týsdagur 17. juli 2001síða 3

4 Nr. 134 - 17. juli 2001 Nr. 134 - 17. juli 2001 5 Tólv ára gamla Malan Michelsen av Tvør- oyri hevur vunnið heili 17 danmarks- meistaraskap í svimj- ing. Stóra mál henn- ara er at sleppa at svimja á olympisku leikunum, sum verða í Grikkalandi um trý ár SVIMJIDROTNING Áki Bertholdsen Tá íð Malan Michelsen av Tvøroyri fyri níggju árum síðani flutti til Danmarkar at búgva, grunaði hon lítið um, at hon nøkur ár seinni skuldi blíva donsk svimji- drotning. Men úrslitini talað fyri seg. Hesi bæði seinastu árini hevur Malan tikið lut í kappingunum um dan- marksmeistaraskapirnar í svimjing fyri hennara ald- ursbólk Og hesar kappingarnar hava prógvað, at tólv ára gamla Malan Michelsen er so nógv besti svimjari í svimjari í sínum aldurs- bólki í Danmark nakrantíð. Og hevur hon lív og heilsuna og annars ikki missir hugin at svimja, er hetta uttan iva eitt navn, vit fara at hoyra ofta í sam- bandi við svimjing tey komandu árini. Malan var trý ára gomul, tá ið foreldur hennara Dánj- al Jákup, og Fríbjørg Michelsen av Tvøroyri. gjørdu av at flyta til Dan- markar, og so fylgdi hon sjálvsagt við. Vit fingu eitt orð á hana, nú hon er komin heim aftur í føðingardag hjá ommuni úr Vági, sum fyllir 85 ár seinni í mánaðinum. Á ovastu rók upp á trý ár Úrslitini, sum Malan hevur rokkið í svimjing í Dan- mark, gerast av álvara undrunarverd, tá ið hugsað verður um, at tað eru ikki meiri enn trý og eitt hálvt ár síðani, at fór at svimja. Hon svimur við Brøndby, sum er tætt við, har tey búgva í Keypmannahavn. Men síðani hevur svimj- ingin verið hennara eitt og alt. Nú livur og doyr hon fyri svimjing og hevur ikki stundir til stórt annað, enn at svimja,siga tey, sum standa henni nær. Men tað kann heldur ikki sigast annað, enn at tað hevur gingið upp á stás og hartil so nógv betri, enn nakar kundi væntað. Malan hevur nevniliga víst seg at hava serstakliga góð evni at svimja og tað hevur gingið so skjótt framá, at hesi seinastu trý árini er hon komin heilt upp á ovastu rók í danskari svimjing. Men tað krevur eisini sítt: Malan venur seks dagar um vikuna, tveir tímar hvørja ferð undir kønari leiðslu. Men hendan miðvísa venjingin hevur eisini borið frukt. Seinastu tvey árini hevur hon verið í kapp- ingini um Danmarksmeist- araskapin í svimjing fyri hennara aldursbólk, tvs, fyri børn, sum eru fødd í 1989 ella seinni. Í einstaklingasvimjing hevur hon svomið í 11 ymsum greinum hvørt ár. Í fjør steyk hon avstað við heili 10 gullmerkjum og einum silvurmerki. Í ár vann hon sjey gullmerki, trý silvurmerki, men í ein- ari kapping varð hon koll- dømd, tí hon rørdi ikki við kantin, einaferð, hon skuldi venda. Við í kappingini vóru væl yvir 1.000 svimjarar úr øll- um Danmark, so tað sigur eitt sindur um, hvørjum støði tvøragentan er á. Men í ár svam hon har- afturat eisini í trimum lið- kappingum. Á liðnum var eisini eisini ein onnur før- oysk genta, Helga Djurhuus úr Havn og tey vunnu eitt gullmerki, tvey silvurmerki og eitt bronsumerki í teim- um fýra kappingunum. So vítt, vit vita, er hetta tað mesta, sum nakar danskur svimjari nakrantíð hevur vunnið. Tað er nevniliga ikki vanligt, at svimjarar eru so fjølbroyttir og javnt sterkir í øllum greinum, sum úrslit- ini vísa, at Malan er. Van- liga miðsavna svimjarar seg um nakrar heilt fáar svimjigreinar og - teinar, men at teir vinna í at øllum greinum, er heilt óvanligt. Men sjálv viðgongur Malan, at hennara sterkastu greinar eru blandað svimj- ing