mánadagur 7. juli 2008síða 19

19 [ Nr. 128 - 7. juli 2008 ] Soleiðis skal tað vera Tað eru tveir av royndu og sigursvandu GÍ spæl­ arunum, sum sita á beink­ inum hjá Víkingi. Anton Skoradal er venjari og Magni Jarnskor er hjálp­ arvenjari. Teir hava báðir vunnið nógv, og eitt av eyðkennunum hjá GÍ lið­ num í teirra tíð var stríðs­ vilji og fínur hugburður. ­ Okkara vísa framúr hugburð, og teir fáa løn fyri tað. Nú ræður um at halda tørn um sovorð­ in avrik, so fæst at síggja, hvat kann spyrj­ ast burturúr, helt væl nøgdi Magni Jarnskor. Víkingur hevur tap ímóti ÍF og B68 og spælt javnt ímóti Skála og KÍ. Seinastu ferðir­ nar hevur tað eydnast at vinna á oddaliðunum báðum EB/Streymi og NSÍ: ­ Hetta vísir, at vit hava møguleika ímóti øllum, og at vit kunnu tapa ímóti øllum. Tað ræður fyrst og fremst um hugburðin, og tað er neyðugt, at hann verður tann rætti, tá ið Skála sunnudagin kem­ ur at vitja, heldur væl nøgdi Magni Jarnskor. Sigursrøðin steðgað Í NSÍ leguni var lagið einki serligt eftir tapið. Semja var um, at hetta hevði verið eitt tað lak­ asta ella rættari tað lakasta avrikið av øllum higartil í hesum árinum. NSÍ hevði undan fríg­ gjakvøldið spælt seks ferðir uttan at tapa. Fýra sigrar og tveir javnleikir hevur úrslitið verið. Jónas þór Næs sást einki til fríggjakvøldið. Hann verður við hós­ kvøldið, tá ið HB kem­ ur at vitja. Hugburðurin hjá honum er altíð fram­ úr, og tí verður hann kærkomin. Um Karoly Potemkin verður mill­ um teir fyrstu ellivu fer tíðin at vísa. Avrikið fríggjakvøldið bar ikki boð um, at hann eigur sjálvskrivað pláss. At fótbóltur er lið­ avrik, sum ­ umframt á bóltførleika og fatan fyri spælinum ­ eisini er grundað á stríðsvilja, orku, ferð og styrki varð ruddu­ liga undirstrikað, tá ið Víkingur setti meistar­ arnar upp á pláss Fótbóltur Jóannes Hansen joannes@sosialurin.fo Fótbóltur er liðspæl. Tað er gott at hava eyðsýndar ein­ staklingar. Teir kunnu ofta gera munin á, hvør endar omaná, og hvør endar undir. Men sum oftast er avgerandi, hvussu eindin riggar. Eitt gott dømi um hetta var fríggjakvøldið, tá ið Víking­ ur rudduliga streyk avstað við øllum stigunum, tá ið gøtumenn og leirvíkingar vit­ jaðu grannarnar við Løkin. Víkingur vísti størsta part­ in av tíðini besta liðavrikið. Hugburðurin var framúr. Nærlagni og styrkin í nær­ dystunum vóru stór, og sum 2. hálvleikur leið, lýsti vilj­ in at vinna nógv meiri út av teimum ljósa bláu, sum høvdu meiri ferð og vóru nógv meiri avgjørdir. NSÍ legði seg á odda bein­ anvegin. Víkingur gjørdi óneyðugt fríspark í vinstru ímóti Einari Hansen, Hjal­ grím Elttør sendi innfyri, og Øssur Dalbúð var aftur hesa ferð á rætta staðnum í røttu løtuni, tá ið hann við høvdinum stýrdi bóltin í málið. Eftir málið leikaði javnt á í eina løtu, men so við og við sást, hvønn veg tað bar. Gestirnir vóru grammari og arbeiðssamari, og heima­ menninir høvdu alt meiri ilt við at finna saman og at vinna týdningarmiklu nær­ dystirnar og returbóltarnar. Sølvi Vatnhamar og Sam Jacobsen vóru óførir á sentr­ ala miðvøllinum, og umframt dygdirnar í liðav­ rikinum, so hevði Víkingur mest eyðsýnda mannin á vøllinum: Andrias Lava Olsen var støðug hóttan fyri heima­ verjuna og eisini miðvøllin, tá ið hann fór aftur á vøllin fyri at fáa fatur á bóltinum. Tað gekk ógvuliga illa at fáa bóltin av honum, og ikki minst hansara einmans­ avrik var orsøkin til, at Víkingur fekk