hósdagur 26. juli 2001síða 3

4 Nr. 141 - 26. juli 2001 Nr. 141 - 26. juli 2001 5 Føroya Akvariu- felag fer at sýna fram akvariur og fiskar á ólavsøku. Tey vitjandi sleppa at døma um, hvat vakrasta akvariið er FRAMSÝNING Føroya Akvariufelag fer á ólavsøku at sýna fram í hølunum hjá Lützens Foto í Sjúrðargøtu. Framsýningin er opin frá fríggjadegnum 27. juli til ólavsøkudag. Hvønn dag frá klokkan 14.oo til 18.oo, sigur felagið í tíðindaskrivi. Á framsýningini verð- ur møguleiki at síggja bæði teir vanligu, fremmandu akvariu- fiskarnar, fólk kenna, og føroyskar fiskar. Bæði salt- og feskvatnsfiskar. Eisini verður okkurt akvarium, sum fer at hava saltvatnsdjór, sigur Akvariufelagið í tíð- indaskrivinum. 14 ak- variur í ymsum støddum verða sýnd fram í høl- unum hjá Lützens Foto um ólavsøkuna. Tey vitjandi fara at velja vakrasta akvariið. Tað verður gjørt við at skriva nummarið á akvarinum á atgongu- merkið, sum lagt verður eftir. Hetta virkar sam- stundis sum lutaseðil, sum millum annað gevur møguleika at vinna ein litprentara frá Farodane. ej Fiskaframsýning á ólavsøku Hóast Oyndarfjørður er stongdur orsakað av ILA smittu, liggja fremmandir bátar á firðinum og fiska gággur. Landsdjóra- læknin kennir einki til málið GÁGGUVEIÐA Edvard Joensen At kalla dagliga liggja tveir fremmandir bátar á Oynd- arfirði og fiska gággur, hóast tað er ólógligt. Gjørt er vart við óskilið, men einki hendir. Oyndfirðingar ilskast um, at fremmandir bátar liggja og fiska á Oyndar- firði og síðan fara av aftur firðinum, hóast stongsulin, sum lýstur er. Sjálvir sleppa teir bara út at fáa sær kók, men mugu ikki fara út av firðinum. Talan er um tveir bátar úr Fuglafirði, sum fiska gággur, sigur Árni Joensen, borgarstjóri í Oyndarfirði. Annar er ein ljósur 20- tonsari, bygdur upp í øðrum borðinum, meðan hin er ein myrkur bátur við øðrum sniði. Árni Joensen sigur, at hann hevur gjørt vart við hetta hjá Fuglafjarðar Kommunu og hjá havnar- myndugleikunum í Fugla- firði. Hann sigur seg eisini vita, at menninir hava fingið boð frá havnar- myndugleikunum um at gevast. Men tað tykist ikki, sum teir lurta eftir tí, sigur borgarstjórin í Oyndarfirði. Ringar royndir Tá Sosialurin vendi sær til landsdjóralæknan at frætta nærri um støðuna, varð sagt, at hetta kendu tey als einki til. Bjørn Harlou, lands- djóralækni, er í summarfrí. Men Peter Østergaard, djóralækni, segði, at hann als einki hevði frætt um hendan fiskiskapin á Oyndarfirði. – Men tað er púra greitt, segði hann, at hatta er ólógligt. Og so bað hann blaðmannin siga sær frá, um vit frættu nakað meira! Árni Joensen, borgar- stjóri í Oyndarfirði, váttar, at hann hevur ikki boðað landsdjóralæknanum frá. Og tað kemst av, sigur hann, at hann hevur so mikið ringar royndir av Vinnumálastýrinum, sum Landsdjóralæknaembætið liggur undir, at hann bein- leiðis heldur tað vera nyttu- leyst at at siga frá. Hann bað um hálp frá Vinnumálastýrinum, at sóttreinsa bátarnar, sum lógu í Oyndarfirði, tá ILA sjúkan varð staðfest. Men svarið hann fekk frá aðal- stjóranum var, at tað hevði Vinnumálastýrið ikki møguleika fyri. Tey høvdu ivaleyst at gera við lógar- smíði, fekk hann at vita. Reinsa sjálvur Tað heldur borgarstjórin í Oyndarfirði vera vánaliga grundgeving, tí honum vit- andi eru fleiri djóralæknar í starvi hjá Vinnumálastýr- inum. Og onkur teirra mátti kunnað komið ein dag norður at staðið fyri sótt- reinsan av bátunum, sum ætlaðu sær burtur av firðin- um, soleiðis at arbeiðið varð gjørt