mánadagur 23. juni 2008síða 24

24 [ Nr. 118 - 23. juni 2008 ] Formenn á fund Mikudagin eru formenninir í limafeløgunum hjá Fótbóltssambandinum innkallaðir til fundar í Havn. Á fundinum fer starvsnevndin at kunna um ymisk viðurskifti í fótbóltssambandinum, eitt nú um málið við tjóðarleikvøllinum og eftirmetingina av sjónvarpingini av finaludystinum um Løgmanssteypið. Fundurin verður mikudagin 25. juni kl. 17.30, og ætlanin er at enda dagin við at hyggja eftir fyrru hálvfinaluni í EM-kappingini á stórskíggja. Schuster krevur Ronaldo Kosta hvat tað kosta vil, so vil týski venjarin hjá Real Madrid hava fatur á Ronaldo. – Fyri ein spælara, sum er somikið góður, mugu vit gjalda tað, sum er neyðugt. Sjálvandi veit eg, at Manchester United ikki vil sleppa spælaranum, tí ein slíkan letur tú ikki fara uttan víðari. Og tí má felagið bara gjalda so nógv, sum tað er neyðugt, fyri at at fáa fatur á honum. Samstundis ljóðar, at Real Madrid nú vil sleppa at tosa við Ronaldo sjálvan. Nú sær av álvara svart út hjá B71, sum ikki hevur vunnið ein dyst síðan 27. apríl. Í gjár tapti B71 0-2 móti NSÍ heima á Sandi Fótbóltur Pætur Albinus patur@sosialurin.fo Jagstranin eftir stigum í ævigu kappingini um yvir- living í Formuladeildini helt fram hjá B71, tá ið teir í gjár fingu vitjan av meist- araliðnum, NSÍ. Gongdin hjá NSÍ hevði verið góð undan dystinum, har teir høvdu vunnið tveir teir sein- astu dystirnar við málúrtøk- uni 5-0. Gongdin hjá sand- oyingum hevur haraftur- ímóti verið ræðulig, og vit skulu leita okkum heilt aftur til 27. apríl í ár, áðrenn vit finna seinasta sigur hjá teimum. Tá vunnu teir 3-1 á Skála. NSÍ klárir frá byrjan Sum ikki einaferð kom B71 afturúr í fyrra hálvleiki. NSÍ legði bragdliga fyri, og tryggjaði sær tvey horna- spørk beinanvegin. Hetta seinna hornasparkið endaði við máli. Bólturin kom úr brotsteiginum til Hjallgrím Elttør, sum smekkaði til. Jóhan Troest Davidsen stóð á rætta staðnum, og kundi beina skotið í málið til 1-0 til NSÍ. Hetta var fyrsta málið hjá unga landsliðsver juleikaranum. B71 át seg so við og við inn aftur í dystin, og til end- ans sótu teir á stórt sæð øll- um. Við størri neyvleika høvdu teir eisini havt javn- að, tí málmøguleikar mangl- aðu teir ikki. Hóast hetta endaði fyrri hálvleikur 1-0 til NSÍ, og hetta mundu runavíkingar vera best nøgdir við. Tvífaldaðu leiðsluna Eftir eitt korter í seinna hálvleiki økti NSÍ um leiðsl- una til 2-0. Málið kom eftir eitt væl spælt álop, sum ser- biski Milan Pejcic átti seinasta fótin á. Eftir málið tóktist luftin at vera farin úr sandoyingum, og trýstið, sum teir løgdu á NSÍ eftir fyrsta málið, var als ikki at finna. NSÍ hevði tamarhald á, og tað var eisini um reppið, at teir øktu til 3-0. Serliga var Hjallgrím Elttør tætt við tíggju minuttir fyri leiklok, men skot hansara rakti tvørtræið. Dysturin endaði 2-0 til NSÍ, og teir hava nú vunnið seg upp á 2. plássið. Hetta er møguliga bara til láns, tí B36 og HB hava framvegis ein dyst til góðar. B71 sær út til at dragna í botninum, og trupult er at peika á, hvussu teir skulu bjarga sær lív í Formuladeildini. Niðurflyting hóttir B71 NSÍ B71 Verjuspælið riggar betur Johan Nielsen, venjari hjá NSÍ, er serliga fegin um, at verjuparturin nú riggar, sum hann skal. Vit spurdu hann, hvat orsøkin er til góðu gongdina í løtuni. - Spælið er farið at glíða frægari, og verju- parturin riggar betur. Hetta var triði dysturin, har vit hildu málið reint, segði Johan, sum í fjør førdi NSÍ til meistara- heitið í sínum fyrsta ári sum NSÍ-venjari. Vilt tú so siga, at verju­ parturin spældi illa í byrjanini av kappingini? - Ja, vit lótu øgiliga nógv mál inn, staðfestir Johan. NSÍ er nú við aftur í oddastríðnum, men NSÍ- venjarin vil ikki seta sær nakað stórt mál. - Vit skulu bara halda fast um góðu gongdina. Longur kunnu vit ikki hugsa, vit taka ein dyst á gangin. Hugsar tú long- ur enn tað, so kemur klut- ur í, segði Johan Nielsen at enda. Besti hálv- leikur í ár B71 tapti fyrra hálvleik 1- 0, men málmaður teirra, Símun Rógvi Hansen, heldur, at hetta var besti hálvleikur teirra í ár. B71 kemur sera ofta afturúr, og vit spurdu hann, um teir ikki eru klárir frá byrjan. - Jú, vit eru klárir, men... Málið hjá teimum var tilvildarligt. Hetta var besti hálvleikur hjá okkum í ár. Vit eru óhepnir ikki at skora. Clayton hevur tveir risa møguleikar, har Tórður (Thomsen, NSÍ- málverji, red.) bjargar tí eina, og hin skjýtur hann beint við síðuna av, peik- aði Símun Rógvi á eftir dystin. Vit spurdu hann, hvussu B71 nú skal bjarga sær lív í Formuladeildini. - Taka fyrra hálvleik frá í dag við okkum, og berjast víðari. Vit mugu trúgva uppá tað, segði Símun Rógvi, sum legði afturat, at teir hava skapt nógvar málmøguleikar í ár, men hava ikki umsett teir til mál. B71 hevur latið mál inn í hvørjum dysti í ár. Sandoyingar eru nú heilt illa sperdir í botninum. Eisini sunnudagin var spælið á góðari leið, men úrtøkan hevur verið alt ov soltin seinastu nógvu dystirnar savnsmynd