valuta burtur úr yvirvágini, sum gjørdist alt størri. Men tað tók sína tíð. Tórð­ ur Thomsen helt NSÍ málið reint, inntil minni enn eitt korter var eftir. So skrædn­ aði, og tað var væntandi. Erling Jacobsen, sum var ytstur á miðvøllinum í vinstru, gjørdist alt meiri eyðsýndur og vísti ferð og tyngd í gjøgnumbrotunum, og fleiri vandastøður spurd­ ust burturúr innleggunum. Útjavnandi málið stóðst av verjumistaki. Tórður Thomsen var ov seinur eftir kiksaðari afturlegging, Andrias Lava Olsen var sum eitt fok har og fór um koll, og dómarin peikaði á brotssparksblettin. Liðfor­ maðurin, Niclas Niclasen, var púra kaldur og tryggur, og tað kendist, at tað var meiri eftir í posanum hjá Víkingi. Erling Jacobsen skoraði til 1­2. Eftir bólttap var Zol­ tán Bukzegi enn eina ferð fyrri á enn mótstøðumenn­ inir, hann smekkaði til eitt sindur úr høgru, málverjin hálvbjargaði, og sum í flestu øðrum støðum, so var ein víkingur fyrstur á returbóltinum. So fekk NSÍ skund. Skift­ ingarmøguleikarnar høvdu teir brúkt. Einasti mál­ skjúttin, Øssur Dalbúð, slapp ikki á vøllin eftir steðgin, og miðskeiðis í 2. hálvleiki vóru tvær skifting­ ar gjørdar í roynd at tippa. At nógv fólk varð flutt fram á vøllin síðstu løtuna bar fleiri vandamiklar støð­ ur við sær frammanfyri NSÍ málið enn í hinum endanum. Karoly Potemkin hevði sum rímuligt var torført við at samskifta við liðfelagarnar. Ofta var hann úti í borðun­ um, og so var eingin gulur í mótstøðubrotsteiginum. Aco Panudorvic sá reytt fyri professionelt fríspark, og so var tað, at liðavrikið og dygdirnar hjá mest eyð­ sýnda einstaklinginum gingu upp í hægri eind: í snarálopi spældi Erling Jac­ obsen, sum var staddur mitt fyri, eitt sindur í høgru og framum tunnu verjuna, og Andrias Lava Olsen smekk­ aði bóltin í málið. Meistararnir vóru enn eina ferð mintir á, at grann­ arnir hinumegin Eiðið eru ikki at spæla við. Teir vístu bestu liðdygdirnar, og teir áttu besta einstaklingin. Nú er Víkingur á triðja plássi, og um teir halda fram við somu ferð, so kunnu teir røkka uppaftur hægri. Spurningurin er, um teir nú fara at megna at halda tørn um dygdirnar, sum eru tær, ið avgera tætt­ ar fótbóltsdystir. NSÍ-Víkingur 1-3 (1-0): Viljin var sum stál hjá víkingum Víkingur NSÍ Aftur tap til Hødd Hødd tók ímóti NIL­Trysil á Høddvoll Leikvøllinum í Ulsteinsvik. Tað var minni enn hálvur tími farin, tá NIL­ Trysil hevði lagt seg á odda 3­0 við tveimum málum hjá Håvard Storbæk, og einum máli hjá Kim Ojo. 3­0 gjørdist eisini hálvleiksstøðan. Hødd royndi at gera ein spurt ímóti endanum av dystinum, Eirik Hoseth og Fernando Caballero minkaðu um munin til 2­3, men longur rakk Hødd ikki. Hødd er framvegis undir niðurflytingarstrikuni í næstbestu norsku fótbóltsdeildini við 9 stigum fyri 12 dystir. Blé heldur fram á Argjum Um AB næsta kappingarár framvegis fer at spæla í 1. deild, ella um AB fer at flyta upp aftur í bestu deildina, er framvegis ógreitt. Men longu nú er tað greitt, at Evradr Blé eisini næsta kappingarár fer at spæla við AB. AB heimasíðan veit at siga, at AB og miðvallarin, sum eisini er liðformaður, í leygarkvøldið skrivaðu undir sáttmála, sum bindur spælaran og felagið at hvørjum øðrum til næsta kappingarár verður liðugt. Galdandi sáttmálaskeiðið var annars runnið nú í summar. Meistararnir vóru enn eina ferð mintir á, at grannarnir hinumegin Eiðið eru ikki at spæla við Mynd: Álvur Haraldsen