fríggjadagur 4. juli 2008síða 10

Nr. 127 • 4. juli 2008 Vikuskifti 10 Sosialurin hevur í nakrar vikur verið úti við myndatólinum og setir í hesum døgum ljós á tær ovurhonds stóru mongdirnar av burturkasti, sum sløðist runt í okkara vøkru oyggjum. Bæði á bygd, í bý og úti í náttúrini. Hetta er sjeyndi partur í røðini við misvísandi yvirskriftini »Heimsins reinasta oyggjaland. Allar myndirnar eru tiknar ígjøgnum rútin á einum bili á alfara vegi, ella har koyrandi er. Gløgt er gestsins eyga, sigur orðatakið, og tað merkir, at alt burtur kastið, sum sæst ígjøgnum myndatól okkara, sjálvandi eisini kann avmyndast av teimum ferðafólkum, sum vitja Føroyar. Tær fyrstu myndirnar vóru úr høvuðs staðarøkinum, har flestu ferðafólk koma upp á land ella seta kós ímóti, eftir at vera lend í Vágum. Í øðrum parti vóru vit í grannabygdunum fyri norðan, Kaldbak, Kaldbaksbotni og Sundi, sum allar hoyra til Tórshavnar kommunu, ið herfyri hevði umhvørvisviku, og í triðja parti stóðu bygdirnar vestan- og norðanfyri, Kirkjubø, Velbastaður, Syðradalur og Norðadalur, fyri skotum. Myndirnar í fjórða parti vóru av Signabø, úr Kollafirði, Hósvík, við Áir og úr Hvalvík, meðan vit mánadagin vóru í Saksunardali og Saksun. Mikudagin høvdu vit myndir úr Sundalagnum norðanfyri brúnna vestarumegin. Tað vil siga við sjálva brúnna, í Nesvík, á Langasandi, í Haldórsvík, men ikki úr Tjørnuvík. Har var nevniliga onki at seta fingur á. Í dag eru vit á suður-eystaru síðu av Sundalagnum og byrja við Oyri, sum eisini er í Sunda kommunu. Her var so mikið nógv at taka av, at bygdin einsamøll fær halgað hesar báðar blaðsíðurnar. Føroyar skal vera ferðamannaland, er vakra endamálið hjá bæði politikarum og myndugleikum, sum arbeiða við ferðavinnu. Í fjør kom stóra herðaklappið frá háttvirda tíðarritinum, National Geografic Traveler, sum setti Føroyar á eitt fyrsta pláss av 111 oyggjalondum, tá tað snýr seg um at hava reint umhvørvi. Men liva vit upp til hetta? Og hvønn mátistokk hava tey fólkini brúkt, ið hava útnevnt oyggjar okkara til henda fornemma heiður? Um tey yvirhøvur hava verið her og hugt upp á umstøðurnar, so er ivaleyst gjørt skjótt av. Og hava hesi verið varug við tey túsundtals tonsini av burturkasti, sum sløðist runt allastaðni? Um so er, kann hetta valla hava talt við í grundarlagnum fyri metingini. Annars má standa ómetaliga illa til í øðrum oyggjalondum, sum eru á listanum hjá blaðnum. Tað var í øllum førum ikki torført at fáa eyga á óruddið ígjøgnum myndatól okkara. Føroyar eru naknar og opnar, og tí sæst óruddið her nógvar ferðir betri, enn tað ger í londum, har trø og annar vøkstur kann fjala ein stóran part. Nøkur vøkur sjón er hetta ikki, og fyri mong man tað tykjast óskiljandi, at fyritøkur, stovnar, kommu nalir myndugleikar og onnur sleppa avstað við at seta gamlar maskinur, bil skrokk ar, bingjur og annað burturkast frá sær á slíkan hátt. Ringast er við havnaløg, ali støðir, ídnaðarøki, bóndagarðar, jarðarbrúk og í niðurløgdum grótbrotum, har onki mark tykist vera fyri skilaloysinum. Og hvør hevur ábyrgdina fyri, at hetta kann lata seg gera? Tosað verður nógv um nýggjar brennistøðir, tí orkan er ov lítil, men hesar megna onki at gera við gamalt jarn. Tað má tyrvast ella flytast av landinum. Eisini í dag lata vit myndirnar tala, og tað halda vit fram við fleiri ferður um vikuna komandi tíðina. Herferðin hjá Sosialinum tykist longu hava givið úrslit. Síðani blaðið fór í gongd við at vísa á órudd og burturkast, hevur Tórshavnar kommuna álagt øllum at rudda upp á kommunalum vegum og økjum í seinasta lagi 7. juli. Annars verður hetta burturbeint uttan aðra ávaring. Samstundis tekur kommunan fyrivarni fyri at krevja allar útreiðslur í hesum sambandi endurgoldnar fyri eigarans rokning. Lagt til rættis: Kári Mikkelsen karim@sosialurin.fo Myndir: Álvur Haraldsen alvur@sosialurin.fo Oyri 7. partur Heimsins reinasta gt til rættis: i Mikkelsen @sosialurin fo Mynd Álvur Harald alvur@sosialuri rtur He di tti M d hesaferð oyri Oyri Oyri Oyri Oyri Oyri Oyri