mánadagur 14. juli 2008síða 20

20 [ Nr. 133 - 14. juli 2008 ] Hóast avrikið hesa ferð ikki hevði somu tyngd, sum tað hevur havt ímóti oddaliðunum, so megnaði Víkingur at vinna øll stigini ímóti Skála, ið neyvan verður gamalt á botnplássinum VÍKINGUR-SKÁLA Jóannes Hansen Tróndar dagarnir eru í hæddini. Sunnudagin var ein partur av skránni í Sarpugerði, har Víkingur hevði vitjan av Skála. Hesar dagar verður leitað aftur í søguna. Tá ið ræður um Trónd í Gøtu verður leitað túsund ár aftur í tíð­ ina, og tað vil siga aftur í víkingatíðina. Í fótbóltshøpi er víkinga­ søgan stutt. Hetta er fyrsta árið, at leirvíkingar og gøtu­ menn í felag manna víkinga­ liðið. Søguliga er hægsti tindurin hjá leirvíkingum fjórða pláss í bestu deildini í 1984 og 1985. Hjá GÍ eru søguligu tindarnir væl hægri. Teir hægstu eru FM heitini í 1983, 1986, 1993, 1994, 1995 og 1996. Tað eru søguligu tindun­ um hjá GÍ, sum Víkingur nú miðar eftir. Úrslitini sein­ astu ferðirnar hava boðað frá, at tað ikki er óhugsandi, at tað skal bera til at røkka høgt. Nú eru teir eitt stig frá bronsuplássinum. Sigrarnir ímóti EB/ Streymi og NSÍ vóru vunnir við støði í fínum hugburði, stórum stríðsvilja og framúr arbeiði. Tað hevur borið gott spæl, upplagdar møgu­ leikar og málini við sær, sum hava borið sigrarnar við sær, tí verjan hevur verið so tøtt. Ímóti skálamonnum var avrikið ikki heilt tað sama, sum tað hevur verið ímóti toppliðunum. Men tað var nóg mikið til at ogna sær øll stigini og harvið at kynda uppundir gott Tróndar lag. Í sambandi við fagnaðardagarnar varð steyp handað til víkingarn­ ar. Málini Zoltán Bukzegi skoraði fyrra heimamálið tíðliga í 1. hálvleiki. Næstsíðsta fót­ in á bóltinum átti Andreas Lava Olsen, sum aftur hesa ferð hevði rættuliga avger­ andi leiklut. Tíggju minuttir eftir steðgin var tað Andreas, sum økti um munin. Sentrali miðvallarin, Sølvi Vatnham­ ar, legði bóltin fram í høgru síðu, har tað tóktist sum, at skálaverjan hevði tak á. Men talan mundi vera um misskiljing, og so var Lava maðurin sum ein køttur ímillum, streyk avstað við bóltinum og sneiddi fram­ við Geza Turi, áðrenn hann trillaði bóltin í tóma málið. Tað kendist sum heima­ liðið hevði fult tamar hald á støðuni. Men enn eina ferð kom til sjóndar, at 2­0 leiðsla ikki altíð er so løtt at handfara. Í yvirtíðini mink­ aði Skála um munin, tá ið miðverjin Arnhold Berg við nærra stólpan umsetti frí­ sparksinnlegg til mál. So var heilt spennandi, og tá ið bara ein minuttir var eftir av tíðini, sum dómarin hevði lagt afturat, var tað um reppið, at Skála javnaði. Men royndin hjá Obi fór skeivu megin stólpan aftanfyri Geza Turi. Framtíðin Skála er í summarsteðgin­ um á niðasta plássi. Tað er einki serligt, men tað kann væl hugsast, at skálamenn fara at megna at lyfta seg tvey pláss upp og harvið fara at sleppa undan niður­ flytingini. Ofta roynist illa hjá teim­ um tíðliga á árinum, eitt nú tí fleiri spælarar tá hugsa meiri um hondbólt enn um fótbólt. Sunnudagurin í Sarpu­ gerði vísti, at manningar­ ligu fyritreytirnar eru betri nú, enn tær hava verið fyrr í ár. Jónhard Frederiksberg er komin aftur úr Runavík, og Bogi Gregersen, sum hevur hildið frí frá fótbólti, var við aftur. Hann varð