mikudagur 18. juni 2008síða 7

7 tíðindi Nr. 115 - 18. juni 2008 Radiostøð 90 ár Í gjár vóru 90 ár liðin, síðani Reykjavík radio varð tikin í nýtslu tann 17. Juni í 1918. Í dag er støðin partur av íslendsku sjóverjuni. Upprunaliga var alt samskifti við morsing, og í 1920 fekk trolarin Egill Skallagrímsson sum tað fyrsta íslendska skipið telegraf. Ttað var ikki fyrr enn í 1930, at støðin eisini bleiv telefonstøð. Í fyrstani hevði støðin tvær 77 metrar høgar antennur í Reykjavík, men seinni vórðu antennur settar upp aðrastaðni kring landið. Samanumtikið fekk radiostøðin stóran týdning fyri skip, sum royndu undir Íslandi. Meðan Jørgen Niclasen skýrir nýggju tinglýsingar­ gjøld­ini sum ognar­ skatt, vísir Karsten Hansen aftur, at hetta hevur nakað sum helst við ognarskatt at gera OGNARSKATTUR Leo Poulsen leo@sosialurin.fo - Nýggja lógin um tinglýsingavgjald er steinur oman á byrðu hjá nógvum húsarhaldum í Føroy- um. Serliga aftaná, at vit hava havt ein ógvusligan vøkstur í húsakeypum. Við hækkandi rentum og methøgum oljuprísum er fíggjarliga rásarúmið hjá familjum mundandi minka. Stór eykarokning í ting- lýsing fylgur nú við. Tað sigur Jørgen Niclasen, formaður Fólkafloksins. Hann vísir á, at fyri tey, ið skulu ogna sær bústað, er eykarokningin lættliga 40.000 krónur bara í tinglýs- ing av skjeyti og tinglýsing av panti. Og hann skýrir hetta fyri ognarskatt. Men hesum vísir Karsten Hansen, fíggjarmálaráðharri aftur. - Ognarskattur er ein skattur, tú rindar av ognum tínum árliga. Tinglýsingar- gjaldið er eitt einaferð gjald, og hevur tískil einki við ognarskatt at gera, sigur Karsten Hansen. - Nú slíkar upphæddir eru lagdar oman á húsaprísin er lætt at rokna, at við rentum í 20 ár svarar tað til eina heila ársinntøku, bara fyri ting- lýsingargjaldið. Har reyk eginpeningurin hjá fleiri av nýggju húskeyparunum, sig- ur Jørgen Niclasen. Men hetta er einki øðrvísi enn í øllum framkomnum londum. Okkara tinglýsingargjald er framvegis munandi lægri enn í grannalondunum, og hetta er so bara ein háttur at fáa nøkur oyri í landskassan. Onkur má rinda inn í lands- kassan, serliga tá so stórur kravgangur er eftir at fáa pengar úr honum, sigur Kar- sten Hansen. Ósemja um ognarskatt Jørgen Niclasen finst harðliga at nógv økta prísinum á tinglysingum, sum hann skýrir fyri ognarskatt Móðurfelagið hjá Faroe Ship, Eimskip, hevur gjørt av at strika d­óttirfelagið Innovate í øðrum ársfjórðingi, og hetta merkir, at góðar 540 milliónir krónur verða avskrivaðar, skriva íslend­sk bløð AVSKRIVING Leo Poulsen leo@sosialurin.fo Eimskip í Íslandi verður í løt- uni kannað av íslendska kapp- ingarráðnum, tí ivi er sáddur um, hvørt felagið hevur hildið upplýsingarskyduna í sambandi við strikingina av dóttirfelagnum Innovate. Ført hevur verið fram, at Eimskip longu í februar mánaði í ár tók avgerðina um at niðurleggja dóttir- felagið í Bretlandi, meðan avgerðin ikki varð almanna- kunngjørd fyrr enn í síðstu viku. Íslendsk bløð ivast í, um avgerðin ikki varð tikin í februar, tí tað sampakkar væl við, at táverandi stjórin, Baldur Guðnason, legði frá sær sum stjóri í Eimskip. Kappingarráðið hevur ikki tikið nakra støðu enn, men verður komið fram til, at Eimskip ikki hevur hildið sín- ar upplýsingarskyldur mót- vegis partaeigarunum, kann felagið fáa eina bót upp á 50 milliónir íslendskar krónur. Eimskip hevur gjørt eina langa røð av íløgum sein- astu árini, og felagið er tíggjufaldað seinastu trý árini. Íløgan í bretska Innovate, sum var ein fyritøka við goymslu- bygningum og lastbilum, var so ein íløga, ið ikki hepnaðist soleiðis, sum Eimskip hevði vónað. Og tí hevur felagið gjørt av at avtaka Innovate. Ávirkar ikki í Føroyum Millum mongu dóttirfeløg- ini hjá Eimskip er eisini Faroe Ship. Men Jóhanna á Bergi, stjóri, sigur, at hend- an avgerðin hjá Eimskip ikki hevur nakra beinleiðis ávirkan á gerandisdagin hjá Faroe Ship. - Tað er sjálvandi altíð keðilig tíðindi, tá neyðugt er at avtaka eitt felag. Men Eimskip er so mikið stórt, at tað ikki í størri mun ávirkar felagið, og okkara gerandisdagur er hin sami, sigur Jóhanna á Bergi. Hon vísir á, at tað eru so mong íslendsk feløg, sum í dag hava truplari við at út- vega sær reiðan pening orsak- að av kreppuni á fíggjar- marknaðunum sum heild. - Partabrøvini eru fall- andi, men tað er galdandi í síni heild á børsunum. Fyri- tøkur hava truplari við at gjalda rokningar, og tað ávirkar allan vegin ígjøgn- um, sigur Jóhanna á Bergi. Hon sigur, at tey hava gjørt rationaliseringar og effektiviseringar í rakstr- inum í Føroyum, men at tað einki hevur við avtøkuna av Innovate at gera. - Har var talan bara um eina íløgu, ið ikki lønti seg sum Eimskip hevði vónað, sigur Jóhanna á Bergi. Avtøkan av dóttirfelagnum hjá Eimskip í Bretlandi, Innovate, hevur onga ávirkan í Faroe Ship, sigur Jóhanna á Bergi, stjóri Eimskip mist meira enn hálva milliard – Hetta hevur einki við ognarskatt at gera, sigur fíggjarmálaráð­ harrin, Karsten Hansen