fríggjadagur 4. juli 2008síða 15

Nr. 127 - 4. juli 2008 15 Margit Petersen, ættað úr Kollafirði, búsitandi í Runavík, andaðist á Landssjúkrahúsinum mikudagin 2. juli, 77 ára gomul. Bønarhald verður í Landssjúkrahús­ kapellinum leygardagin kl. 17. Kistan væntast at koma í Glivra kirkju kl. 18.30 Jarðarferðin verð­ ur úr Glyvra Kirkju sunnudagin kl.14.30 Tey ið ynskja at minnast Margit, kunna lata ”Før­ oya Felag mótir Krabba­ meini” eina gáva, konta í peningastovnunum. Herluf Haraldsen and­ aðist týsdagin á Ellis­ heiminum í Vágum, 91 ára gamal. Kistan fer frá Ellisheiminum hós­ kvøldið klokkan 18. Jarðarferðin verður úr Sandavágs kirkju fríggja­ dagin kl.13. Tey, ið vilja minnast Herluf, kunnu lata Ellisheiminum á Sýnini eina peninga­ gáva, konto í peninga­ stovnunum. Bjarni Poulsen, sonur Joan Poulsen, búsitandi í Haderslev, andaðist á Sønderborg Sjúkrahúsi týsdagin, 10 ára gamal. Jarðarferðin verður leygardagin klokkan 14 frá Gamle Haderslev Kirke. Sverri Rasmussen, vanliga nevndur Sverri hjá Skálapalla, andaðist týsdagin 91 ára gamal. Jarðarferðin verður úr Ebenezer leygardagin kl. 13.30. Tey, ið vilja minnast Sverra, kunnu senda Akurinum eina gávu, konto í peninga­ stovnunum. Ebba Wang, í Hoyvík, fødd Elsebeth Kristine Simonsen, andaðist á Landssjúkrahúsinum mikudagin 2. juli, 93 ára gomul. Kistan fer frá Kapellinum sunnu­ dagin klokkan 17. Jarðarferðin verður frá Hoyvíkar Kirkju til kirkjugarðin í Kaldbak mánadagin kl. 14. Tey, ið vilja minnast Ebbu, kunnu lata Hoyvíkar kirkju eina gávu. Konto í Føroya Banka og Eik. Andlát og jarðarferðir nøvn Sunnudagin 6. juli verður Jenny Samuelsen í Havn 80 ár. Jenny er ættað úr Norðragøtu. Hon er dóttir Nicolinu og Amaliel, van­ liga kallaður Maljar, Jacob­ sen. Nicolina var dóttir Jo­ hannu og Fredrik á Fløtti í Norðragøtu, og Maljar var sonur Petur Jakku í Ytsta­ húsi á Skipanesi. Mamman, Anna Sofía, doyði í 1901, tá ið Maljar var 6 ára gamal. Tá kom hann til Norðragøtu at vera hjá fastrini Marin í Mortanstovu. Nikolina er annars nr. 37 á myndini frá Gøtu kirkju í Miðvikuni mikudagin og systir hennara Johanna er nr. 25. Tey vóru ikki færri enn 12 systkin hjá Maljari. Mart­ in doyði sum smádrongur. Otto, Sofus og Arna eru síðan deyð, so nú eru tey átta eftir á lívi. Tey eru Schwarts, Frederik, Piddi, Hanna, Jenny, Johannes, Lina og Selma. Jenny fór sum 19­ára gomul til Havnar at tæna hjá Jens Chr. Olsen, telegraf­ bestýrara. Tey búðu har barnatannrøktin heldur til í Tórsgøtu. Í Havn hittir hon Tórolv, sonur Lillu og Alex í Horni. Børnini hjá Alex vóru sjey. Tá í tíðini tóku fólk sær tíð, áðrenn tey giftust. Tað gjørdu Jenny og Tórolvur eisini. Tey gingu saman í eini 5­6 ár, til tey giftust í mei 1954 og fluttu inn í nýbygdu húsini við Markna­ gilsvegin. Bygdu í oyðimørk Tórolvur keypti grundøkið í 1951 frá Jákup Hans hjá Kaldbaks­Petur. Tá hildu fleiri hann vera óðan í høvdinum, at keypa sær grundøki burturi í óbygdum, næstan uttanfyri lóg og rætt. Nú er hetta at kalla mitt í býnum. Segði tú við drotningina Jenny hevur kokkast og matgjørt meginpartin av lívinum. Hetta ger hon enn, tá ið boð verða send eftir henni. Tað verður eisini tikið til, hvussu dugnalig hon er á hesum øki. Hon er eisini kend sum eitt arbeiðs­ grev. Fríðrikur kongur legði grundarsteinin til Vestur­ kirkjuna í Havn. Men hann var deyður, tá kirkjan í 1975 varð vígd. Ingrid drotning kom upp til vígsl­ una og gisti tá í Amtmans­ borgini. Undir hesi vitjanini var Jenny ‘kammerpige’ hjá drotningini – og tær báðar blivu ‘dus’, søgdu tú við hvørja aðra. Hetta er ikki nøkur sjálvfylgja í hes­ um kreðsum! Men hetta sigur eisini nakað um Jenny, hvussu væl hon dugir við fólki. Jenny hevur eisini javnan matgjørt hjá ríkisumboðs­ manninum, tá ið hann hevur havt gestir og samkomur. So væl hevur hetta verið gjørt, at Jenny fekk ‘fortjen­ estemedaljen’ í februar 