og firvaldsvimjing Sjálv ætlar hon ikki at spesialisera seg enn. Men tað verður hon helst noydd til seinni. Malan er ikki heilt ókend í føroyskari svimjing. Í fjør var hon við í SUM (smá- unglingameistaraskapurin) og tá vann hon níggju kapp- ingar. Hon setti hartil níggju bólkamet av níggju møguligum. Royna at lokka Hesi frálíku úrslitini hjá Maluni eru ikki farin aftur- við borðinum í danska svimjiheiminum. Feløg eru farin at leggja merki til føroysku svimji- gentuna, men síðani gullið er farið at regna niðuryvir hana, er eyðvitað, at tað eru fleiri feløg, sum vilja hava hana til sín at svimja. Fleiri feløg royna at lokka hana til sín, men enn er onki avgjørt, hvar hon fer at svimja. Feløgini kunnu ikki lokkað eina so unga gentu beinleiðis við pengum, men tað er ikki óvanligt, at tað verður gjørt óbeinleiðis, fyri at lokka evnaríkar svimjarar til, eitt nú við at bjóða teimum at sleppa undan at betala limagjald, ella at bjóða teimum at betala svimji- ferðir uttanlands, ella við at geva teimum onkrar aðrar sømdir. Eitt nú hevur venjarin hjá henni fingið starv í einum øðrum felag, men treytin er, at hann hevur Maluna við. Tað eru eisini onkur feløg sum ætla at byggja svmjilið upp rundanum hana. Tað einasta, sum er greitt, er, at hon fer undir venjingarnar aftur fyrst í august, so er spurningurin, hvar tað verður. Hon hevur heldur ikki gjørt av, hvønn svjimji- tjóðskap, hon fer at fáa sær, so enn er ikki heilt, ósagt, at hon ikki verður at síggja á onkrum føroyskum svimjilandsliði. Ætlar sær við á Olympisku leikirnar Tey, sum hava eygleitt Mal- una, siga, at tað eru serliga tveir eginleikar hjá henni, sum tey leggja merki til. Í fyrsta lagi er hon krútsterk, hóast hon enn ikki hevur havt styrki- venjing. Tað er hon ov ung til enn, men tað vervenjarin at leggja til rættis fyri hana seinni. Í øðrum lagi er hon før fyri at miðsavna seg 100% um uppgávuna og hon er tískil ikki darvað av nervum, uttan tí sunna nervøsitetinum, sum skal til í einhvørjari kapping, fyri at fáa blóðið at renna skjótari so hon kann geva alt hon eigur. Malan er eisini úttikin til danska landsliðið. Hon er einasti svimjari í hennara árgangi, sum er úttikin til danska landsliðið og hon er sostatt nógv yngsti svimjar- in í á talentstøðini hjá danska svimjisamband- inum, har framtíðarsvimj- ararnir verða vandir. Og tað verður heldur ikki dult fyri, at Malan hevur sett sær mál sum svimjari. Stór mál, tey størstu, eitt ítróttarfólk kann hava. Hon hevur nevnilga sett sær sum mál, at svimja so væl, at hon kvalifiserar seg til olympisku leikirnar, sum verða í grikska høvuðsstað- num, Athen, í 2004. Tá verður Malan 15 ár og hvør veit, kanska fáa vit tá á fyrsta sinni eitt føroyskt ítróttarfólk á sigursskamm- ilin í ítróttarkappingini yvir øllum. Hvør veit. Livst so spyrst. Soleiðis svam Malan Hesi vóru úrslitini hjá Maluni Michelsen av Tvøroyri í kappingini um danmarks- meistaraskapin herfyri SVIMJIBRAGD Áki Bertholdsen Her hava vit úrslitini, sum Malan Michelsen av Tvøroyri fekk fekk í kappingini um danmarks- meistaraheitið í svimjing herfyri fyri børn, sum eru fødd í 1989, ella seinni. Malan var við í 15 kappingum og hon vann heiðursmerki í teimum øllum - uttan í einari, men í henni varð hon varð kolldømd, tí at hon ikki rørdi við kantin, einaferð, hon vendi Úrslit Tíð Besta tíð Einstaklingakappingar: 50 m. frí: Gull 0.30,10 0.29,80 100 m. frí: Gull 1.05,80 200 m. frí: Silvur 2.22,60 100 m. rygg: Gull 1.14.50 200 m. rygg: Silvur 