fríggjadagur 18. juli 2008síða 11

11 tíðindi Nr. 137 - 18. juli 2008 Tvær umsóknir til Mykines og Fugloy Mentamálaráðið søkti herfyri eftir útoyggjalærara til Mykines skúla til komandi skúlaár, og freistin at søkja starvið var úti fyrr í vikuni. Tað sama var galdandi fyri Fugloyar skúla. Tvær umsóknir eru komnar til báðar skúlarnar. Tað eru ikki fólkaskúlalærarar sum søkt hava starvið í Mykinesi, men fólk við aðrari útbúgving. Tað verða tveir næmingar í Mykines skúla komandi skúlaár. BBC ger sending um Vágar Sjónvarpsrásin BBC kemur í næstum til Føroyar at gera sending um lívið í Vágum undir 2. heimsbardaga. Hetta er í samband við eina master-ritgerð, ið Mina Reinert skrivar, um ta ávirkanina, sum hersetingin hevði á Vágar, við serligum atliti til sosial og mentunarlig viðurskifti. Vágaportalurin skrivar, at BBC hevur frætt frá onkrum um hetta savn av myndum og lutum, ið finnast í Føroyum, og hevur hetta vakt teirra áhuga fyri at taka hetta við í sending teirra um vágafólk undir 2. heimsbardaga. Millum tey 760 børn­ ini ið fara á legu í Nesvík í summar, er 11 ára gamli argja­ drongurin Eyðun Poulsen. Á leguni er ymiskt á skránni til tey ymisku børnini. – Eg elski at syngja, sigur hann Summarlega Snorri Brend snorri@sosialurin.fo Myndir: Jens Kristian Vang Nesvík: Veðrið er av tí fagrasta seinnapartin týs- dagin í hesi vikuni. Á skránni hesa løtuna hava leguluttakararnir havt møguleika at velja seg inn á fleiri ymiskar breytir. Ein av hesum breytunum kundi kanska itið krabbaveiða á landi. Í øllum førum eru fleiri børn farin ein túr oman í fjøruna í hesum sambandi. Tey leita undir hvørjum steini, og tað er ikki frítt, at hetta eisini gevur úrslit. Á eini stórari balju síggj- ast fyrstu úrslitini eftir góðu veiðuni. Krabbar í ymiskum støddum ganga á botninum, eins og eitt djór, sum hvørki børn ella vaksin vita navnið á. Líkt er til, at Eyðun og hin- um børnunum dámar hetta sera væl, og tey lata seg als ikki órógva, hóast eitt rættiliga grovt æl fer strúk- andi framvið ella at umboð fyri tíðindatænastuna eru á vitjan. Tá tey eru upptikin av einumhvørjum áhugaverd- um, leggja tey líka í, hvussu umstøðurnar broytast rund- an um tey. - Hetta er bara super, sigur ungi argjadrongurin. Fanga krabbar Hetta er ikki fyrstu ferð at Eyðun er á summarlegu í Nesvík. Hann hevur verið her fleiri ferðir áður, og gleddist aftur um at fara á aftur á sama stað, tá legan byrjaði mánakvøldið. - Tað er faktiskt líka stutt- ligt at koma á summarlegu á hvørjum ári, slær hann fast. Hjá Eyðuni er stuttligt at hitta nýggj fólk, og eisini at vera á legu saman við fólki, ið ein kennir. Á hesi leguni er hann saman við trimum vinum sínum – tveimum av Argjum og einum úr Havn. Á leguni gera tey mangt og hvat, og sum teimum ungu dáma. Tá ein spyr Eyð- un, hvat honum dámar allar- best, nevnir hann beinanveg- in trý ting: Bíbliutímarnar, jollurnar og tað at fanga krabbar. - Tað besta eg veit, er at fanga krabbar her í fjøruni. Tað plagi eg eisini at gera í Sandágerði, tá veðrið er gott, sigur hann íðin á mál- inum. Í ár er fyrstu ferð at møgu- leiki er hjá leguluttakarunum at hoppa á teirri stóru luft- pútuni niðanfyri leguhúsið. - Hetta er eisini ordiliga skeg, sigur ungi argjamað- urin. Svigarpápin Ein summarlega er merkt av tiltøkum, sum eru bæði til álvara og gaman. Til tann fyrra partin hava bíbliu- tímarnir hvønn morgun sítt sjálvsagda pláss. Evnini til hesar bíbliu- tímarnar skifta ár undan ári, og í ár verður dentur lagdur á at greiða børnunum frá lívinum hjá tveimum av monnunum í Gamla Testa- menti – Mósesi og Dánjali. Eyðun kennir væl søguna um Móses, ið var hann sum leiddi Ísraels fólk út úr Egyptalandi. Hann eigur sjálvur ein film um Móses og eitt systkinabarn hansara eigur ein annan. Hóast hetta, so lærir ein altíð okkurt nýtt, tá ein soleiðis situr til undirvísing á eini summarlegu. - Eg visti ikki, at hann fór til svigarpápan at ansa eftir seyði, og at hann eisini gjørdi hetta, tá hann sá tann brennandi tornarunnin. - Eg trúði at hann var í ferð við at flýggja, tá hetta hendi, sigur Eyðun. Tað er bæði vist og satt: Ein lærir, so leingi ein livir! Fáa nógv burtur úr í Nesvík - Tað besta eg veit er at fanga krabbar, sigur Eyðun Poulsen av Argjum Gev einum dreingi ein bólt, og hann gloymir alt rundan um seg. Hetta sama er galdandi fyri tey, sum valdu ítróttarbreytina Hetta er fyrstu ferð at til ber at brúka ta stóru hoppipútuna niðanfyri leguhúsið. Henda verður nógv nýtt, bæði av børnum og vaksnum