leygardagur 21. juli 2001síða 7

12 Nr. 138 - 21. juli 2001 Nr. 138 - 21. juli 2001 13 Fyrsta dagin í au- gust verður stór konsert við Trølla Pætur, Trølla Ommuni, Trølla Ossa, Trølla Ung- anum, Nósa og Árnfríð og Rannvu Lútzen í Klaksvík TÓNLEIKUR Pop.fo Mikukvøldið 1. august verður stór trøllakonsert í Skálanum í Klaksvík. Við á konsertini verða Rannvá og Árnfríð Lút- zen, og fara tær at syngja kendar sangir hjá Kulum Rótum. Fyrireikararnir siga í tíðindaskrivi, at sjálvt um Trølla Pætur býr uppi á Háfjalli, so hevur man ikki sæð so nógv til hann í Klaksvík. Hann og omma hansara hava framført fleiri ferðir í Suðuroy, Havn, Vágun- um og í Eysturoy, men í Klaksvík hevur hann ikki haft nakra rættuliga kon- sert. Mikukvøldið 1. august er so ætlanin at savna øll trøllini saman og hava eina lívliga konsert í Skálanum. Trølla Pætur fer at syngja nakrar fittar sangir, meðan omma hansara fer at syngja nakrar heilt villar sangir. Italskt trøll Av tí at tað eru nógv børn í Klaksvík sum enn ikki hava sæð Trølla Ungan, verður hann eis- ini við á konsertuni. Hann fer at syngja ein sang sum eitur Da Da Da. Eitt heilt nýtt trøll er komi upp í trøllafamilj- una - tað er Trølla-Ossi. Trølla Ossi er eitt trøll sum hevur búð megin partin av tíðini í Italia, men á konsertuni fer hann at vísa sínar dygdir. Umframt Rannvu, Árn- fríð og øll trølluni, verð- ur eisini Nósi at síggja á konsertuni. Eftir konsertina fáa øll børnini eina stóra plakat av Trølla Pætur í part. Til ber eisini at heilsa uppá trøllini og Nósa, og tey foreldur, sum hava myndatól við, kunnu eis- ini fáa eina mynd av trøllinum saman við teirra barni. Konsertin verður í Skálanum í Klaksvík mikukvøldið 1. august kl. 19.00. Á ólavsøku verður stórt DJ show í Bad- mintonhøllini. Ársins DJ fer at halda til har, og eisini verður skipað fyri ymiskum dansikappingum. TÓNLEIKUR Pop.fo Òlavsøkuaftan og ólav- søkudag verður stórt DJ show í Badmintonhøllini, og nógv verður gjørt burt- urúr. Umframt stóra ljóðan- leggið og nú eisini full- fíggjaða ljósshowið, verða ymsar dansikappingar á dansipallunum við Dr. FeelgooD sum showmaster. Ársins DJ, Kári Annand Berg, eisini kendur sum DJ-Estevez, verður plátu- vendari bæði kvøldini. Sum prikkurin yvir i´ið verður vitjan av einum gesti, sum fyrireikararnir ikki vilja av- dúka frammanundan. Barnatiløk Ólavsøkuaftan kl.18:00 ólavsøkudag kl. 14:00, verður eisini stórt barna- show við klovnum, ganda- kallum, sangi og dansi í Badmintonhøllini í Havn. Klovnurin »Bukke« fer at undirhalda við nógvum stuttligum, har høvið verð- ur at hjálpa Bukke úr ymiskum neyðstøðum. Arnfríð Lutzen og Rann- vá Lutzen fara saman við trimum dansigentum at framføra vælkendu løgini hjá Kulum Rótum, sum øll børn í Føroyum helst kenna, og eisini fara ganda- kallarnir Bobo og Fjotti á pallin. Umframt alskyns gandakynstur fara teir báðir eisini at gera ymisk balón- djór, sum verða givin burt- ur. Angela, sum børnini helst kenna úr sjóvarp- sendingini Fres verður frá- søgukvinna til hesi rimmar tiltøk. Trøllini hava konsert í Klaksvík Stórt diskotek í Badmintonhøllini Fyriskipararnir av ólavsøkukonsertini og rockbólkurin Clickhaze eru ósamd um treytirnar, sum Clikchaze skal spæla undir, og tí fer Click- haze ikki at spæla á stóru konsertini TÓNLEIKUR Pop.fo Størsta árliga rockkonsertin í landinum verður hildin uttan ein av fremstu og mest aktivu bólkunum í landinum í løtuni. Ætlanin var, at Clickhaze skuldi verða ein av teimum 9 bólkunum, sum spæla á ólavsøkukonsertini, og bólkurin úr Eysturoynni er eisini á plakatini fyri kon- sertina. Men hevur ein ósemja millum FUT, sum skipar fyri konsertini, og Click- haze við sær, at Clickhaze æltar sær ikki á pallin undir ólavsøkukonsertini. Partarnir eru ósamdir um treytirnar, sum Clickhaze skal spæla undir, og ein partur av trupulleikanum er fíggjarliga samsýningin