mánadagur 30. juni 2008síða 19

19 [ Nr. 123 - 30. juni 2008 ] Liðið og Gudmund Símun Rógvi Hansen, sum helt B71-búrið reint móti KÍ, var sjálvandi væl nøgdur um tað, sum hann og liðfelagarnir høvdu víst. Men hann vildi ikki reiðiliga staðfesta, at talan hevði verið um besta avrikið á árinum. - Eg haldi, at talan hev- ur verið um framgongd seinastu vikurnar, og í dag megna vit so eisini at skora. - Eg haldi ikki, at KÍ hevði nakran veruligan møguleika í dystinum. Bæði verjan og restin av liðnum stríddust og arbeiddu framúr væl, so talan var um eitt fínt avrik frá okkara liði. Og tó at talan var um liðavrik, so kundi Símun Rógvi illa svarað annað enn játtandi, tá hann varð spurdur um leiklutin hjá Gudmundi Nielsen. - Hann er fantastiskur. Hann er gjøgnumbrots- sterkur, sterkur í høvdinum og sum heild ein sera kom- plettur spælari, haldi eg. -mørk B71 stríddist betur Fyri viku síðani helt Eyðun Klakstein seg og KÍ hava betur uppiborið, tá teir taptu heimadystin móti EB/Streymi. Sunnu- dagin taptu Eyðun og KÍ næsta dystin á rað, men hesa ferð mutaði venjarin ikki ímóti. - B71 stríðist fyri lívi- num, og tað sást aftur á vøllinum. Serliga í fyrra hálvleiki trýstu teir okkum nógv. Eftir steðgin gjørdist tað meira aftur og fram, har vit hava yvirtakið í løtum. Men vit skora ikki, og so gera teir av við okkum, tá teir skora. Eyðun Klakstein vildi tó ikki vera við, at hugburð- urin hjá hansara monnum ikki var nóg góður. - Tað haldi eg ikki. Kanska eru vit ikki nóg klárir, men teir stríddust ótrúliga hart, og tí gjørdist dysturin akkurát so trupul, sum vit høvdu roknað við, segði Eyðun Klakstein eftir dystin. -mørk Høsnarungin provokeraði Tað vakti ans, tá Michael Rasmussen um vikuskiftið var til DM í súkkling. Høsnarungin, sum hann verður róptur, hevur í løtuni karantenu, og tá hann nú var til DM-kapping, var hetta sum áskoðari til DM hjá kvinnum. Her er loyvt øðrum enn luttakarunum at vera partur av feltinum, men Rasmussen provokeraði nakað nógv, tá hann hevði hug at leggja seg millum tær fremstu. Nakað sum umboðini fyri danska súkklusambandið at rópa eftir honum. – Eg taki hatta sum eina provokatión frá einum manni, sum hevur tørv á at vísa seg. Og eg haldi tað vera óuppdrigið, tá hann soleiðis provokerar, og síðani bara flýggjar, tá vit fara eftir honum, segði Willy Frederiksen, sum er formaður fyri kvinnusúkklingina í Danmark. B68-Skála í kvøld Klokkan 19 í kvøld verður dystur á Svangaskarði, har B68 tekur ímóti Skála. Við sigrinum hjá B71 móti KÍ, er trýstið í botninum økt nakað. B68 er í løtuni seks stig framman fyri bæði Skála og B71, og tí kunnu teir við einum sigri koma heilt úr vandaøkinum. Skála kann hinvegin vinna seg ájavnt við ÍF, sum er nummar átta, um teir vinna sín dyst, so eingin ivi er um, at báðir partar hava sítt at stríðast fyri á vøllinum. B71 spældi fyri lívinum, og tað eydnaðist at toga trý stig heim, tá KÍ vitjaði sunnudagin Fótbóltur Jákup Mørk jakup@sosialurin.fo Tað skuldi røkka ella støkka hjá B71. Fleiri ferðir hava teir verið væl nøgdir við leikliga avrikið