mánadagur 14. juli 2008síða 10

10 tíðindi Nr. 133 - 14. juli 2008 Hóast stevna hevur verið bæði í Miðvági og á Sandi, hevur vikuskiftið verið friðarligt. Okkurt ferðsluóhapp, stuldur og eitt kollektivt neytasjálvmorð eru tað mest merkisverda. LøgregLa Rógvi Nybo rogvi@sosialurin.fo Nú stevna hevur verið bæði í Miðvági og á Sandi, hevur løgreglan í Havn ikki havt tað stóra at gjørt. Ein maður varð koyrur úr Vágunum til Havnar at sova rúsin av sær leygarnáttina. Sunnudagin klokkan 16.10 fekk løg­ reglan boð um, at eitt neyt var omandottið av einum hamri við Sundsverkið. Tá løgregla og djóralækni vóru komin á staðið, leyp eitt annað neyt, ið enn stóð uppi á hamrinum oman, og stutt eftir leyp tað triðja eisini oman. Hví hesi trý neytini valdu at stoyta seg omanav, er ilt at gita um. Sunnukvøldið klokkan 23.30 fekk varð løgreglan boðsend til Keypssam­ tøkuna í Hoyvík, har onkur hevði stolið 20 kartengur av sigarettum, nakrar pakk­ ar av rullitubbaki og 1200 krónur í vekslipengum. Í Klaksvík varð eitt ferðsluóhapp norðuri á Stongum leygarmorgunin um klokkan trý, har ein ungur maður rendi á ein garð. Hesin er nú skuldsettur fyri spirituskoyring. Eitt annað lítið ferðsluóhapp hevur verið, ein sokallaður parkeringsskaði. Harafturat hevði onkur maður, ið var á veg heim úr býnum, vakt okkurt húsið, og har var løgreglan so boðsend. Hóast stevna hevur verið í Húsavík, hevur vikuskiftið verið stak friðarligt hjá løg­ regluni í Sandoynni. Á Tvør­ oyri var ein maður tikin fyri at sigla rúsdrekkaávirkaður á Trongisvágsfirði. Hetta er brot á sjólógina og verður sektað við bót. Harumframt vóru tveir ungir mans skuld­ settir fyri rúsdrekkakoyring, annar leygarnáttina um klokkan tvey, og hin sunnu­ morgunin um klokkan átta, upplýsir løgreglan. Vestanstevna hevur verið í Vágunum, og har hevur okkurt smávegis verið. Fríggjanáttina varð ein rútur varð knústur á politi­ støðini í Miðvági, og tveir mans vóru farnir til hendurs uttanfyri MB­húsið. Eisini vóru fýra fullar damur farn­ ar at skeldast nakað illa, og løgreglan mátti skilja tær sundur. Herverk varð eisini framt á ein bil, ið stóð uttan­ fyri Mylluna. Gerningsmað­ urin er funnin í hesum mál­ inum. Leygarnáttin var meira friðarlig. Onkur ósemja, har nevar vóru á lofti, mátti greiðast, og fleiri vóru sovnaði úti. Ein maður var somikið niður­ køldur, at hann varð sendur á Landssjúkrahúsið til víð­ ari kanningar. Samanumtikið eitt friðar­ ligt vikuskifti, hóast nógv fólk hevur verið úti, upp­ lýsir løgreglan. Friðarligt vikuskifti Hvussu mundi norður­ lendski tónleikapallurin síggja út fyri 1000 árum síðani? Hendan spurning fer norðmaðurin Odd Sylv­ arnes at viðgera í Valhøll í Syðrugøtu í kvøld klokkan 20. Í samband við, at Trónd­ ardagar eru í Gøtu, verður í kvøld skipað fyri tónleika­ seminari í Syðrugøtu undir heitinum “Tónleikur fyri 1000 árum síðari”. Norðmaðurin Odd Sylvar­ nes Lund vitjar í hesum døgum oyggjarnar, og fram­ førdi á konsertini í Gøtu kirkju leygarkvøldið á sínum sermerktu ljóðførum verk frá fleiri ymiskum tíð­ arskeiðum. Í kvøld leggur hann fyri og greiðir frá sínum hugsanum um eldri norðurlendskan tónleik. Odd virkar partvís sum professari á Norges Musikk­ høgskole í Oslo og partvís sum fólkatónleikari. Hann hevur ognað sær serkunn­ leika í gomlum norskum ljóðførum so sum lúðuri, bukkhorni og munnhørpu. Við hesum ljóðførum hevur hann ferðast víða um við sínum tónleiki og hevur millum annað roynt seg saman við Berlinar philhar­ monikarunum og setti olym­ piaduna í Lillehammer. Seminarið verður í kvøld klokkan 20 og er ókeypis. Tón- leikur í 1000 ár Tróndadagar eru í Gøtu Mynd: Jan Müller Svanapar við ungum Ikki er óvanligt, at svanir steðga á Niðri á Vatni, men meiri sjáldsamt er tað, at eitt svanapar reiðrast á hesum staði. Í seinastuni hava eiðisfólk og onnur vitjandi eygleitt, hvussu bøgan hevur ligið á eggum, og leygardagin kundu fólk við frøi – og frøði – staðfesta, at svanaparið hevði ríkað djóralívið við tveimum ungum. Í dag ber til at síggja hesar ungarnar, væl vardir av foreldrum sínum, svimja aftur og fram á vatninum. – Einki er at siga til, at henda søguliga hending og vakra sjón vekir ans millum fólk á Eiði og helst aðrastaðni við, skrivar heimasíðan hjá Eiðis kommuna. Arbeiða víðari við Kambodja-ætlanini Høvuðsstýrið hjá Heimamissiónini hevur tikið avgerð um, at arbeiðast skal víðari við asiatiska landinum Kambodja sum nýtt fokusøki fyri útimissión. Tørvur fyri evangeliserandi arbeiði er til staðar í landinum, og við hesi avgerð­ ini hevur Heimamissiónin tikið eitt stig víðari í hesi tilgongdina. – Nógv skal gerast, áðrenn nakar kann sendast út. Vit hava tosað við norðurlendskar missi­ ónsfelagsskapir, og teir siga, at tað tekur eitt til tvey ár, áðrenn nakar kann fara út. Vit meta tað verða neyðugt at vera væl fyrireikað, og tí má tað taka sína tíð, sigur Thomas Dam, formaður í høvuðsstýrinum Nógv arbeiði skal kortini gerast, áðrenn fyrsti trúboðarin kann sendast hagar – kanska 1­2 ár.