fyri framførsluna. Eingin annar bólkur Bæði FUT og og umboð fyri Clickhaze váttað, at ó- semjan hevur við sær, at Prix Føroyar vinnararnir ikki verða við á ólavsøku- konsertini í ár. FUT ætlar ikki at senda boð eftir nøkrum øðrum bólki, tí átta aðrir bólkar fara at spæla á konsertini. Høvuðsnavnið á konsert- ini verður Frændur, men afturat teimum eru nógvir kendir bólkar. Millum annað MC Hár, All that Rain og Týr. Ólavsøkukonsertin verður í Kommunuskúlagarðinum fríggjakvøldið 27. juli, og atgongumerki fáast nú í forsølu kring landið. Clickhaze noktar at spæla á ólavsøkukonsertini Clickhaze verður ikki við á ólavsøkukonsertini, hóast bólkurin stendur á plakatini. Mynd: Jens Kristian Vang Tað verða nakrir av fremstu tónleikar- unum í landinum, sum fara at spæla í nýggja Eurovision Hit Band TÓNLEIKUR Pop.fo Tá Brøðurnir Olsen hava konsert í Havn leygar- dagin 4. august, fer ein ein føroyskur bólkur samstundis at spæla fyri fyrstu ferð. Talan er um ein bólk, sum er serliga settur saman til hesa konsert- ina. Bólkurin verður róptur Eurovision Hit Band, og hann fer at spæla nakrar av kend- astu og best dámdu Grand Prix sangunum gjøgnum árini. Millum hesar kunnu nevnast Waterloo, Hold me Now og Ein bischen frieden. Sangarar í bólkinum verða Kim Hansen og Arnfríð Lutzen. Afturat teimum fara Magnus Johannessen, Kaj Johannesen, Johannus á Rógvu Joensen og Ólav- ur Øster at spæla. Har- afturat verður eisini eitt kór í bólkinum. Eurovision Hit Band fer at hita upp til Brøð- urnar Olsen, sum verða høvuðsnavn á konsert- ini, sum verður hildin í ítróttarhøllini á Hálsi. Vestmenn vóru herfyri í Íslandi og spældi, og teir hava eisini spælt nakrar av sínum best kendu sangum inn á íslendskum. Hetta hevur givið teimum blóð á tonna, og sangarin í bólkinum kundi hugsa sær, at Vestmenn gjørdu enn meira við íslendska marknaðin. - Vit hava nakrar sangir á íslendskum, men eitt hugskot hevði verið at gjørt eina ser- liga fløgu til íslendska marknaðin, segði Ólav- ur Højgaard við send- ingina Rák í Rás 2 týs- dagin. - Men tað er umráð- andi, at vit hugsa okk- um væl um, áðrenn vit fara undir eina útgávu í Íslandi, legði hann afturat. Vestmenn vóru sera væl nøgdir við ferðina, sum teir gjørdu til Ís- lands fyri kortum. Eurovision-bólk- urin er mannaður Vestmenn hava hug á íslendska marknaðinum Føroyski countrybólkurin, Vestmenn, kundi hugsa sær at gjørt meira við íslendska marknaðin. Ein serlig fløguútgáva er ein møguleiki, heldur sangarin í bólkinum Vestmenn kundu hugsa sær at gjørt eina serliga fløg0uútgávu til íslendingar Hans Olaf á Oyri farin Mikumorgunin 11. juli andaðist Hans Olaf á Oyri 76 ára gamal. Hans Olaf var bóndasonur á Oyri og var borin til garðin, men hugurin var ikki so stórur fyri bóndayrkinum, so hann læt beiggjan Pól festa garðin. Bert 16 ára gamal, fór Hans Olaf til Íslands í vinnu, sum so mangir aðrir føroyingar tá gjørdu. Hann var við at byggja flogvøllin í Reykjavík. Heimafturkomin úr Ís- landi royndi hann at fáa kjans við føroyskum fiskiskipi. Hetta eydnaðist, og í mong ár baldist hann á sjónum. Hann sigldi við Austerlits í mong ár, ið Bartal á Strondum førdi. Av øðrum skipum, hann var við, skulu nevnast Westvard Ho, Fame, Sundabúgvin, Norð- stjørnan, Búgvin og trolarin Rádni. Eftir mong ár á sjónum fór Hans Olaf at arbeiða á landi, mest í byggivinn- uni. Hjá byggifelagnum Waagstein arbeiddi hann í mong ár. Hann var, á sjógvi og landi, ein álitismaður, raskur, gjørdi lítið burtur úr sær, og var avhildin av teimum, hann samstarvaðist við. Hans Olaf var giftur við Pallu, ið var ættað úr Kví- vík, dóttir Jóhan og Mari- annu. Tey eiga sonin Sámal. Fyri nøkrum árum síðani gavst Hans Olaf at arbeiða, hann hevði aldur til tað, men helst var tað heilsan, ið far farin at bila, ið gjørdi, at hann helt uppat. Hóast nógv nívdur av sjúku, so hoyrdu tú hann ikki gremja