týsdagur 24. juni 2008síða 10

10 tíðindi Nr. 119 - 24. juni 2008 Landsstýrið brúkti í fjør 3,5 milliónir krónur til menningar­ hjálp, men ætlanin er so líðandi at hækka játtanina, tó at tað gongur long tíð, áðrenn málið upp á 0,7 prosent av BTÚ – sum í dag svarar til 84 milliónir – er nátt MENNINGARHJÁLP Leo Poulsen leo@sosialurin.fo Síðani lógin um altjóða menningarsamstarv varð samtykt í mai í fjør, hevur verið arbeitt miðvíst á økinum. Og í fjør var landsstýrið við í sjey verkætlanum. ST mælir ídnaðarlondum til at lata 0,7% av BTÚ til menningarsamstarv, men í meðal er hetta talið tó bert 0,47. Hetta er tó munandi meiri enn tey 0,03%, sum Føroyar lata. Landsstýrið hevur sett eina nevnd at ráðgeva í men ningarsamstarvsspurningu m, og í henni sita Marita Rasmussen, forkvinna, stjóri í Vinnuhúsinum, Snorri Brend, næstformaður, blað­ maður, Lars Tostrup, stjóri í Norrønt Atlantssamstarv, Heðin D. Poulsen, løgfrøð­ ingur, og Óluva Niclasen, deildarleiðari á Heilsu­ frøðiligu Starvsstovuni. Nevndin hevur havt sjey fundir, har hon hevur viðgjørt umsóknirnar, sum landsstýrið hevur fingið, og gjørt síni tilmæli. Peningurin verður allur nýttur til verkætlanirnar, tí einki verður nýtt til umsiting av hesi játtanini. ­ Vit hava valt at veita peningin gjøgnum sjálv­ bodnar felagsskapir, sum vit hava fult álit á. Á tann hátt sleppa vit undan at byggja upp eina stóra um­ siting, men kunnu veita pen­ ingin trygt gjøgnum so­ nevndar NGO’arar (Non Governmental Organiza­ tion), sigur Høgni Hoydal, sum umsitir menningar­ hjálparmál. Sjey verkætlanir Sum nevnt hevur landsstýrið valt at stuðla sjey verk­ ætlanum í fjør. Ein lítil millión er latin til Indonesia, har peningurin er markaður til trygd á sjónum. Helmingurin at peningi­ num fer til beinleiðis trygd umborð á bátunum, eitt nú skulu bátarnir fáa bjarg­ ingarbeltir. Hin helmingurin fer til at menna fiskivinnu­ marknaðin. Tað er hjálpar­ felagsskapurin Mercy Corps, sum umsitur hesa verkætlanina fyri lands­ stýrið. Ein onnur verkætlan er í Kenya, har landsstýrið játt­ aði 20.000 krónur at upp­ lýsa um HIV/AIDS. Hetta verður gjørt á ein øðrvísi hátt við tað at upplýsingin verður framd gjøgnum ein fótbóltsskúla. Umsóknin til hetta tiltak er komin frá Oluf Mortensen í Havn, sum er føroyski venjarin í hesi verkætlan. Ein triðja verkætlan er í Kongo, har smáar 500.000 krónur vórðu játtaðar til at byggja 110 hús fyri. Hesi skulu nýtast til at húsa flóttafólkum, sum venda heim aftur til landið. 900.000 krónur vórðu játtaðar til skúla í Liberia gjøgnum ABC­barnahjálp­ ina í Føroyum. Skúlin skal byggjast í býnum Monrovia, og ætlanin er, at hesin skal húsa 500 næmingum. Eisini hevur landsstýrið játtað 400.000 krónur til World Food Programme, sum á hvørjum ári sendir út áheitan á lond um at stuðla, har sum hungursneyð rakar. Í ár mælti WFP føroyum til at stuðla eini verkætlan í Senegal. Ein onnur skúlaverkætlan er í Tanzania, har landsstýrið játtaði einari umsókn og læt 42.000 krónur til verkætlan­ ina. Hartil játtaði landsstýrið saman við australsku stjórnini 650.000 krónur í ein grunn, sum Heimsbankin umsitur, ið skal stuðla Palau oyggjunum í at byggja upp eina oljuumsiting. Aftrat hesum kann nevn­ ast, at umsitingin í 2006 játtaði at luttaka í einari bróstmjólkaverkætlan við einari millión. Her er trupulleikin tann, at pulvur­ mjólka framleiðarar rinda møðrum pening fyri ikki at geva bróstmjólk, men held­ ur geva børnunum pulvur­ mjólk. Umframt meningarsam­ starv læt landsstýrið eisini 550.000m krónur í bein­ leiðis neyðhjálp. 150.000 fóru til mat til flóttafólk í Darfur, 150.000 til mat og aðra neyðsynjarhjálp í Peru og 250.000 krónur til Bangla­ desh eftir ódnina Sidr. Betra um sjótrygd í Indonesia Tað er Høgni Hoydal, landsstýrismaður í uttanríkismálum, sum umsitir menningarsamstarv Mynd: Jens Kristian Vang Barbara á Tjaldrafløtti greiddi frá teimum verkætlanunum, sum landsstýrið tók lut í í fjør Mynd: Jens Kristian Vang 950 fáa sekkin Amerikanska flogfelagið United Airlines, sum er tað næststørsta í USA, er í álvarssomum trupulleikum, og sum eina roynd at sleppa burtur úr teimum hevur leiðslan gjørt av, at 950 starvsfólk skulu fáa sekkin. Hetta er aðru ferð, at United Airlines boðar frá uppsangum, og fyrru ferð var talan um 1.600 starvsfólk. Leiðslan í UA sigur við blaðið Times, at eins og fyrru ferð er tað tað dýra brennievnið til flogførini, sum er orsøk til uppsagnirnar. Fáa fleiri nøvn Í mong ár hava donsk foreldur valt at geva sínum børnum eitt fornavn afturat eftirnavninum, men hesin siðurin er eftir øllum at døma við at hvørva nú. Blaðið JydskeVestkysten skrivar, at alt fleiri børn fáa trý, fýra ella fimm fornøvn umframt eftirnavnið. Ein prestur, sum blaðið hevur tosað við, sigur, at av teimum meiri enn 40 børnunum, sum hann hevur doypt tað seinasta árið, vóru bara tvey, sum høvdu eitt fornavn.