í ár, men úrtøkan hevur á ongan hátt staðið mát, og tí høvdu spæl- ararnir knívin á barkanum, tá KÍ vitjaði sunnudagin. Til dystin hevði B71 styrkt sær um liðið við at fáa Anders Sørensen – sum í fjør var partur av liðnum – upp til Føroya, eins og Patrick Sunday Okoro er komin úr B36, har áleyparin ongan tíð veruliga fekk fótin fyri seg. Og við knívinum á bark- anum stríddust sandoying- arnir fyri lívinum. Serliga løgdu teir stórt týrst á í fyrra hálvleiki, har bólt- haldarin hjá KÍ sjáldan fekk frið, og har KÍ av tí sama hevði sera ilt við at spæla seg niðan eftir vøllinum. Atsóknirnar á KÍ-málið vóru áhaldandi, og einar tvær ferðir mátti Jákup Mikkelsen bjarga heilt væl fyri at forða fyri B71-málið. B71 hevði nógv horna- spørk í fyrra hálvleiki, og fyrra málið hjá teimum kom eftir hornaspark. Sent var til aftaru stong, har verjuspælarin Fabio Vieira stóð leysur. Hann sendi bólt- in innfyri málið aftur, og har fekk Gudmund Nielsen sent bóltin um málstrikuna. Málið var fult uppiborið, tí B71 hevði var í fyrra hálvleiki betra liðið. Teir spældu rættiliga beinleiðis, bólturin skuldi verða á KÍ hálvuni alla tíðina, og so fluttu teir fólkið fram at trýsta og renna KÍ-spælar- arnar niður. KÍ-venjarin fekk stillað liðið hjá sær nakað í hálv- leikinum, og hugburðurin hjá spælarunum var mun- andi betraður, tá menn komu út til seinna hálvleik. Spakuliga fekk KÍ arbeitt seg aftur í dystin, men teir megnaðu ongan tíð av álvara at skapa opnu møguleikarnar, sum skuldu til. Og tí hevði Símun Rógvi Hansen lætt við at verja fyri teimum atsóknum, sum komu á málið. Og tá B71 økti til 2-0 við einum mótálopi miðskeiðis í seinna hálvleiki, mundu tað verða fá, sum ivaðust í, at B71 fór at vinna hendan dystin. KÍ misti bóltin á egnari hálvu. Símin Hansen sendi inn um KÍ-verjuna til Gudmund Nielsen, sum rundaði Jákup Mikkelsen, áðrenn hann sendi bóltin í málið til 2-0. Eftir hetta gekk spælið báðar vegir, men B71 var nærri við at økja til 3-0 enn KÍ at minka um munin. KÍ royndi at skifta og flyta fólk, men dysturin stóð ikki til at bjarga. Hóma strikuna Við sigrinum hevur B71 aftur meldað seg inn í dystin at sleppa undan niðurflyting. Og tær báðar komandi uppgerðirnar fáa helst alstóran týdning í so máta. Undan summarsteðg- inum skal B71 nevnliga á vitjan hjá bæði Skála og B68, og tað eru tveir dystir, sum helst skulu kasta eini fýra stig av sær, um bjarg- ingarætlanin skal eydnast. Og so verður sjálvandi eisini spennandi hjá sand- oyingum at fylgja við, hvussu leikur fer, tá júst B68 og Skála dystast á Svangaskarði í kvøld. Hjá KÍ merkti tapið, at teir spakuliga aftur eru í ferð við at nærkast botninum. Átta dystir uttan tap høvdu annars lyft KÍ væl og virði- liga av vandaleið, og enn er vandin ikki serliga akuttur. Men við 14 stigum sansar nú spakuliga at hjá klaksvík- ingunum, um teir ikki skjótt finna rætta stevið aftur. KÍ B71 B71-KÍ 2-0 (1-0): Loksins lukkaðist Klaksvíkingar fingu ongan tíð fótin fyri seg, tá B71 í fyrra hálvleiki stoypti grundina til bara næsta Formula-sigurin á árinum savnsmynd