2.41,30 100 m. bringu: Silvur 1.20.70 200 m. bringu: Gull 2.55,30 100 m. firvald: Gull 1.12.40 1.11,81 100 m. blandað:Gull 1.13.80 1.13.30 200 m. blandað:Gull 2.40,30 2.36.50 Liðkappingar 50 m. frí: Bronsa 0.29,88 0.29,80 50 m. rygg Gull 0.34,30 50 m. bringu: Silvur 0.37,10 50 m. firvald: Silvur 0.31,10 Í kappingini í 400 metra frísvimjing varð Malan kolldømd tí at hon rørdi ikki við kantin, ta einu ferðina, hon skuldi venda. Tilsamans vann Malan sostatt átta gullmerki, fimm silvurmerki og eitt bronsumerki, ella heili 14 heiðursmerki tilsaman. Í einstaklingakappingum vann hon sjey gullmerki og trý silvurmerki og og í liðkappingunum vann hon eitt gullmerki, tvey silvurmerki og eitt bronskumerki. Í fjør var Malan eisini við í hesi kappingin og tá vann hon eisini fleiri heiðursmerki. Hesi bæði sein- astu árini, hevur Malan Michelsen sostatt vunnið 22 gullmerki í einstaklingakappingum í kappingunum um danmarksmeistaraskapin. Hetta framúr úrslitið ger hana til nógv besta danska svimjara í hesum aldrinum nakrantíð, tí hetta kann eingin annar danskur svimjari nakrantíð, erpa sær av. Malan sópar alla mótstøðu til viks Føroysk svimjidrotning í Danmark: Malan Michelsen av Tvøroyri er nógv besti svimjari í hennara aldursbólki í Danmark, nakrantíð. Hesi bæði seinastu árini hevur hon vunnið heili 17 gullmerki av 22 møguligum í einstaklingasvimjing í kappingunum um danmarks- meistaraskapin og so vítt, vit vita, kann ongin annar svimjari í Danmark vísa á so góð úrslit Aftur hetta vikuskift- ið kravdi ein ferðslu- vanlukka eitt ungt mannalív. Ein 18-ára gamal drongur fór útav í Leynum og endaði í áarósanum, har hann lat lív FERÐSLUVANLUKKA Stefan í Skorini Klokkan 07.17 leygar- morgunin fekk løgreglan í Havn fráboðan um eitt ferðsluóhapp í Leynum. Ein bilur var farin útav veg- num millum Stykkið og Leynar. Vanlukkan fór fram um- leið klokkan 4 leygarmorg- unin, men eingin varnaðist tað fyrr enn tríggjar tímar seinni. Orsøkin er helst, at bilurin ikki sást av vegnum, tí hann var farin so langt omanav. Førarin var ein 18-ára gamal drongur av Kambs- dali, og hann var einsa- mallur í bilinum. Hann hevði verið í Vestmanna og var á veg innaftur í Eystur- oynna, tá vanlukkan hendi. Løgreglan heldur, at drongurin er deyður á stað- num, tí løstirnir frá stoyt- inum vóru so álvarsamir, at hann óivað hevur latið lív beinanvegin. Har er bratt omanav vegnum, og tí hev- ur stoyturin verið ógvuliga harður. Helst sovnaður Løgreglan kann ikki siga við vissu, hvør orsøkin til óhappið er. Eftir øllum at døma hevur drongurin durvað í bilinum, og tí er hann farin útav. Hetta metir løgreglan, tí eingi spor eru at síggja á vegnum, har drongurin hevur koyrt. Tað er í øllum førum ikki nak- að, ið bendir á aðra orsøk til vanlukkuna. Bilurin hevur koyrt í- gjøgnum eitt vendipláss, áðrenn hann er farin útav. Á hesum vendiplássinum er eingin bilverja, sum forðar bilum í at fara útav. Bilverja hevur verið á hesum vendi- plássi, men hon er tikin burtur. Bilurin hevur tikið tveir stabbar, ið stóðu á vendiplássinum, við sær. Landið er enn einaferð skelkað av ferðsluvan- lukku, ið hevur tikið lívið hjá einum ungum manni. Slíkar vanlukkur henda oft- ast á náttartíð, tá tey ungu koyra í bili, og hetta er ein afturvendandi trupulleiki, ið tykist vera torførur at fáa bilbugt við. 18-ára gamal fuglfirðingur lat lív: Sovnaði helst meðan hann koyrdi Samráðingarnar í Ís- landi millum Kall og TeleF bóru frukt, og nú verða fyritøkurnar báðar