forsvarligt. Men so varð ikki. Hin- vegin fekk hann sendandi við telefaksi eina rúgvu av oyðibløðum, har hann sum borgarstjóri og myndug- leiki í Oyndarfirði kundi skriva undir, at hann hevði sóttreinsað bátarnar. – Men hvussu í Harrans navni skuldi eg tað? spyr Árni Joensen. Eg eri ikki veterinermyndugleiki og havi ikki førleika til slíkt! Síðan eru summir bátar rýmdir úr Oyndarfirði og koma ikki aftur, meðan aðrir verða hangandi og sleppa ikki longri burtur enn eina snørislong úr landi. Og undir ongum umstøðum út á Djúpini at fáa sær eitt kók. Og enn argar tað oynd- firðingar, at fremmandi menn sigla út og inn av Oyndarfirði, sum teir vilja, hóast stongsul er galdandi. Eftir stendur so spurning- urin, um onkur enn er í bygdini, sum dugir at gera teir til stein, soleiðis sum tað hendi kendu ófriðar- skipunum á sinni, sum enn standa og rilla á Oyndar- firði. Ólógligir gággufiskarar á Oyndarfirði Eisini í Keyp- mannahavn ber til at halda ólavsøku og hoyra kapp- róður, um tað ikki er gjørligt at vitja klettarnar tjóðar- hátíðina ÓLAVSØKA Dagfinn Olsen Sum vanligt hevur verið undanfarin ár, verður aftur í ár skipað fyri ólavsøkuhaldi í Føroya- húsinum í Keypmanna- havn. Ólavsøkuaftan letur kaffistovan upp klokkan 12 við matsølu og tón- leiki. Kokkurin Stina Gudmundsdóttir borð- reiðir við buffet. Klokkan 14 er ferni- sering. Arngerð Joensen sýnir fram oljumálning- ar. Húsið bjóðar okkurt at leska seg við og tón- leikur verður at hoyra. Frá klokkan 16 verður kappróðurin útvarpaður á báðum hæddum í Føroyahúsinum. Klokkan 18 er ólav- søkusetan á skránni. Felagssangur er á skránni og føroyski borgarstjórin í Gundsø, Jens Muller, heldur ólavsøkurøðuna. Hann er ættaður úr Havn. Klokkan 18:30: Báðar dagarnar ger kokkurin Stina leskiligt buffet- borð. Kostnaður 100 krónur, tvey góð vínsløg á 85 ella 115 krónur. Alex og Axel Á kvøldi klokkan 20:30 syngur Alex Bærentsen og Axel Eysturstein spælir. Frá klokkan 22 spælir Fuse. Hetta eru Kristina Heldarskarð og Axel Eysturstein. Kostnaður 50 krónur. Trubadurur vitjar Ólavsøkudag letur kaffi- stovan upp klokkan 14. Umframt smurt breyð, verður okkurt til børnini báðar dagarnar. Klokkan 17 er guðs- tænasta í Eliaskirkjuni, har Torben Johannesen prædikar. Torben er ætt- aður úr Fuglafirði og er fyrrverandi háskúla- stjóri. Frá klokkan 18 til 20 er buffetborð. Klokkan 20 byrjar kafékvøld við sangi og heldur hetta fram til klokkan 23. Trubadur- urin Stanley Samuelsen, ið er ættaður úr Fugla- firði, syngur. Ragnar Jóhansen, lærari í Nak- skov, heldur midnáttar- røðuna. Ragnar er ætt- aður úr Vági. Soleiðis kemur ólav søkuhaldið í Føroyahús- inum at enda. Hvørt ein so er útiseti ella er vitj- andi á flatlondum, so er eingin orsøk at lata ólavsøkuna fara fram- við, um ein er nærhendis høvuðsstaðnum. Myndin sýnir, hvar tveir bátar regluliga plaga at fiska gággur fram við syðra landinum á Oyndarfirði Ólavsøka í Føroyahúsinum Bjørk skal møguliga framføra á Kgl. Teatrinum í Keyp- mannahavn. Nýggja fløga hennara spreingir aftur mørk og er operakend. Fløgan snýr seg um vetrardvala, at kóka sukurlátu og at lesa yndisbøkur TÓNLEIKUR Dagfinn Olsen Arbeitt verður við ætlanum um, at Bjørk skal framføra á Kongaliga Teatrinum í Keypmannahavn. Hetta er hennara egna ynski. Enn eru ætlanirnar ikki endaliga komnar á pláss og eingin váttar nakað hesum viðvíkjandi, skrivar Jyllandsposturin. Bjørk fer um mørk Sagt verður, at við nýggju og leingi væntaðu fløguni, ið nevnist Vespertine, fer