settur inn fyri miðverja, tá ið munurin var vorðin tvey mál. Um teir báðir rættuliga koma fyri seg aftur, og sam­ anspælið við Alexandur Johansen, Obi og Paula G. Hansen og hinar fæst at rigga, so bíða stig og sigrar. Men sjálvandi er fyritreytin hart arbeiði. Hjá Víkingi er næsta av­ bjóðingin HB í Gundadali 6. august, tá ið bronsupláss­ ið stendur upp á spæl! Mugu finna stríðsviljan Í Víkinga leguni vóru teir sjálvandi væl nøgdir við, at tað aftur hesa ferð – fyri triðju ferð á rað – eydnaðist at vinna øll stigini. Men tað varð samstundis ásannað, at avrikið hevði ikki verið so sannførandi, sum tað hevði verið ímóti topp­ liðunum. ­ Fyrr í ár hava vit verið rættuliga óstøðug­ ir, og tað hevur kostað stig í fleiri førum. Sein­ astu ferðirnar hava vit verið ógvuliga savnaðir um uppgávuna, og tað hevur borið sigrar við sær ímóti oddaliðunum. Hesa ferð vóru vit ikki so fokuseraðir, sum vit hava verið, men tað gekk kortini. Lærdóm­ urin má vera, at avrikini mugu vera hundrað pro­ sent hvørja ferð og ikki minst, tá ið vit skulu spæla í Gundadali ímóti HB næstu ferð, verður tað neyðugt, varð niður­ støðan í Víkinga leguni. Glottar eru at hóma Skálamenn iðraðu seg um, at tað ikki hevði eydnast at fáa stig bur­ turúr grannauppgerðini. Men hóast Skála eftir fimtan umfør er niðast á støðutalvuni, so hava teir avgjørt ikki slept vónini um, at tað skal bera til at fóta sær soleiðis, at Skála eisini næsta ár verður partur av bestu deildini: ­ Samanspælið rigg­ aði hampuliga væl í dag. Vit høvdu bóltin kanska meiri enn mót­ støðuliðið, men vit spældu okkum ikki til so nógvar málmøguleik­ ar. Nú eru Bogi Greger­ sen og Jónhard Frede­ riksberg komnir aftur. Obi er vandamikil, og Alexandur Johansen er eisini fínur framrættað­ ur spælari. Tí eiga vit eftir summarsteðgin at hava fleiri álopsstreing­ ir at spæla uppá, og tað vóna vit fer at vísa seg í úrslitunum, søgdu skálamenn. Skála Víkingur Sigursgongdin í Sarpugerði heldur fram Randi Wardum á oddanum Randi Wardum og Valur eru í løtuni fremstar í bestu íslendsku kvinnudeildini. Í annaðkvøld verður fult umfar, og føroyski málverjin og viðleikararnir vitja hjá Þór/KA, sum liggur á sætta plássinum. Valur er trý stig framman fyri nærmasta kappingarneytan KR. Tað hevur gingið væl hjá Randi Wardum, síðan hon flutti til íslendskan fótbólt. Hon hevur vunnið sær sætið millum stengurnar, og higartil kann fingurin heldur ikki setast á úrslitini. Brøndby-venjari gevst Í vetur fer Tom Køhlert ikki longur at standa á odda fyri Brøndby. Seinastu tvey árini hevur hann verið venjari í danska høvuðsstaðar­ felagnum, men á jólum loysir Kent Nielsen hann av í starvinum. Og danski venjarin staðfestir nú, at hetta verður hansara seinasta venjara­ uppgáva. ­ Eg havi fleiri áhugamál enn bara fótbólt. Eg havi einki í hyggju í løtuni, men eg klári meg allarhelst, sigur Køhlert, sum áður hevur verið ungdómsvenjari í felagnum. Tað verður í øllum førum Tom Køhlert, sum stendur við stýrisvølin, tá B36 vitjar hjá Brøndby. Randi Wardum Tað eru søguligu tindunum hjá GÍ, sum Víkingur nú miðar eftir. Úrslitini seinastu ferðirnar hava boðað frá, at tað ikki er óhugsandi, at tað skal bera til at røkka høgt Mynd: Álvur Haraldsen