eftir øllum at døma lagdar saman. RÚNAR REISTRUP Samanlegging Samráðingarnar millum tær báðar størstu privatu far- skiftisfyritøkurnar, Kall og TeleF, um at kasta saman, hava borið frukt. Mikudag- in fóru umboð fyri eigarar- nar handan báðar fyritøkur- nar til Íslands at samráðast um samanlegging, og um vikuskiftið ljóðaði, at ein avtala var komin í lag. Eingin vildi í gjár siga nakað nærri um hvat avtal- an inniber, tí fyritøkurnar vildu kunna sínar smærru partaeigararnar fyrst. Nevndarformaðurin í Kalli, Jens Kári Vilhelm, váttaði, at ein avtala var fingin í lag millum Kall og TeleF, men hann vildi einki siga um hvat nú fer at henda. Sosialurin skilir tó frá øðrum keldum, at TeleF eftir øllum at døma fer í søguna sum fjarskiftisfyri- tøka, meðan Kall heldur fram. LØGREGLUTÍÐINDI Stefan í Skorini Leygardagin um nón fekk løgreglan í Runavík eina fráboðan av Eiði, um at ein maður var farin í bilin við kenning. Løgreglan fór á staðið og steðgaði manninum. Hann varð tikin, og blóð- roynd er tikin av honum fyri at staðfesta, hvussu nógv alkohol er í blóð- inum. Maðurin verður skuld- settur fyri at koyra við kenning, og kann vænta sær eina treytaleysa frá- døming av koyrikortin- um. Tikin við kenning á Eiði LØGREGLUTÍÐINDI Stefan í Skorini Fríggjamorgunin varð ein ungur maður fluttur á Sjúkrahúsið á Tvøroyri. Hann hevði fingið skaða, tá hann rendi í ein stabba við Núpin á vegnum millum Lopra og Vág. Seinni varð hann fluttur á Landssjúkrahúsið við tyrluni. Vegurin er ógvuliga smalur á hesum strekkin- um, og arbeitt verður við at breiðka vegin. Bilurin hevur havt ov nógv ferð, og førarin hevur tí mist tamarhaldið á bilinum. Nógvur skervur liggur á vegnum, og tí er vegtakið ikki so gott. Førarin hevur verið heppin, tí bilurin rendi fyrst á ein stabba og hekk síðani í bilverjuni. Um bilurin fór útav, so endaði hann í havinum, og før- arin hevði neyvan slopp- ið við lívinum. Ferðsluóhapp á Núpinum Herverk í miðbýnum LØGREGLUTÍÐINDI Stefan í Skorini Løgreglan í Havn hevur aftur hetta vikuskiftið fingið fráboðan um her- verk í miðbýnum. Kunn- ingarstovan hevur staðið fyri skotum hesuferð. Tveir rútar eru farnir, og hetta hendi leygarnáttina. Somu nátt hevur onkur eisini brotið tveir rútar í einum sethúsum í Mag- nus Heinasonargøtu. Løgreglan fær slíkar fráboðanir hvørt viku- skiftið, og tað er torført at finna gerningsmenn, hó- ast fólk hava sæð onkran renna av staðnum. Umframt herverk, so hava fleiri smávegis ferðsluóhapp verið í Havn. Talan er mest um parkeraðar bilar, ið eru á- rendir, har tann seki er rýmdur av staðnum. SKIP Stefan í Skorini Johan Mortensen er um- boðsmaður hjá skipinum Kommandor Jack, sum hevur verið í Føroyum og tikið royndir av botninum við boripallarnar. Nú er skipið í Føroyum í sam- bandi við eina heimsum- fatandi veðurlagskann- ing. Skipið hevur serútgerð at kanna botnin, og eftir- spurningurin eftir slíkum skipum hevur verið stórur seinastu tíðina. Jóhan Mortensen vænt- ar, at nógv slík skip fara at koma hendavegin, nú borurin er settur í føroy- sku undirgrundina. Felagið hjá Jóhan, Baldur, tekur sær m.a. av at umboða fremmand skip, tá tey koma til Før- oyar. Umboðsmaður væntar: Nógv skip at gera botnkanningar Pílúrin á myndini vísir, hvar bilurin fór av vegnum, og tann 18-ára gamli doyði. Fyri nøkrum mánaðum síðani kravdi ein ferðsluvanlukka í Runavík trý mannalív. Hesuferð var tað í Leynum. Hvar verður tað næstu ferð? Mynd: Jens Kr. Vang Kall og TeleF samdust C M Y K 5 4