Bjørk aftur um mørk á listaleið síni. Fløgan hevur eitt huglag, ið ein skapar heima við hús við vinum og tí einasta eina, sigur Bjørk við Bill- board. Hon metir, at tón- leikurin verður trupul at framføra á palli. Fløgan snýr seg um at kóka sukurlátu, vetrardvala og at lesa yndisbøkur. Hetta huglag er ikki lætt at raka í stórum hølum, og vil eg tí leika í smáum hølum, sigur Bjørk, ið skal leika í fleiri kendum operahúsm í Evropa. Vespertine kemur úr 27. august og tvey av løgunum hevur danski Opiate, alias Thomas Knak, framleitt. Bjørk kókar sukurlátu á Kgl. Teatrinum Í ár eru liðin 100 ár síðani skaldið og rithøvundurin Heðin Brú varð føddur. Í hesum sambandi letur upp stór hand- rita- og bókafram- sýning á Landsbóka- savninum. Í tilfarin- um eru at finna frum- ritini til nakrar av týdningarmestu gim- steinunum í føroysk- um bókmentum BÓKMENTIR Dagfinn OIsen Fríggjadagin 27. juli, tað er í morgin, letur upp fram- sýning við handritum og bókum eftir Heðin Brú á Landsbókasavninum. Tá sýningin letur upp fyri almenninginum klokkan 16, syngur Havnarkórið undir leiðslu av Ólavi Hátún Læraraskúlakantat- una Fedranna Tala. Heðin Brú yrkti og Hans J. Høj- gaard gjørdi lagið. Framsýningin hevur fingið heitið Skaldið úr Skálavík. Frumrit til bókmentagimsteinar Fyrr í ár varð stórfingin handritagáva latin Føroya Landsbókasavni í varð- veitslu. Tað eru børnini hjá Heðini Brú, sum hava latið eitt stórt savn av handritum, uppritsbókum, brøvum og øðrum skjølum, ið lógu eftir pápa teirra. Í tilfar- inum er eisini eitt bræva- savn upp á eini 2000 brøv, skrivað av vinum og kenn- ingum í Føroyum og uttan- lands. Tað mesta av tilfarinum er nú skrásett, men á fram- sýningini ber bert til at síggja lítlið úrval. Í vavi fylti gávan upp í 7 kuffert og 5 pappeskjur. Í tilfarinum eru at finna frumritini til nakrar av týdningarmestu gimsteinu- num í føroyskum bókment- um, nevnast kunnu skald- søgurnar Lognbrá, Fasta- tøkur og Feðgar á Ferð. Eisini eru handrit til nógvar av stuttsøgunum og týðing- unum, ið eru eftir Heðin Brú. Til november Forvitnisliga framsýningin letur upp í morgin klokkan 16. Hon er opin ólavsøku- aftan og ólavsøkudag frá klokkan 14 til 20. Fram- sýningin Skaldið úr Skála- vík verður standandi á Landsbókasavninum til 1. november. Skaldið úr Skálavík á Landsbókasavninum Ein stór øl er komin á marknaðin. Tað er Før- oya Bjór, ið hevur sent eitt nýtt snið av veðra- fløskum á marknaðin. Veðraølið hjá Føroya Bjór stendur óivað í mongum kuldaskápi, hjalli ella bilviðførisrúi á ólavsøku. Men nú er alt so nógv lættari, sum tikið verður til. Bryggjaríið hevur nevniliga sent veðrin á marknaðin í stórari fløsku. Hon er úr plasti og í henni eru 1,25 litrar. Stóra veðraølin var at fáa í Havn og í Klaksvík í gjár og fløskan kostar 34 krónur (við 5 krónum í panti). Óivað verður nýggja støddin og sniðið hent hjá mongum. Men nú ber ikki longur til hjá monnum at siga við konuna við blonkum, mjúkum eygum: “Eg havi bert drukkið eina øl!”, tí hetta hevur fing- ið heilt nýggja merking. Sama er galdandi, verð- ur ein steðgaður av løg- regluni. Hinvegin heldur onkur óivað, at tað er somikið hugnaligari at verða boðin inn til vinmannin til eina øl. Tað er vorðið alt van- ligari við plastfløskum og hetta fer kanska at fríðka eitt sindur um, so færri brotnar og vanda- miklar fløskur verða at síggja á ólavsøku. Ein sera stórur veðrur til ólavsøkuna Landsbókasavnið sýnir nú fram frumhandrit eftir skaldið Heðin Brú C M Y K 5 4