mánadagur 21. juli 2008síða 13

Nr. 138 - 21. juli 2008 13 Løgnar viðmerkingar um ynski frá Sandoynni um at fáa ein undirsjóartunnil millum Sandoy og Streym­ oy. Skilji væl, at onnur uttan fyri hetta økið seta spurn­ ing um kostnaðin av hesi ætlan, men eg sakni teirra støðu til týdningin av hesi íløgu. Og serliga frá tjóð­ veldisfólki, ið seta álít sítt á einar ”frælsar Føroyar”, men bert fyri summi! Samgongar hevur sum stavnhald at lækka fíggjar­ liga stuðulin úr Danmark við góðum 100 mió kr. um árið. Havi verið samdur um, at innspræning av fremmandum kapitali í búskapin, uttan tilsvarandi framleiðslu í samfelagnum, at hetta ørkymlar okkara búskap. Nú skulu vit nýta kapi­ tal, eins og altíð. Men tá talan er um at nýta týðandi upphæddir til tunnil til Sandoynna fyri at gera hesa til ein ein part av Føroyum, nú verða øll segl reist ímóti, tí vit mugu gera íløgu í okkara sjúkrahús­ verk v.m. sum hevur verið undirmett í øllum gulltíðu­ num, meðan tá ikki var talan um nakran tunnil! Stríðið ferðast í samgong­ uni, tí Gerhard ikki hevur álit á ”fundarrøðini” hjá samgonguni um ætlanina innanhýsis, meðan Páll væntar eitt gott úrslit fyri Sandoynna! Fyri mær tykist enda­ málið greitt hjá Bjørt v.m., at neyðugt er at yvirliva hetta samgonguskeiðið, uttan at gera hesa íløgu, og tí skulu neyðloysnir og útsetingar avtalast, so leingi hetta gerst neyðugt! Fyri okkum í Sandoynni og fyri okkara eftirkomarar er bert eitt at gera fyri at yvirliva her: Okkara ting­ menn eiga ikki at góðtaka nakra politiska avtalu um sandoyartunnilin, uttan henda skal fremjast í hesum valskeiði við eini bindandi avtalu! Her stendur Gerhard fastur, men eg ivist í støðuni hjá tjóðveldis­ manninum! Hví so ikki sleppa ætlanini um lækking av stuðlinum úr Danmark og koyra pengarenar í tunnilsgrunnin? Eg havi orsøk til at vænta mær nakað av Tjóð­ veldisflokkinum, tá tað snýr seg um einar sjálv­ stýrandi Føroyar, men við núverandi støðu, so ”svækkes min tro”! Eyðun Mohr VidErø Politisk og fíggjarlig loysing frá Danmark! Men hvør sleppur við? 3. útbjóðing Jan Müller jan@sosialurin.fo Næstseinasta fríggjadag lat 3. útbjóðing til oljuleiting á føroyska landgrunninum upp fyri oljufeløgunum. Í hesum døgum verður út­ bjóðingartilfar sent út til áhugað feløg, her m.a. fald­ ari við loyvisøkjunum á. Fe­ løg skulu so søkja innan 3. november og verða loyvini latin innan árslok. Hetta upplýsir Petur Joensen, stjóri á Jarðfeingi. Hann sigur, at enn er stutt fráliðið, men fleiri feløg hava longu vent sær til Jarð­ feingi við fyrispurningum. Her er bæði talan um gomul feløg, tvs. feløg, sum hava verið við í leitingini higartil og nýggj feløg, sum ikki hava verið við í hvørki 1. alla 2. útbjóðing. Men eitt eru fyrispurningar, annað er veruligur áhugi. Tað vil tíðin so vísa. Petur Joensen sigur, at tað verður eisini spennandi at síggja, hvørji øki verða latin til leiting í seinastu bretsku útbjóðingini, sum lat aftur herfyri. Her hugsar hann serstakliga um øki framvið føroyska marki­ num. Gongdin í bretskum øki, har tvey stór oljufund, Cambo og Rosebank møgu­ liga verða útbygd til fram­ leiðslu, kann eisini hava positiva ávirkan á 3. útbjóð­ ingina á føroyska landgrunn­ inum. – Trúgva feløgini uppá økini bretsku megin markið, so kann tað eisini fáa feløg at vísa okkara útbjóðing ans, tí at kunna vera við báðumegin markið kann vera skilagott fyri olju­ feløg, sum veruliga síggja eina framtíð á Atlantsmóti­ num sigur Petur Joensen á Jarðfeingi. Dømi eru longu um, at fleiri oljufeløg, sum hava loyvi í bretskum øki, eisini hava fingið tillutað øki okkaramegin markið. Sum Portalurin skilur eru tað m.a. oljufeløg úr fjar­ eysturi, sum vísa føroyska landgrunninum ans um­ framt stór oljufeløg, sum eru virkin vestan fyri Het­ land. Petur Joensen, stjóri í Jarðfeingi Áhugi fyri oljuleiting hóast turrar brunnar Tey, ið dáma væl at lurta eftir mans­ kórum, fáa ein gyltan møguleika til hetta, tá danska manskórið við tí beinrakna navninum “Mandskoret Sønder­ borg” kemur á vitjan í næsta mánaði. Miðal­ aldurin á kórinum er 60 ár Kórsangur Snorri Brend Vitjanin hjá manskórinum verður í døgunum 20. til 24. august, og fer kórið at hava tvær konsertir ­ eina í Havn og eina í Gøtu. Fyrra konsertin verður hóskvøldið 21. august í Norðurlandahúsinum. Við hesa konsertina fer Mands­ koret Sønderborg at syngja sjálvir, men eisini saman við Tórshavnar Manskóri. Seinna konsertin verður leygardagin í Gøtu, har kór­ ið skal luttaka við eina kirkjukonsert saman við kórinum Eystanljóð. Tað sum ger hesa vitjan­ ina so forkunnuga er fyrst og fremst tað, at talan er um eitt manskór. Í øðrum lagi er vert at nevna, at millum sangarar­ nar er havnarmaðurin og yvirlæknin, Óli Jacobsen og sum kemur frá sangglað­ ari familju. Nú hann er á heimavølli fer hann uttan iva at gera sítt til, at ferða­ lagið úr Danmark fær eina so áhugaverda vitjan sum gjørligt. Hóast talan er um eitt manskór, so er tað ein kvinna sum stendur á odda fyri hesum 45 monnunum. Talan er um Helle Damkjær, ið er 15. kórleiðarin í Mands­ koret sum varð stovnað so langt afturi sum í 1921. Konsertir og ferðir Sangúrvalið hjá Mandskoret Sønderborg er rættiliga fjøl­ broytt. Tað spennir frá fosturlandssangum til meiri lættari sangir ­ og sum teir siga: Nýggir sangir koma alla tíðina á sangskránna. Kórið hevur sungið rætti­ liga nógv hesi árini, ið tað hevur verið virkið, bæði heima og úti. Heima hava teir m.a. verið fastir gestir á skránni til jólaveitsluna hjá pensjónistunum, og við vár­ konsertina í Musikhuset, har øll kórini úr økinum framføra nakað av tí, tey hava lært og sungið um vet­ urin. Kórið hevur haraftrat bæði vitjað í Svøríki, Ong­ landi, Wales og í Letlandi, og var á sumri 2006 við til Sønderborg Sammer Revy, har teir sungu við í endalag­ num íalt 40 ferðir. Nú liggur so leiðin hjá Mandskoret til Føroyar. Ein av næstu stóru uppgávunum teirra verður í 2010, tá kórið skal fyriskipa Dansk Sanger Forbunds lands­ stævne í Sønderborg. Fram um alt leggur kórið kortini dent á tann sosiala felagsskapin millum sang­ arar og hjúnafelagar teirra. Gamalt manskór við nýggjum sangum Kórið hevur høgan miðalaldur, men sanggleðini og samanhaldinum hjá Mandskoret Sønderborg bilar einki