seg, hann var eitt sjáldsama tolið fólk, og heldur ikki vildi hann vera øðrum til byrðu. Seinnu árini versnaði sjúkan – lungnasjúka – og hóast tol, treiskni og mót, mátti Hans Olaf til seinast lúta. Hans Olaf og Palla vóru altíð blíð og týð at koma inn á gátt hjá. Mangar vóru ferðirnar, vit gjørdu til Oyrar, meðan børn okkara vóru smá. Børnini føldu seg altíð væl í heiminum hjá Hans Olafi og Pallu. Tey dugdu so fram úr væl at fara við børnum – av sonnum barngóð fólk. Hans Olaf var ein hóv- ligur maður, gekk altíð stillisliga um, altíð hugnaligur at vera saman við, men hevði sínar meiningar, ið hann bar sáttliga og siðiliga fram. Hann hevði eitt gott minni, dugdi væl at siga frá og var altíð áhuga- verdur at lurta eftir. Á sín stillføra hátt kundi hann eisini vera sera skemtingarsamur. Tað er altíð svart at missa ein av sínum kæru, men soleiðis er lívið einaferð, flest øll verða vit rakt av sorg – fyrr ella seinni. Hesaferð rakti sorgin serliga meint Pallu, Sámal og Danvør og børn teirra, ið stóðu honum næst, umframt onnur, ið stóðu honum nær. Ikki minst verða abbabørnini rakt, tí tey høvdu so nært tilknýti til abban og ommuna – Hans Olaf og Pallu. Hvønn einasta dag vóru tey hjá teimum, og hildu ómetaliga nógv av teimum, og vit kunnu siga, at hetta var teirra næsta heim. Stutt áðrenn Hans Olaf andaðist, føldi hann á sær, at hann hevði ikki langt eftir. Meðan sjúkan nívdi harðast, tók hann í hond- ina á konuni og segði: Góða Palla, nú fari eg skjótt hið ani, tað merki eg, Jesus verður eftir hjá tær og tykkum. Soleiðis var Hans Olaf, hevði altíð so stóra umsorgan fyri sínum næstu, sjálvt ta síðstu løtuna hann lá og stríddist. Hans Olaf er farin. Saknurin kennist svárur. Orð í slíkum løtum hjálpa so lítið, tó fara vit at minna tykkum á, at tit eiga minnini um ein góðan mann, góðan pápa og ikki minst ein góðan abba – tey koma tit altíð at eiga. Gott er at kenna hitan frá hondum, ið sleptu. Friður verður lýstur yvir minnið um Hans Olaf Debes. Gunnvør og Signar Í dag lækkar Føroya Banki rentustigina á innlánum við 0,25%. Flestu útlánsrentu- stigini lækka við p 0,25-0,5% BANKAVIRKSEMI Tíðindaskriv Frá í dag at rokna lækkar Føroya Banki rentustigini. Øll rentustigini á innlánum verða lækkað við 0,25%. Hetta sigur Føroya Banki í tíðindasrkivi fríggjamorg- unin. Eisini eftir rentulækking- ina er rentan á samanspar- ing í Føroya Banka á sama stigi sum – og í nøkrum førum hægri enn – rentan á peningamarknaðinum. Bara íløgur í langfreistað lánsbrøv geva hægri rentu enn bankans innlánsrentu. Men hesin munur verður útlíknaður fyr tey privatu við eini hægri skatting – og við einum størri váða. Flestu útlánsrentustigini lækka við 0,25-0,5%. 1. veðrættaðar bústaðar- lán við serligari góðari trygd lækka við 0,5%, so- leiðis at besta rentan á veð- lánum banbkans nú er 6% p.a. Fyri hini bústaðarlánini verður eingin rentubroyt- ing. Meginparturin av bankans bústaðarlánum verður ávirkað av rentu- lækkingin. Fyri øll onnur útlán og kredittir lækka rentustigini við 0,25-0,5%. Bestu rentu- stigini á billánum hjá Føroy Banka er eftir rentubroyt- ingina 7% p.a. Tað er bankans fatan, at rentustigini so líðandi vóru farin eitt sindur út av lagi í mun til galdandi markn- aðarrentu. Við seinastu rentubroytingini hjá Nationalbankanum fyrr í mánaðinum eru diskontoin og tey leiðandi rentustigini í peningamarkanðinum fallin við 0,25% – í nøkrum førum nakað meiri – síðani bankin seinast broytti rent- una í oktober í 2000. Rentumunurin – tað er munurin millum útlánsrent- una og innlánsrentuna – í føroysku peningastovnun- um er so smátt komin á eitt lutfalsliga lágt stig. Grund- að á hetta væntar Føroya Banki, at gongdin við at lætta um rentumunin, sam- stundis sum nýggj tænastu- gjøld verða løgd á tænastu- veiting hjá peningastovn- um, fer at halda fram. Føroya Banki lækkar rentuna C M Y K 13 12