mikudagur 23. juli 2008síða 6

6 tíðindi Nr. 140 - 23. juli 2008 Lestrarstevna á Rex Fríggjakvøldið klokkan 19 skipar MFS fyri einum kjakkvøldi. Rex verður karmur um árligu lestrarstevnuna, og á skránni verða framløgur við Norðuratlantsbólkinum og umboðum úr andstøðuni og samgonguni. Evnið er útbúgvingarpolitikkurin í Føroyum. Tónleikur og skemt verður eisini. Øll eru vælkomin, heilsa tey av Res og siga, at tað er ókeypis atgongd – og tey í MFS vóna at fáa eitt gott og gagnligt kjak. Í dag varð málningur av kendum havnar­ manni avdúkaður í Listaskálanum í Havn. Málingurin var av Heðini Mortensen, borgarstjóra í Havn. Edward Fuglø hevur málað málningin Mynd Dagfinn Olsen dagfinn@sosialurin.fo Spenningurin var stórur í Listaskálanum klokkan 9:30 í morgun, tí boðað varð frá, at málningur av kendum havnarmanni fór at verða avdúkaður, og at viðkom­ andi bleiv til staðar, eins og listamaðurin Edward Fuglø. Tá løtan nærkaðist, at málningurin skuldi avdúk­ ast, vísti Helgi Fossadal, stjóri í Listaskálanum, at siga, at borgarstjórin í Havn, Heðin Mortensen, kom at avdúka málningin. Fegin Hegin Tá borgarstjórin í Havn avdúkaði málningin vísti tað seg, at tað var júst Heðin Mortensen, ið var avmynd­ aður á málninginum. Heðin Mortensen fegnað­ ist um úrslitið, og metti listamannin vera komnan væl frá myndini. Heðin Mortensen segði, at tað er siður í Tórshavnar Býráð, at málningur verður málaður av borgarstjór­ unum, og hesin var so ein í røðini. Síðani 1909 hava 18 býráðsformenn verið, 118 býráðslimir, harav 11 hava verið kvinnur og ein kvinnu­ ligur borgarstjóri hevur verið í Havn, visti Heðin at siga. Heðin metti, at onnur áttu at døma um myndina, men sjálvur fjaldi hann ikki, at hann var væl foreintur við myndina. Modernaði politikarin Listamaðurin Edward Fuglø segði, at hann hevur málað nakrar andlitsmyndir, ið vóru av Bíbliutýðarunum Dahl, Danielsen, og Viderø, og var hetta til frímerkir. Listamaðurin segði seg við myndini av borgarstjór­ anum í Havn, hava roynt gera naturalistiskan máln­ ing, ið fangaði dynamiska persónin og modernaða politikaran. Edward Fuglø hevur sjálvur á málninginum sett Heðin í ein av kendu „egg­ stólunum“, ið er grønur. Um litirnar í bakgrundini, tað grøna og hvíta, segði Edward, at Heðin eisini er kendur frá ítróttinum, og at tí eru litirnir viðkomandi. Persónurin situr meira á skák og ikki miðskeiðis í myndini, og skal hetta fáa ferð á myndina. Edward hevur nýtt á leið fýra mánaðir til málningin, oh hann hevur havt fríar teymar. Tórshavnar Býráð hevur bílagt málningin, og Edward Fuglø segði seg hava lagt dent á at mála eina mynd av einum borgar­ stjóra, og ikki ein privat­ mann. Málningur av Heðini avdúkaður Løgmaður skrivar Ger- hardi svar Løgmaður situr og orðar eitt skriv, ið skal vera svar til Gerhard Lognberg, ið hevur kravt løg­ man eftir svari um lagnuna hjá Sandoy­ artunnlinum innan klokkan 15.00 í dag Sandoyartunnil Dagfinn Olsen dagfinn@sosialurin.fo Í dag situr Jóannes Eides­ gaard, løgmaður, og orðar eitt skriv til partamann sín, Gerhard Lognberg. Gerhard Lognberg hevur sent løgmanni kravboð, har hann vil hava greitt at vita, um Sandoyartunnilin verður gjørdur og nær, og hvørt hann verður gjørdur áðrenn Eysturoyartunnilin. Um so er, og svarið er í tráð við hesi ynskini hjá Gerhardi Lognberg, so sigur Gerhard seg fram­ vegis stuðla samgonguni. Hann vil hava svar innan mikudag klokkan 15:00. Løgmaður sigur, at Ger­ hard Lognberg fær svarið í dag, og áðrenn Gerhard hev­ ur fingið sítt svar, verður innihaldið ikki avdúkað. Róligur løgmaður Spurdur, um tað er sum tað skal, at ein tingmaður soleiðis setir kravboð, og at løgmaður gongur hesum á møti við at halda tíðar­ freistina, sigur løgmaður, at hetta metir hann ikki sum ein trupulleika. ­ Tað gongur nokk!, Eg havi nógv at gera í løtuni og arbeiði undir trýsti, so eg klári nokk at svara Ger­ hardi eisini, um so onkur annar bara má bíða eina løtu, sigur løgmaður. Hann heldur ikki, at hann nú verður dikteraður av tingmanni, ið hevur sett kravboð við tíðarfreist. ­ Tað er av størsta týdn­ ingi at fáa avklárði viður­ skiftir, og Gerhard fær sítt svar innan klokkan 15:00, sigur løgmaður. Mikudagin varð málningur av Heðin Mortensen avdúkaður í Listaskálanum í Havn. Edward Fuglø hevur málað Mynd: Jens Kristian Vang