeivt, at løgtingið á ólavsøku í ár verður sett ein sunnudag. – Nýggja stýrisskipanin er samtykt av tveimum løg- tingum og tingfólk hava havt góða tíð at viðgera málið, men eingin gjørdi vart við seg tá, ásannar bispur. Heldur ikki kirkjuligi myndugleikin gjørdi vart við seg, tá tað varð lógar- fest, at tingið skal setast sunnudag. Tí spyrja vit bisp, um ikki kirkjan sjálv eigur eitt sindur av ábyrgd- ini av, at fyrsti arbeiðsdagur hjá tingfólkum í ár verður sunnudag. – Eg var ikki bispur, tá nýggja stýrisskipanin varð viðgjørd. Eg var tá ikki annað enn ein gemenur prestur. Men tað er rætt, at eg sum gemenur prestur kanska burdi sagt okkurt tá. Málið skuldi verið tikið upp tá, so vit fingu disku- terað tað ígjøgnum tá í staðin fyri nú, sigur bispur. Og hann leggur afturat, at var hann bispur tá og hevði fingið spurningin til við- gerðar, hevði hann mælt frá, at tingið verður sett sunnudag. Í hesum sambandi heldur Hans Jacob Joensen, at tað hevði verið eitt gott hug- skot at tikið spurningin upp í sambandi við fyrireiking- arnar til eina komandi før- oyska grundlóg ella eina endurnýggjaða stýrisskip- anarlóg. Persónliga heldur bispur tað kortini ikki vera nakra gølu, at tingið í ár verður sett sunnudag. Men honum hevði dámt best, um kirkju- gongdin og skúðgongan vórðu hildin sunnudag, og at tingið varð sett mánadag- in eftir. POLITIKKUR & SAMFELAG Bispur um tingfund sunnudag: Ov seint at tala at Tað er greitt staðfesti við lóg, at tingið skal setast sunnudag, um ólavsøkudagur fellur á ein sunnudag. Men Hendrik Old ætlar sær framvegis hvørki at ganga skrúðgongu ella møta á tingfundi. Hann sigur seg vilja staðfesta, at sunnudagur er frídagur hjá øllum TINGFUNDUR John Johannessen Hendrik Old, tingmaður, stendur fast við mótmæli sítt móti ætlaða tingfundi- num sunnudagin á ólav- søku. – Tað kemur ikki upp á tal, at eg møti til tingfundin ella skrúðgonguna á ólav- søku, sigur Hendrik Old. Tað er greitt staðfest í nýggju stýrisskipanarlóg- ini, at tingið skal setast ólavsøkudag klokkan 13, sjálvt um ólavsøkudagur fellur á ein sunnudag. Tí hevur Hendrik Old skyldu at møta til tingfundin sunnudagin 29. juli, eins og hann hevur skyldu at møta til aðrar tingfundir. Men Hendrik Old fer ikki á tingfund. – Vit hava eisini eina halgidagslóg, ið sigur, at tað ikki skal arbeiðast sunnudag. Hana ætli eg mær at virða. – Fyri meg er hetta málið ikki ein átrúnaðarligur spurningur. Hetta er ein spurningur, um tingið skal virða, at sunnudagurin er frídagurin hjá øllum. Gongdin í samfelagnum í dag er, at sunnudagurin meira og meira verður gerandisdagur, so tímalønt fólk eru noydd at arbeiða sjey dagar um vikuna. Og eg haldi, at tingið má ganga undan at vísa, at sunnudag- urin er frídagur. Serliga nú, vit fara inn í oljuvinnuna. – Eg havi sjálvur fiskað nógvar sunnu- og halgidag- ar, men samstundis havi eg síðani sjeytiárini havt sam- band við reiðarar í Skot- landi, sum hava fleiri nóta- skip. Teir hava aldri verið heimanífrá ein sunnudag, men kortini hava teir ráð at skifta skip fimta og sætta hvørt ár og eru peningarliga sera væl fyri, sigur Hendrik Old. Hendrik Old um tingfund sunnudag: – Eg ætli mær framvegis ikki at møta POLITIKKUR & SAMFELAG Løgreglan og ríkis- felagsskapurin hanga saman. Tí sleppa før- oyingar ikki at yvir- taka løgregluna, so leingi vit eru í ríkis- felagsskapi við Dan- mark. Hetta hevur fakfelagssamskipanin hjá løgregluni, COII, fingið at vita frá for- sætisráðharranum YVIRTØKA John Johannessen Løgreglan verður ikki før- oysk, fyrr enn vit gera av at fara út úr ríkinum. Hetta er sambært Fregn- um niðurstøðan í einum svari frá Poul Nyrup Ras- mussen til COII, fakfelags- samskipanina hjá donskum tænastumonnum, um ætl- aðu yvirtøkuna av løgregl- uni. Poul Øland, sum er ein av leiðarunum í COII, sigur við Fregnir, at hann gjøgn- um embætismenninar hjá Nyrup hevur fingið at vita, at løgreglan er ein partur av ríkisfelagsskapinum. Og so leingi ríkisfelagsskapurin er til, er løgreglan ein part- ur av honum. Steðgaðu fyrireikingunum Høgni Hoydal, landsstýris- maður, setti fyri tíð síðani eina nevnd at fyrireika eina føroyska løgreglu. Í nevnd- ini vóru eisini umboð fyri Føroya Politistafelag, sum gjøgnum danska politista- felagið er limur í COII. Men fyri viku síðani fóru umboðini fyri Føroya Politistafelag úr nevndini eftir boðum frá COII. Danska tænastumanna- felagið helt, at arbeiðið í fyrireikingarnevndini var vorðið ov politiskt. Poul Øland frá danska COII sigur í hesum sam- bandi við Fregnir, at felagið valdi at taka seg og sínar limir úr fyrireikingunum, tí tað bleiv greitt, at føroying- ar vóru í ferð við »en politisk manøvre«, og at arbeiðið í nevndini var ein politisk uppgáva. – Vit høvdu vitjað verið við, um hetta var ein faklig uppgáva um at tryggja starvsfólkaviðurskiftini. Men tað er tað ikki. Tí tóku vit okkum og okkara fólk úr nevndini, sigur Poul Øland við Fregnir. Formaðurin í COII, Tommy Agerskov Thom- sen, sigur, at avgerðin um at fara úr fyrireikingar- nevndini einki hevði við brævið frá Nyrup at gera. Hann staðfestir, at hann persónliga tók avgerðina út frá egnum metingum, um at arbeiðið var vorðið ov politiskt. Føroyskt mál við donsk- um ræði Poul Nyrup Rasmussen hevur áður meldað út, at hann góðtekur, at løgreglan verður yvirtikin. Tí er ikki sørt ósamsvar millum hesar útmeldingar og svarið til COII. Men sum skilst, hevur Poul Øland frá COII fingið at vita frá forsætisráðharra- num, at tað kortini ber til at skipa eina føroyska løg- reglu. Men at evsti myndugleikin yvir henni skal liggja hjá danska løg- málaráðharranum. Sosialurin hevur roynt at fáa viðmerkingar frá danska forsætisráðharra- num, Poul Nyrup Rasmus- sen, men boðini frá skrivara hansara eru, at hann er í summarfrí, og tí ikki hevur møguleika at svara. Løgreglan verður donsk Føroyingar fáa ikki ræði á løgregluni, fyrr enn Føroyar eru farnar úr ríkisfelags- skapinum. Hetta er niður- støðan í einum svari frá danska forsætisráðnum til fakfelagssamskipanina hjá donskum tænastumonnum C M Y K 7 6