1987. Tjaldur á vitjan Tey bæði hava altíð havt stóran áhuga í náttúruni og hava gingið á flestu fjøllu­ num her í megin­økinum. Enn gongur Jenny túrar við hundinum og er altíð klár at fara í fjøllini, um hon verð­ ur spurd. Eisini hava tey meira enn flest onnur havt náttúruna við hús. Í nógv ár hava tey havt vitjan av einum tjaldur­ spari. Tey mugu kenna seg vælkomin, tí koma tey aftur ár eftir ár og pikka á køks­ vindeygað at siga frá, at nú eru tey her! Tey verða eisinu væl fóðrað. Jenny og Tórolvur fingu í 1955 sonin Alexander, sum er giftur við Súsannu úr Klaksvík. Tey bæði eiga børnini Tórolv, Jenny og Alexander. Langommabørn­ ini eru tvey, sum Jenny eig­ ur. Tey bæði “gomlu” liva nú fult út fyri sína lítlu familju. Enn fýrir Jenny ikki fyri at passa langommu­ døturnar, sum eru trý og eitt ár, tá ið tørvur er á tí. Sterk ættarkensla Tað sum annars er eitt eyð­ kenni fyri Jenny og hennara er eitt sterkt familjusaman­ hald og ættarkensla. Hetta er ikki minst galdandi mill­ um systkini. Eitt tað vakr­ asta dømi um hetta er, tá ið beiggin Otto doyði í USA, eftir at hann hevði búð har meginpartin av lívinum. Otto ynskti at verða grivin í Gøtu, og hetta gjørdu systk­ ini eisini møguligt. Salurin Fildelfia var fullsettur, og sungin var ein sangur til jarðarferðina, sum Jenny hevði yrkt. Systkini bóru hann seinasta teinin. Ættin ger eisini nógv fyri at halda samband við familjuna hjá Otto. Sum skilst liggur fyri hjá Jenny at yrkja, og hetta ger hon ofta, tá brúk er fyri tí. Men so beskeðin er hon, at hetta ger hon ikki nógv hóvasták burtur úr. Tórolvur má ikki gloymast Tórolvur hevur júst eisini fylt 80 ár, og tí skal hann ikki gloymast. Sum greitt er frá, er hann ættaður úr Horni. Part av hornasøguna hava vit júst havt í Mið­ vikuni. Johan Norðfoss og Tórolvur eru systkinabørn. Her er komið fram, at horna­ fólkini millum aðrar dygdir hava eitt sera gott minni og duga væl at greiða frá. Hetta er eisini galdandi fyri Tórolv, sum kann greiða frá viðurskiftum langt aftur í tíðina í minstu smálutir. Annars byrjaði lívið ikki væl hjá honum. Hann fekk tuberklar í rygginum. Mamman Lilla, sum var ein sera bestemt dáma, vildi hava dreingin niður til Dan­ markar at fáa viðgerð. Hetta var ikki bert sum at siga tað. Men mamman fekk sítt ígjøgnum, og hetta bjargaði honum. Annars hevur lívið hjá Tórolvi verið merkt av trúfesti. Hann arbeiddi fyrst í 32 ár hjá Balslev, og síðan 17 ár hjá Elektron, til hann legði frá sær fyri aldur. Á Elektron arbeiddi hann sum húsavørður. Sigast kann um tey bæði, at tey eru fryntlig og fyri­ komandi og ikki kann sig­ ast, at aldur sæst á teimum. Ynskt verður teimum báð­ um hjartaliga tillukku við teimum 2 x 80 árunum. Føðingardagin, sunnudag­ in, eru øll vælkomin at heilsa uppá Jenny í Pálls­ stovu millum kl. 13 – 17. ó. Jenny Samuelsen 80 ár Dagurin 5. juli. Anshelmus. Tað er allarhelst navnið á tí tiltikna guðfrøðinginum og erkabiskupinum í Canterbury, sum doyði í 1109. 6. juli. Djóni. Neyvan navn á einum halgimenni. Teir halda, at navnið av tilvild er komið upp í halgimannatalið. Djóni er stytting av grikska gudanavninum Dionysius. 7. juli. Villebaldus, deyður í 787. Saman við pápa sínum Rikardi og bróðurinum Vunibaldus gjørdi hesin enski munkurin pílagrímsferð til Róm og var tann einasti, ið kom fram. Seinni gjørdist hann biskupur í Eichstadt í Bayern. Tórolvur og Jenny Tøkk Til tykkum, sum frøddu meg á mínum 90 ára degi, vil eg bera mína hjartans tøkk. Tøkk fyri gávur, fjarrit og góð ynskir. Tøkk fyri áhugaverdar og skemtiligar røður, sum bygdu eitt gott undirhald við eitt hugnaligt borðhald. Ein tøkk til Eysturoyar Tjóðveldisfelag fyri heiðursskjalið, mær varð handað, nú flokkurin fór um tey seksti. Hetta kom í samljóð við tað landið tú nemur. Gud signi tykkum øll. Gud signi mítt føðiland Føroyar. Blíðar heilsanir Petur Højgaard, Saltangará